موقع مفيد لمعلومات عن الكفرات بالعربي

يعطيك العافيه على المعلومة .. هالموقع جربته من قبل وافضل مافيه انك تقدر تسوي مقارنات بين 3 انواع مختلفة لنفس المقاس

بس للاسف ذا الموقع يبغاله تحديث الصراحه لاني بحثت عن كذا مقاس وماحصلت اي معلومات عنها ؟؟؟ وهذي مشكله المواقع العربية بشكل عام انها بطيئة بالتحديث

غير كذا ماتحصل فيه نسبة ازعاج الكفر وتقاس بالديسبل ( db) وهذي مهمة جدا واحياننا تحصل كفر من ماركة عالمية شهيرة لكنه ماينفع ابد بسبب الازعاج مثل كفرات النيكسن الكورية على وجه العموم (( فيه مقاسات من النيكسن ممتازة ))

المهم انا بحثت وحصلت موقع انجليزي اسمه (( mytiers)) فيه كل اللي تبيه وتحديثاته مستمرة والمواصفات موحدة اللي عندنا نفس اللي عندهم .. طبعا اللي ماعنده لغة يقدر يخش الرابط من متصفح قوقل كروم بالجلكسي وهو يترجم له الصفحة .. طريقه البحث ومعرفة الرموز موجودة بالتفصيييييييل اضغطو على اسمي وتحصلونه أول موضوع وان شاء الله يفيدكم

نعم اخوي ابو هيثم 
كنت ابحث عن نسبة الصوت و ما وجدته .

ابو هيثم والاخوان عموما
وش تقصد بصوت الكفر الي بالنيكسن
صوت يطلع اذا جيت تاخذ يوتيرن كانه صوت
تفحيط وﻻصوت ثاني ﻻن ودي اركب ذا النوع
بالمستقبل
وشكرا

النيكسن جاء علي سيارتي من الوكاله
وبصراحه مايستاهل ريال مزززززعج تسمع صوت الازفلت كانك فاتح القزاز
وغير عملي كنت كل اسبوع الاقي كفر ناقص وكفر زايد يعني كل اسبوع لازم امر بنشري اشيك عليهم
الحين افكر اركب ميشلان او هانكوك او تويو ومحتار بين هالثلاثه انواع