حصلت ازيرا 2008 رايكم؟

طبعا الرجال شرط لي المحركات والبدي غير الي ذكره

ماشي حدود 300 وموضب ويبيله صيانه السعر كثير عليها

اتركها عنك والله يرزقك بلي ابرك منها
السياره ممشها كثير والله لو تاكسي ما مشى مثله
وانت حر الراي
انت قله تبي 12000 اوك ما تبي الله يرزقك

عليكم السلام
طبعا الممشى اذا هو حقيقي معقول على موديلها
لاكن ترى 2008 يعتبر فديم يعني لها الان اكثر من 8سنوات
وهي تكد يعني وش بقى من عمرها
فنصيحه لوجه الله اذا لم تستطع شراء الجديد لاتاخذ سياره مضى
على موديلها اكثر من 3سنوات حتى لو تظطر انك تحول فئه اقل
واحرص على النظيف لان الي ماهي نظيفه حتى لو موديلها
حديث بتتعبك بالاعطال يعني لو زدت شوي بتاخذ اكسنت 2014
نظيفه صح انه مافي مقارنه بين اكسنت وازيرا ولاكن الجديد
ماتعرف قيمته لين تتعطل السياره الي معك بنص الشهر
وتروح دراهمك يافي تصليحها او تكاسي

انا معاي نفسها مكينة كبير 3.8 ماشيه الحين 140 الف
لها سنه وعليها معي موتر ممتاز من جميع النواحي
تكييف ثبات عملية ضربت فيه مطبات وحفر لين قالت امين
وماشاء الله ماشكت من شي لكن موتري يوم اخذته كان نظيف مادري عاد
عن السياره اللي انت لقيتها لكن افحص وان طلعت نظيفه لاتشاور

التخبيط والتوضيب شي واحد
سواء سوء استخدام او بسبب طرمبة او غيره
هذا حسسني انه التخبيط بسبب طرمبة ماء اخف من التخبيط لسبب ثاني كلها نفس بعض
بس يبي يهون العيب فعينك
اتركها احسن مستهلكه ومنتهيه

العداد طبيعي لأنها 2008 وبغض النظر عن السعر. السيارة تعتبر مستهلكة وانت راح تكون المستخدم اللي راح تخدمها اكثر من خدمتها لك.

يعطيكم العافية ياشباب ...بستخير واشوف و لايك للجميع+١

يارجال السيارة مناسبة جداً افحصها وتوكل على الله إذا كانت نظيفة وممشاها طبيعي جداً خلال 8 سنوات

شويخ .قصده انها خبطة بسبب الماء يعني انه رجال محافض على السياره وباقي اجزاء السياره نظيفه من عظلات وتماسك السياره ونظافتها من الداخل والخارج عكس لو كان تخبيط السياره بسبب سوء استخدام  لو كان بسبب سوء الاستخدام بينجر هذا على باقي السياره يعنى انه كان ياكل مطبات والسياره متفككه ويبلها نفض وشغل 
طبعا انا اقول هذا مو قصدي ان امدح سيارت الرجال انما فقط توضيح لمقصده

افحص اخوي قبل كل شي واهم شي البودي والشاسيه والمكينة والجير .... اذا الفحص سليم توكل السيارة تستاهل 
السيارة حق كرف وسواقتها ممتعه ومريحة ...

انا اشتريت قبل رمضان موديل ٢٠٠٩ ولله الحمد السيارة ماشية معاي حلو اشتريتها ب ٢٤٠٠٠ وصلحت فيها عكوس واذرعه والسكان  بحوالي ٣٠٠٠

واحد من الشباب بايع 2009 فل ( جلد زينون الخ ) ماشي 190 ب21
والسيارة مصلح فيها قبل البيع بمبلغ وقدره
والسيارات الان نازلة
الصراحة اشوف 20 كثيرة عليها
السوق مليان
ور تلقى انظف وممشى اقل بنفس السعر

^^^^
البيعة هذي قبل اربع شهور تقريبًا

طيب يااخوان بالمبلغ ذا احصل شي انظف ولا؟

اذا وصلت 20 ألف زود عليها ألفين ولا ثلاثه
وخذ لك النترا الشكل الجديد سيارة كرف وقطعها معقولة جدا ومتوفره
الازيرا والسوناتا خراباتها واجد

اذا وصلت 20 ألف زود عليها ألفين ولا ثلاثه
وخذ لك النترا الشكل الجديد سيارة كرف وقطعها معقولة جدا ومتوفره
الازيرا والسوناتا خراباتها واجد

معي نفس الموديل مكينة 3.8 ماشية 260 الف 
سيارة تكرف كرف و ما تقول شيء هذا و اللي معي امريكي 
قطعها كلها معقولة للغاية الا الاكسسوارات كالاصطبات و الشمعات نار مرره 
مكيفها جدا بارد جدا و ما تحس تكييف كوري مثل السيارات الكورية الجديدة 
عزمها ممتاز و رساوتها على اسعارها ممتازة 

بس صراحه سيارة مشت في السعودية 280 الف انصحك تصرف النظر عنها 
لا و مكينتها موضبة 
صدقني بتلقى قطع إستهلاكية كثيرة تحتاج تغيير خاصة من تحت السيارة 
زودها حبتين و خذ النترا موديل 2012 او 13 افضل بكثير 

تلقى نفس الموديل انظف

يعطيكم العافية وبالنسبه للالنترا الشكل الجديد ما افضلها الصراحه