_للفائدة_ لاتستعجل وتعبي فريون عند الورش

شوف انا ما ادفع عن حقين الورش واول مره ارد. على مواضيع مثل كذا واشوفها دايم 
سؤالي وجواب بنفس الوقت 
الحين حق الورشه عنده كهرب كل آخر شهر متنقص الفاتوره عن 1000 وغير أقل ورشه ايجاره السنوي 70الف 
غير إيجار بيته غير يبي اكل وشرب لا بيته واقامته إذا كان جنسيه عربيه 
الحين لو اشتغل كل سياره ب30 أو 50. وعبي فريون لا سياره تغير كمبريسر أو رديتر خربان أو فيها سدد مابين بالفحص بيخسر هو 
وبيرجع يعبي مره ثانيه بدون فلوس. بس انصح كل الي يكتبون عن الورش نصابين صحيح في سباكين 
مايفهم شي جاي يتعلم. على سيارت الناس لكن في ناس تخاف ربها وعندها مصاريف نفكر بالعقل وفي ناس حراميه وانا بنفس واجهتهم. 

عذرا عل لاغلاط اكتب من جوال 

ss snipe

يعني الحين اسيب الرخيص واروح للورش وادفع 100 ريال زيادة عشانهم يكسبو ويسددو فواتيرهم
انا اولى بالـ 100 حتى انا عندي مصاريف !

اخوي الارزاق بيد الله
رزقهم ماراح يوقف علينا

المشكله ان اغلبهم سباكين وغاليين
نادر تحصل فنان

في علبه تعبئه فريون في ساكو مع العداد حقها ممكن 140 ريال وتعبي اكتر من سياره

لو حقين الورش يخافون الله فينا ويعلموننا بصدق ارخص الطرق لاصلاح سياراتنا كان احنا بخير ، يا اخوان الرسول عليه الصلاة والسلام قال الدين النصيحة ومشكور ياصاحب الموضوع على طرح الفكرة سؤال / محل لوازم التبريد هذا وين مكانه عسى الاخوان يستفيدون اكثر

abofarah

من شروط المنتدى ماينفع اعلن لمحل , بس محلات لوازم التبريد منتشرة في كل مكان بالذات عند الصناعيات ومحلات الزينة

حتى لو جبت الفريون ما راح يركبه لك بسعر رخيص

افضل حل اشتغل سيارتك بنفسك والموضوع سهل راس ماله ساعه فريون وفريون

واذا تبي شغل مضبوط تعلم تفريغ الدوره وتنظيفها وتعبئة فريون كامل بنفسك

تحصل الشروحات في اليوتيوب عربي وانقلش

على طاري انهم نصابين وفي نفس الوقت سباكين
عندي لمبة المكينه والعه والسبب حساس شكمان غيرته 3 مرات مرتين تشليح ومره جديد
ومازالت نفس المشكله وديتها عند واحد قال بتكلف 1000 ريال عندك مشكله في الضفيره
حاولت فيه ينقص يقول ما اقدر شغلتها متعبه وووو الخ.....
المهم وانا ادور في الصناعيه القديمه وقفت عند واحد كهربائي وقال بسيطه عندك دبة الرصاص مو موجوده ومركب ماصوره عاديه عشان كذا الخطا موجود وماتطفي حتى لو فصلت اصبع البطاريه 100 مره
قلت وش تحتاج قال جيب دبة رصاص من التشليح وركبها عند اي شكمانات وتروح
وفعلا شريتها امس ب 250 دبة رصاص ل اكورد 2007 وفصلت البطاريه ورجعت شبكتها وطفت واللمبه
تخيلو بغيت ادفع 1000 ريال على شغله كلفت 280 ريال شغل اليد 30 ريال 6 مسامير فك الماصوره وركب الدبه
واتوقع صاحب السياره قد فكها لان من شريت الموتر واللمبه والعه ومافضيت اشوف ايش الهرجه
فعشان كذا لازم نلف وندور ونشوف من الصادق ومن الكذاب ومن السباك صناعياتنا 50 بالميه نصاب و40 بالميه سباك و10 بالميه صادق للاسف
واعتذر عالاطاله ياشباب

اتفق مع صاحب الموضوع الاسعار زمان كانت تعبئه فريون افضل نوع امريكي ب 80 ريال ولو غالي مره 100

بعدين ارتفعت اسعار الاسطوانات ومشيناها فتره والحين رجعت رخيصه مثل قبل وباقي اسعارهم غاليه

لكن يحدك احيانا ان عنده ساعه وخبره بهالامور ومرات ماعندك مكان مناسب وخبره للشغل

الرسول صلى الله عليه وسلم يقول لاضرر ولاضرار
ف اسطوانة الفريون الامريكي تكفي لعدة سيارات وقيمتها ٤٠٠
فلو.  اخذ ١٠٠ فهو كسبان ٨٠ اجرة يد و٢٠ فريون
وبكذا دخل مكسب ويسدد أجار محله وغيرها
جنبي محل حلاق يحلق دقن ب ٢٠ وشعر ب ٢٠.  اول مره حاسبته وقلت غريبه الحلاقه ب ١٥ قال أجار غالي
قلت ولايهمك.   المرات اللي بعدها. اتعداه واحلق عند حلاق جواره ب ١٥ واحسن منه
الله يرزقهم لكن عرض وطلب.  ترفع سعرك.  مالي حق عليك.  لكن لاتجبرني أحلق او اشتري منك

#ضمس................ وكفاية حنية زايدة للأجانب 

ابو فواتير هذا اللي خايف عليه يجيب اسطوانه امريكي ويعبيها صيني غير باقي السباكين اللي من شاف شايب قاله لازم توضيب ولازم فوكو كامل ومن النصب ذا
70 بالميه من روحاتي للصناعيه يحاولون ينصبون علي هذا دليل انهم لا ذمه ولا دين ويبون اللي بجيبك باي طريقه

كل شي يرتفع ماعاد ينزل ليه هذا دليل انه اتفاق على المواطن وليس تنافس اجل خلنا نتفق ونجيب حلول زي ذي كنت اشوفها في اليوتيوب وودي فيها زين انهم جابوها بالنسبه لي وداعا لمحلات الفريون

هههههه حلوه فوكو كامل

والله بلشه هالورش
كنت اغير زيت فالبنشار بس زيتي من برى
بعدها رفضوا بعجة اني لا ازم اشتري من زيتهم
قلت ياخي انت جالس الان ماعندك اي شغله
وكلها 6 دقائق تكسب فيها 15 ريال افضل من انك تنتظر على شي غير معلوم
وان جاك احد قوله ينتظر كلها كم دقيقه
فالنهايه انت كسبان
غصب يجبرني اغير من عنده
لكن الاهم ان هونادي تسمح لي اجيب زيت من برى واغير عندهم وافتكيت من البناشر