أضف سؤال أو موضوع جديد          

وش الحل مع سمه

up 2 down 2
وظيفة مسائية 11
قبل 4 سنه و 5 شهر



عندي تعثر في سمه 36 في بنك الرياض
وأبي أطلع قرض من الفرنسي
موظف بشركه ومحتاج القرض لزواج وبنك التسليف مايعطي وانت في سمه
وش الحل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بنك التسليف ماله علاقه. في سمه نهائياً 

خالي عنده تعثر في بنك الراجحي55الف 

وقبل سنتين طلع قرض الزواج 

اذ الحين النظام تغير ماادري 

بس الي اذكر انه قبل فتره. قريت خبر 

بآن بنك التسليف ماله علاقه بالتعثر. 

واذا عندك تويتر راسلهم على حسابهم. 

اوطلع رقمهم من النت.  واسئلهم. 

80% انهم مالهم علاقه بسمه 

لانهم يعطونك 60 الف بدون فوائد 

وكفيل. حكومي. 




up 1 down 2
سبحان الرازق سبحانه 2512
قبل 4 سنه و 5 شهر



^^^^
ابشرك بنك التسليف ربطوه بسمه وصار حاله مثل حال الشركات والبنوك
عندك تعثر في التسليف راح يطلع في سمه


up 1 down 2
شويخ من أرض مكناس 2823
قبل 4 سنه و 5 شهر



صحيح وللأسف هذا اللي صار لي


up 1 down 1
وظيفة مسائية 11
قبل 4 سنه و 5 شهر



ما لك الا تشد حيلك وتسدد مديونيتك في بنك الرياض.
صف نيتك والله بيعينك ولا تنسى ان هذا حق للناس في رقبتك.
وانتبه تاخذ تمويل من ابو فيصل وابو علي وابو عبدالله ترا ما دخل الناس في السجن والا هم.


up 2 down 2
ابو عبدالله riyadh 271
قبل 4 سنه و 5 شهر



شكرا لك ولكلامك يابو عبدالله
كنت ناوي أدخل في جمعية ومبلغها يسدد القرض لكن بعد خصم البدلات كثيرين من الشباب كنسلوها وماتمت
والحمد لله على كل حال ولا فكرت بخصوص أبو فلان وعلان لسداد المديونية مافكرت فيهم والله
وعسى ربك ييسرها يالغالي لكن شكل مافي حل الا مثل ماتكرمت


up 3 down 0
وظيفة مسائية 11
قبل 4 سنه و 5 شهر



الله يسر امرك ويقضي دينك


up 2 down 1
باترول 2020 2624
قبل 4 سنه و 5 شهر



اخوي بنك الرياض كويس بالتعثر ينقص لك قيمه كثير

انا علي تعثر ولا سددت ودقيت ع التحصيل حقهم خصمو لي
واجد وان شاء الله باقي علي مبلغ بسيط ويكمل حقهم كامل

انت اتصل بهم على التحصيل وحاول فيهم خصمهم زين


up 1 down 0
tttt35035 1050
قبل 4 سنه و 5 شهر



عزيزي ماينفع ابداً تبدأ حياتك الزوجية وانت كلك ديون وعليك متعثرات في سمه


بكره صدقني بتتوهق ما تدري الدنيا وش تقول بك دامك عزوبي ومصرفك على قدك وتقدر توفر


أجل زواجك كم شهر واظغط عمرك ادفع لهم كل شهر 3 ولا 4 على حسب مقدرتك واخلص منهم وابد حياتك نظيف وصح


يعني بتاخذ قرض من الفرنسي وعليك مديونية في الرياض وبنك تسليف والحياة الزوجية ترى تطلب


يعني بتقنعني انها بتطيح من نفسها بعدين مردك مسددها طال الزمن ولا قصر سددها الحين دامك في سعه لا يجيك يوم تنطل وجهك لعوير وزوير


بالتوفيق


up 1 down 0
a.ibrahem 3165
قبل 4 سنه و 5 شهر



عموماً اذا انت مصمم على اللي في راسك شف كلم البنك الفرنسي اذا ممكن يعطي اقصى حد للقرض ويسدد جزء منه للرياض عشان يسقط اسمك من سمه والباقي تستفيد منه انت وتبدأ تسدد للفرنسي على طول


خوينا مسويها عليه قرض في الرياض وخذا من العربي نفس هالطريقة يرسلون شيك الفرنسي للرياض


بس ما ادري البنك الفرنسي يقبل هالكلام ولا لا


وفقك الله


up 0 down 0
a.ibrahem 3165
قبل 4 سنه و 5 شهر



بخصوص الأخ اللي يقول أتصل على التحصيل ويخصمون لك مبلغ
لا تكون ياغالي فريسه لهم ترى هالمبلغ عليك يعني لو خلصت المبلغ ورحت تطلبهم مخالصة يقولون لك باقي عليك مبلغ وقدره
لازم تسدده وصارت لواحد من العيال لذلك خارج نفسك منهم وسدد المبلغ
أنا علي 36 ألف قالو سدد 31 ألف كاش والباقي يسقط عنك وبحثت عن هالموضوع طلع كذب ويبون يربطونك فيهم



up 0 down 0
وظيفة مسائية 11
قبل 4 سنه و 5 شهر



الأخ اللي يقول وش حادك ماتسددها
أصلا كنت منتظم في السداد ولكن إدارة وفروع بنك الرياض هي السبب وسحبت عليهم وعلى بنكهم
القصة نزل لي مبلغ في حسابي وكنت محتاجه لعملية بيع وشراء وضاعت الصرافة جلست أسبوع عشان بدل فاقد وضاعت البيعه
يقولون التوقيع غير مطابق وأرسلنا إيميل ورحت للإدارة ووقعت توقيع جديد ويقول لك توقيعك مانزل في النظام
ولما طلعت الصرافة سحبت كل المبالغ وحولت للراجحي لأني موظف بشركة مايطلبون اخلاء طرف وهذا السبب بإختصار
صح أنا الضحية بس شيء يقهر وإلى اليوم يقول لك التوقيع مانزل في النظام بنك مدري كيف إدارته


up 0 down 0
وظيفة مسائية 11
قبل 4 سنه و 5 شهر



يا اخوان بنك التسليف ما ذكر بموقعه شيء عن سمه 
نهائيا ولا هو موجود من ضمن الشروط
يا بن الحلال تأكد لا تسمع كلام علان وفلان تأكد منهم
 اتصل عليهم اسألهم


up 0 down 0
shdan 55
قبل 4 سنه و 5 شهر



الموضوع سهل انشالله ،، فيه خدمه عند بعض البنوك وهي نقل المديونه بشرط تحويل راتبك عليهم ، وبكذا يسددون عنك مديونيه بنك الرياض ويعطونك الباقي في حسابك و. والله يعينك


up 0 down 0
فواز ١٤٣٦ 41
قبل 4 سنه و 5 شهر