أضف سؤال أو موضوع جديد          

توظيب المكينة

up 1 down 2
جعل من ربوني في الجنه 333
قبل 4 سنه و 5 شهر



السلام عليكم ورحمة الله وبركاته. 

يااخواني عندي. بعض الاستفسارات 

واتمنى. تساعدوني فيها 

اولاً عندي اكسنت٢٠١٠تماتيك. وضبتها قبل فتره

كل القطع وكاله. وانا جبتها بنفسي والي ركبها 

وظبها. اعرفها ويعرفه الوالد من اكثر من١٨سنه

وفيه ناس يجونه من خارج الرياض. يوظبون 

عنده. وشغله. وكاله. 

طبعاً نص توظيب. الي وظبتها 

سبايك وبساتم. وبلوف. وذراع بستم. 

كل شي بالمكينة. غيره. 

ماعدا. الاتي:::::

تكايات. البلوف. السلندر ماسوى له خرط 

هذي فقط ماسواها. 

وبعد التوظيب بشهرين. طلع لي صوت. 

طقطقه بالمكينه. مزعج. على خفيف. 

وسئلت هنا بالمنتدا والاغلبيه اشارو 

اني اغير اللزوجه. 

وغيرت. ومانفع شي. 

والحين الصوت. صار قوي جداً. اذا السياره 

بارده. او لها فتره. شغاله. الصوت مستمر. 

على طول. واكثر الورش الي رحت لها 

قالو صوت. البساتم. فيها فظاوه. 

لازم تخرط السلندر. 

ورحت عند الي وظبها. وسمع الصوت. وقالي. 

احتمال كبير ان السلندر فيه فضاوة. 

لاكن عندك حلين واختار واحد منها. 

يا تسوي لها توظيب كامل. 

توظيب كامل تغير جميع القطع الي داخل 

المكينه وتخرط الراس. وتخرط السلندر. 

او انك. تجيب لي مكينه. من التشليح. 

فدورت. مكينة ماحصلت شي. نظيف. 

ورجعت له. وقالي فكر اذا تبغى توظب. 

جيبها لي.  

وشغل. يدي. ماراح اخذ منك شي.  

لانك وظبتها وخسران فيها. وهالمره. 

ماراح اخذ على شغل يدي. شي. 

جيبلي القطع.  واظبطها لك. وظمان شهر

اذا طلع فيها. مشكلة. ارجع لك قيمة. 


اتحملها انا. 

فا يااخوان وش رايكم.  عن خرط السلندر. 

ممكن انه يكون سبب الصوت. منه. 

لان الصوت اسمعه. من عند السلندر. 

وهذي المره. بسوي توظيب كامل. 

جميع القطع راح تتغير. كامل. 

وخرط السلندر. 

واسف على الاطاله. ابغى. رايكم. 

عن الخرط. السلندر والقطع راح اغيرها كامله 

والعزم بعد التوظيب وخرط السلندر. 

كيف بيصير راح يضعف.  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعذروني اذا فيه اخطاء بالكتابه. 

قاعد اكتب من الجوال. واسف على الاطاله. والموظوع 

ماهو مرتب. فااعذروني 


up 1 down 0
جعل من ربوني في الجنه 333
قبل 4 سنه و 5 شهر



حياك الله ياغالي والميكانيكي ماقصر انه وظب نص توظيب 
واحيان كثيره تزبط بس مازبطت معاك لشيء مانتبهله الميكانيكي
دامك خسرت قطع اول وبتخسر نفس القطع مره ثانيه وزياده قطع
غير المخرطه 
فانت موظب موظب امشي فيها لين ماتوقف ووظب مره وحده
وكلم الميكانيكي على هالموضوع وقوله لو مشيت حيصير ضرر
بالمستقبل اذا قالك لا كمل مشي فيها لين ماتخبط هذا اذا خبطت
وماعليك من الصوت


up 3 down 0
احمد شريف 3176
قبل 4 سنه و 5 شهر



هذا توظيب كامل تقريبا المفروض المهندس يغير التكيات والبلوف ويودي الرأس المخرطه يجلس البلوف 
ارجع له قله المكينه فيها صوت في التكيات 
شباب افزعو لي لايكات عندي والله موضوع مهم عمري 17 وشريت سياره مادري كويسه ولا لا


up 2 down 2
قائد جيش السنافر -16
قبل 4 سنه و 5 شهر



هذا توظيب كامل تقريبا المفروض المهندس يغير التكيات والبلوف ويودي الرأس المخرطه يجلس البلوف 
ارجع له قله المكينه فيها صوت في التكيات 
شباب افزعو لي لايكات عندي والله موضوع مهم عمري 17 وشريت سياره مادري كويسه ولا لا


up 0 down 1
قائد جيش السنافر -16
قبل 4 سنه و 5 شهر



جزاكم الله خير. 

سئلت الميكانيكي. قالي عادي تمشي عليها. 

بس المشكله الصوت. يزداد يوم بعد يوم. 

والعزم. ماعندك احد. اليوم. بعد ممشا ساعتين. 

اقسم بالله. ان السياره. ميته. بالقوة. تمشي. 

وصوت المكينه مرتفع. وبلاوي. فيها. 

فالحمدلله تسلفت. من اخواني. مبلغ. وقلت. 

اوضب. والله يحلها 

بس. وش يعني خرط السلندر. 

وبعد الخرط بيضعف العزم. 

ماني ناقص ضعف عزم. عاد الاكسنت عزمها 

على قدها. لو ضعف العزم. اكثر. يالله تمشي 

قبل اسبوعين مشيت عليه. والمكيف طافي. 

الين ١٩٠.واحسها. تمشي بالقوه. 

وكان ماشي مع خويي. معه نفسها. المشكله. 

انه يمشي وراي. وهو يحلف بالله انه ماتعدا ١٥٠

والصدام بالصدام. يعني. سيارتي.  عزمها منتهي 

حتى لو مشيت ٢٠٠

فماادري. البلاوي هذي كلها من. البساتم. والقطع الثانيه 




up 0 down 0
جعل من ربوني في الجنه 333
قبل 4 سنه و 5 شهر



اعذرني ما اعرف شي بالتوضيب
بس الخرط اعتقد يسوو مسحية للبستم
زي الهوبات لمن تنخرط
وجدران البستم اذا متوسعة او فيها فضاوةيحطولها حزام
ومع الأسف هذا يضعفها وماراح يخليها تتحمل


up 1 down 1
متسوق جدة 138
قبل 4 سنه و 5 شهر



جزاك الله خير. 

وننتظر الاعضاء الباقين 

اهم نقطه عندي  العزم بعد التوظيب 




up 0 down 0
جعل من ربوني في الجنه 333
قبل 4 سنه و 5 شهر



انصحك خذلك مكينه مستعمله مستورده و ليس من التشليح. شد 
وكالتها شرط ماتكون انفكت المكينه و عليها ضمان شهر اي مشكله
حراره او تهريب او صوت تتبدل على طول بغيرها و تركيبها ماياخذ يوم.
 افضلك من التوظبف يايظبط يا مايظبط و انت دافع مبلغ كبير 
في القطع و شغل اليد . 
يا مايظبط. 


up 0 down 0
amer ahmed 559
قبل 4 سنه و 5 شهر



طيب بنصحك نصيحه وجرب مر الوكاله واسالهم عن المكينه الجديده وكم سعرها ووقتها قرر توضب ولا جديده بفرق الف  اعرف واحد بيوضب مكينته ب 9000 والوكاله بتعطيه مكينه جديده ب 12 الف مع التركيب وياخذون مكينتهم المخبطه 


up 0 down 0
7amood1930 181
قبل 4 سنه و 5 شهر



اكسنت يا حبيبي خذ لها ماكينة مستوردة وريح راسك
فيه تشاليح بالحاير بالرياض عندهم مستورد
وضمان زي ماتبي

نصيحة ماكينة تشتريها بثلث قيمة التوضيب

انصحك بالتوضيب اذا السيارة ٦ او ٨ سلندر ولها قيمة بالسوق


up 0 down 0
ebtekar 26
قبل 4 سنه و 5 شهر



اخذت ياالغالي مكينة مستورده. 

وركبتها وطلع فيها صوت. تكايات. ورجعتها 

وركبت غيرها وبعد يومين طلع صوت فيها ورجعتها 

وطفشت من الفك والتركيب هذا. مااتهنى بالسياره 

حتى لو يوم كامل لازم انها. تمر على كم ورشه. 


up 0 down 0
جعل من ربوني في الجنه 333
قبل 4 سنه و 5 شهر



بع السيارة احسن لك يمكن عين بها ولاشي


up 1 down 0
ابو يزن الغامدي. 6
قبل 4 سنه و 5 شهر



والله لو ماعليها مخالفات كان بعتها. من زمان 

لاكن عليها مخالفات ولا اقدر ابيع الا واسدد 

وقيمة المخالفات اكثر من قيمة السياره 

لاكن الله كريم 


up 0 down 0
جعل من ربوني في الجنه 333
قبل 4 سنه و 5 شهر