مساعدة لاهل الخبرة يااهل الخير

ادخل ابشر . و اذا ما عندك حساب اعمل واحد جديد و اعمل له تفعيل 

و بتلاقي كل التفاصيل موجودة بحسابك

دخلت ابشر حصلت بلاغ بشرطة تبوك مع العلم ولا مرة رحت تبوك ولا اعرف احد هناك

روح شرطة مدينتك واستفسر منهم

اي فرع اروح ولا لازم تبوك

عادي اي فرع هما يتاوصلو معاهم
او يقولولك ايش تسوي
أما اذا تبوك قريبة منك روحها

الله يسهل امرك أن شاءالله بسيطه دام مارحت لتبوك 
شباب افزعو لي الله يرحم ولديكم لايكات بنزل موضوع والله ضروري 

انا من الرياض

ولا رحت لتبوك ولا اعرف احد هناك

النظام يقول اي دعوى او مشكلة عليك تكون في مكان اقامتك 


يعني تروح لأقرب شرطة لك في الرياض , او اذا لك معارف بالشرطة تروح للمركز الي هم فيه 

وتقول لهم السالفة وانك تبيهم يخاطبون شرطة تبوك يرسلون موضوعك لمكان اقامتك


اكرر منت مجبور تروح لتبوك ولا احد يقدر يجبرك شرط انك تروح للمركز وتعطيهم خبر 

مشكلة مااعرف احد من الشرطة

الله يعين بس

^ ماتعرف تروح اقرب قسم شرطة وتستفسر انت رجال لاتكون قليل حيله وخرشه .. 
رح لاقرب قسم وشف موضوعك وش وخلص امورك !!

الظاهر انها جريمة الكترونية او بنكية
اما ان شخص مشتبه فيه حول لك فلوس على حسابك
وصرت مطلوب عشان يحققوا معاك كيف عرفته
او انك بعت سلعة لشخص عن طريق النت واشتكاك هناك
ارجو انك توافينا بالمستجدات معاك
والله يستر على عباده الصالحين

المشكله الخوف إذا رحت لهم يوقفونك 
اسمع ادخل على موقع الوزارة الداخليه في أيقونة شفتها توقيف الخدمات 
ادخل عليها يمكن تعرف اش المشكله

المشكلة ياشباب

شخص محول لي فلوس على حسابي مقابل خدمة اقدمها له وظهر لي الحساب الي حول منه ليس حسابه ومسوي اعلان باسمي ببيع تاشيرات واشتكى صاحب الفلوس برقم الحساب يلي هو انا والحمد الله محادثاته معي اخاف اروح القسم ويمسكوني وبهذا الوقت مااقدر اعمل شي ولا اتصرف

طبعا يلي عرفت ذالك

,, صاحب الفلوس راح البنك وحكالهم القصة واعطوه رقمي يلي مسجل فيه الحساب مع العللم هو متواصل معاه برقم غير رقمي يعني الامر ظاهر انه نصب واحتلال الله لايوفقه

اكيد فيه غلط بالموضوع او لبس خطاء لا تخاف وتوكل على الله ومر اقرب مركز للشرطة واستفسر منهم
الاخطاء واردة ودائما تحدث
واذا كان فيه مشكلة استشير محامي متخصص واشرح له الموضوع
الامر بسيط ان شاء الله لا تشغل بالك المثل يقول لا تبوق ولا تخاف دام ماسويت شيء غلط لا تهتم

الله يجزاك خير اخي عبد العزيز

,, انا ماسويت شي لكن كيف اثبت لهم اني ماسويت شي ولا انا نصبت على احد لين مااثبت لهم تروح اشهر وانا عندهم وعندي زوجه وطفلة وين اروح فيهم ,,,,, ان كان احد يقدر يسادني بالموضوع له الاجر عند ربه وماانسى تعبه معي

اخوي جرب تكتب خطاب موجه الى شرطة تبوك بانه وردتك رساله تفيد بايقاف الخدمات و السبب كذا وكذا
وان هذي الدعوى باطله بسبب كذا كذا واذكر ان فيه شخص اخر استخدم رقم حسابك للتحايل

خذ نسخ من التحويل البنكي من الي حول لك المبلغ
و بما ان الشغله فيها بيع تاشيرات اقلبها على راس الثور الي حولها لكن حاول تعرف رقم الاعلان و مين الشخص الي اعطاه حسابك اكيد عنده رقم جوال