أضف سؤال أو موضوع جديد          

تكملة موضوع توظيب المكينة

up 4 down 2
جعل من ربوني في الجنه 333
قبل 4 سنه و 5 شهر



السلام عليكم. 

اخواني. خلاص قررت اوظب المكينه. توظيب كامل 

وبذكر لكم. القطع الي راح اغيرها. 

طقم بساتم مقاس20

سبايك ثابت ومتحرك 

طقم بلوف وطقم وجيه 

طقم ذراع بساتم 

تكايات البلوف 

طرمبة زيت وطرمبة موية 

خرط السلندر وخرط الراس 

شنبر الزيت 

بختصار كل القطع الي داخل المكينة 

راح اغيرها كامله. من وإلى. كل شي 

راح يتغير. 

لان الصوت الي فيها. مزعجني. وعزمها طايح 

والان خلاص فكيتها وهي بالورشه. 

بس. الان. وش رايكم. بالموظوع من ناحية 

اني بغير. كل القطع الي بالمكينة. 

واغلب القطع جبتها اليوم.  

راح يروح الصوت الي فيها. بعد تغيير 

كل الي فيها من قطع. وخرط السلندر. والراس 

طبعاً السياره. اكسنت. للي ماهو ذاكر. الموضوع السابق 

والشغل مضمون عند شخص ثقة وشغله وكاله 

وش رايكم. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عزمها بيطيح عن اول
الله يعينكك


up 4 down 0
سعيد الزهراني 1 29
قبل 4 سنه و 5 شهر



مكينة ما انفكت والله اصرف واسال مجرب


up 1 down 2
سعيد الزهراني 1 29
قبل 4 سنه و 5 شهر



مادام الميكانيكي شغله مضمون توكل على الله
لابيطيح العزم ولا شي اهم شي تكون كب القطع اصلية


up 1 down 0
أبووووعلي 609
قبل 4 سنه و 5 شهر



ركبت اكثر من مكينة. شد بلد. وطلع لي فيها اصوات 

اكثر من الي عندي. ورحت التشاليح. وحصلت مكاين 

وظمانها شهر بس ماادري كم ماشيه. ولا ادري شد 

بلد. ولا موظب. هالايام ماعد فيه ثقه. كل واحد. ماهمه

الا الفلوس 

لاكن قلت. التوظيب. اضمن لي. من ناحية القطع وكاله 

لاكن ياسعيد الزهراني. من اي ناحية. تقصد 

ان عزمها راح يضعف. 

لاني وظبتها قبل فترها وصار العزم. اقوى من اول 

بنسبة70%

والان نفس القطع بغيرها بس. زيادة 

خرط السلندر.  لان الصوت. جاي من السلندر. 

وماخرطة المره الاولى. قالي المهندس. الافضل 

تسوي له خرط. وانا رفضت. 


up 1 down 0
جعل من ربوني في الجنه 333
قبل 4 سنه و 5 شهر



جزاكم الله خير +1 للجميع 

وننتظر ارائ الباقين. 


up 0 down 0
جعل من ربوني في الجنه 333
قبل 4 سنه و 5 شهر



اولا بالنسبه للثقه الرجال يقول بيشتغل بلاش عشانك خسرت هذا تسنتر عنده وتدربل عليه احتمال تلقاه يرجع اغلب القطع وياخذ فلوسها ويقول ساوودي هايون (سعودي حيوان) وهو يعد الراهم

انا نزلت الموتر عند واحد ملتحي عشان القير قلت هذا ثقه وثاني يوم داهمته الصباح لقيته تل موتري بحبل واتفق مع ورشه 3500 الاتفاق بيني وبينه 500 بجيبه و 3000 للورشه

ثانيا التكتكه اذا تتأثر بالحراره وصوتها سريع اما valve او valve seats او hydrolic lifters واذا بطيئ فضاوة سلندرات

ولاكن تبقى احتمالات والفاصل فيها المكنيكي الخبره اللي يفحص بسماعات ويلزقها في المكينه ويحدد غير كذا كلها توقعات


up 1 down 2
ابوزياد123321 208
قبل 4 سنه و 5 شهر



التوظيب افضل لك ولكن لا تشتغل عند نفس المكانيكي



up 2 down 0
fahd077 306
قبل 4 سنه و 5 شهر



اهم شي بعد القطع الاصلية و المعلم اللي راح يوضب الماكينة . التمرين التمرين التمرين :)


up 2 down 0
mh.saeed 178
قبل 4 سنه و 5 شهر



جزاكم الله خير 

بالنسبة للميكانيكي. يقول. انت جب القطع واركبها 

قدام عينك. 

لاني تمشكلت معه. عشان التوظيب الاول. وقلت 

له انت ركبت القطع تجاري   الاوله 

وزعل. وقالي افكها الحين قدامك. ورح ودها الوكاله 

اذا طلعت تجاري.  اعطيك سيارة. بد سيارتك

وعلى مايشهدون. الرجال

كان معي عمي وخالي. 

الرجال ثقه  لاكن. الصوت هذا جنني حتى 

فحص. بالسماعات. الي معه واغلب 

الصوت  من جهة السلندر. طق طق طق 

زي كذا. والله يعين. الحين بوظبها 

وضمان شهر اذا طلع. فيها شي. 

اترجع المبلغ. وانتهت المشكلة. 


لاكن. الرجال وظب اكثر من سياره. لا اقاربي واخوياي 

من اكثر من ٧ سنوات. ولا عمرهم شكو منها 

لاصوت ولا حراره ولاشي.   لاكن حظي. 

مازال. نايم. والله يفرجها. ويزينها 


up 2 down 0
جعل من ربوني في الجنه 333
قبل 4 سنه و 5 شهر



رجال تتهمه بعدين تبغى تشتغل عنده !! التوظيب موضوع حساس 
و ابسط خطأ ممكن تروح كل قطعك على الفاضي. 


up 2 down 0
amer ahmed 559
قبل 4 سنه و 5 شهر



يااخوي غير زيت سوبر شل الاحمر علبه بلاستيك 20W50
٣ علب ورابع علبه زيت ستوب 

وامشي عليها الين تضرب المكينه 

بعدين سوي توظيب كامل 

الحين اكرفها الين تكح ✌
تمشيك سنه او سنتين 

بعدين وض


up 3 down 2
الـتاجر الـكبير 726
قبل 4 سنه و 5 شهر



جزاكم الله خير. 

الرجال انا اتهمته تهمه. والسبب ناس يقربون لي 

قالو لي. انه ركب لي قطع تجتاري 

بس الحين اي قطعه يركبها اكون معه. 

ومالها الا كذا. 

والان بدا يوظب. والله ييسرها 

والي له تجربه بالتوظيب كامل. وخرط السلندر 

يقول تجربته. بعد التوظيب. 

وهو عطاني شهر ظمان اذا فيها مشكله. 

استرجع المبلغ. 


up 1 down 0
جعل من ربوني في الجنه 333
قبل 4 سنه و 5 شهر



اذا القطع أصلية اهم شي والي يطبق المكينه ويشتغلها فاهم ويتق الله
المكينه بترجع لوزة ومثل الجديدة
غير كذا اذا القطع تقليد والشغل مش ولابد راح تمشيك لكن بعزم ضعيف واحتمال تخرب مره ثانيه بفترة قصيرة
والي يقول مكينه مستخدمه لا تاخذ الا وحده متاكد انها لسيارة ماشية قليل وتكون راكبه بسيارة تاكد من هالنقطه لان بعضهم يركبونه على سيارات ويقولون حقتها وضمان اقل شي شهر حتى تعرف اذا تنقص او فيها عيوب




up 1 down 0
mr mansour 110
قبل 4 سنه و 5 شهر



اذا القطع أصلية اهم شي والي يطبق المكينه ويشتغلها فاهم ويتق الله
المكينه بترجع لوزة ومثل الجديدة
غير كذا اذا القطع تقليد والشغل مش ولابد راح تمشيك لكن بعزم ضعيف واحتمال تخرب مره ثانيه بفترة قصيرة
والي يقول مكينه مستخدمه لا تاخذ الا وحده متاكد انها لسيارة ماشية قليل وتكون راكبه بسيارة تاكد من هالنقطه لان بعضهم يركبونه على سيارات ويقولون حقتها وضمان اقل شي شهر حتى تعرف اذا تنقص او فيها عيوب




up 0 down 1
mr mansour 110
قبل 4 سنه و 5 شهر



جزاكم الله خير القطع اصلي 

وانا واقف على الشغل بنفسي والحين انا عنده بالورشه 

كل قطعه يركبها لازم اكون عنده واتفقت معه 

ضمان شهر اي صوت اي مشكله ثانيه يتحملها 

هو  او يرجع الفلوس. وياكثر الورش 

بالرياض. بس انا ماصلحت عنده 

الا من تجربه لا كل اقاربي واخوياي 

وكلهم يشهد الله ان سياراتهم لاها فوق 5 سنوات 

موظبه ولاتسمع فيها اي صوت 

ولا نقص ولا حرارة ولا شي. 

لاكن حظي ونصيبي كذا 

وهالمره.  بيسوي خرط سلندر وراس وعمود 

وتغيير كل قطعه داخل المكينه. كامله 


up 0 down 0
جعل من ربوني في الجنه 333
قبل 4 سنه و 5 شهر



التوظيب وجع راس
أغلب الخرابات اللي تطلع في موترك تطلع بعد ما توظب
معي أفلون ٢٠٠٦ كدت معي حول ١١ سنة
و لحد الآن معي
ما شاء الله تبارك الله
ضربت المكينة علي قبل شهر تقريباً
وديتها لرجال ثقة و قال نصيحتي لا توظب
و أرسلني على تشليح عنده مكينة ٢٠١٣
فحصتها ب ٥٠٠ ريال
وكالة ما شاء الله تبارك الله
الأفضل انك من البداية غيرت مكينتها و ارتحت


up 1 down 1
معلم مستجد 470
قبل 4 سنه و 5 شهر



معلم مستجد. 

ركبت اكثر من مكينه. تشليح 

ومكاين مستورده. وكلها. تسمع صوت الطقطقه 

وصوت السياره مرتفع. وعزم  خايس 

وقت اوظب. اضمن لي  اعرف الي داخل المكينه 

وانت ماشاء الله. سيارتك. تركب عليها مكاين 

من ٢٠٠٦ الى٢٠١٤ تقريبا 

وتحصل نظيف وممشاء قليل 

لاكن سيارتي نادر جداً تحصل لها شي نظيف 

وتختلف عن ١١/١٢/١٣

فقررت اوظب واشوف 

ووكلت امري الى الله 

وبعد التوظيب والتجربه. بئذن الله 

بنزل لكم موضوع بخصوصها. 


up 0 down 0
جعل من ربوني في الجنه 333
قبل 4 سنه و 5 شهر



نزل صور للاسعار والقطع بيكون الموضوع احلى


up 0 down 0
296
قبل 4 سنه و 5 شهر



بئذن الله.     


up 0 down 0
جعل من ربوني في الجنه 333
قبل 4 سنه و 5 شهر