مخالفة قطع الاشارة

عندي سؤال بما ان الموضوع عن الاشارة

كم قيمة مخالفة الوقوف على خط المشاة ؟

قطع الاشارة ما اتوقع عليها توقيف بس سمعت ان المخالفه 3 الاف

احيانا تكون المخالفة محجوبة يعني ما تسددها لين تروحلهم

3 الاف ريال . ...........................

يارجال تبي تسددها بدون ضيقه
اعتبر انك مشتري ايفون 7
او اعتبر ان ال 3 الف ضاعت من جيبك

عشان ماتحلس تفكر وتشيل هم لانك دافعها دافعها
معوض خير

إعترافك بالخطأ أكبر مكسب كسبته من هذا الموقف ، أتمنى لك السلامة دائما

ياعمي خلهم يوقفوني اسبوع ولا ادفع 3000
لا ومطفر واخر الشهر تتدبل ل5000

يعني فقط ادفع 3 الاف ؟ وبدون توقيف ؟
وكيف ادري انها محجوبة المخالفة واراجع من ؟ انا فالرياض

شف عمي لحق علئ اشاره فيهاا ساهر  وكفش في وجهه  ونزلت علية مخالفة قطع اشاره 3000 ريال  بس الئ الان ما سدد
ولا يدري هي محجوبة ولا لا

هذا الكلامقبل اسبوع تقريباا

حياك
تحصل باابشر ادخل وشوف وش عليك
اذا حطوها باالسستم بتحصلها واذ محجوبه 
وفيه البنك عن طريق الصرافة تعرف
والله ستر ان مافيه احد قطع عليك 

اخوي المرور عطاك مخالفة ورقة ولا صور اللوحة ؟
لان لو ورقة ممكن تطول عبال ماتنزل
حول شهرين ام التصوير خلال يوم بالكثير

الضاهر تبين معك لجيت تسداد عن طريق الصرافه 

3000الف عشان تتأدب عشان ماتنتف للك مسلم 
وعقبال ماتكون 9000الف 
20سنه لي اسوق ماعمري قطع اشاره 
اصلا يوم تقول قطع اشاره عيب كبير عند الشياب 
وينظرون  للك بدونيه 
أما ايفون 7 ههههههههههههههههه 

اذا كانت محجوبه تطلع لك اذا بتسدد واذا تبي تعرف 

كلم المرور قول انا قطعت اشاره. وعطاني المرور مخالفه 

هل فيها توقيف او اسدد فقط. 

ماعندي علم اكيد. 

انا قبل شهرين او صلاثه اشهر. قطعت اشاره بالدمام 

والمرور السري كان عند الاشاره. وماشفته. 

ويوم قطعت. الاشاره شغل السفتي ووقفني وعطاني المخالفه 

٩٠٠تقريباً. مع اني قطعت الاشاره وسرعتي ٢٠/٣٠تقريباً 

قبل صلاة الفجر حدود الساعه٣/٤٠دقيقه. كنت مظطر اقطعها 

لظرف. طارئ جداً. ولاحين ماسدد وماادري فيها توقيف او لا 

لاكن اذا قدر الله ولازم تتوقف. 

تروح مرور الناصريه. وتتوقف ٢٤ساعه وتطلع. 

مرور الناصريه بالرياض.  

كل الي يقطعون ظرف طارى يارجال عذر مستهلك 
طيب انت تقول ظرف طارئ وقاطعها على مهللك 20 أو 30 
هاي شلون بالله الحكياه ظرف طارئ وماشي على مهللك؟؟

ماشي ٢٠/٣٠ اشوف السيارات في الاشاره الثانيه فيه 

سيارات ولا الطريق فاضي.

ولا تبغاني امشي ٢٠٠ واقطع الاشاره على سرعتي 

واتسبب في وفات شخص واقول عندي ظرف طارئ

صحيح بوقتها عندي ظرف. لاكن. مهما كان الظرف. 

ماتوصل لدرجة. اقطع الاشاره على سرعه عاليه. 

بالاول تئكد من الاشارات. الي خظر. اذا مافيه سيارات 

وقطعت. الاشاره.  

ولاني متهور ولا حق تفحيط وسرعات وهجوله. 

لاكن. الظرف الي جاني. خلاني اقطع الاشاره. 

وان كانك تبغى تعرف الظرف فالظرف الي جاني. 

الاهل اتصلو فيني. صار حريقه بالبيت. وجيتهم. 

بعد مااحترق. اثاث البيت بالكامل. والحمدلله على سلامتهم 

والبيت بيت اخوي. واخويه بوقتها كان مستلم. في. 

الظهران. ولو اتصلو فيه مايمديه يوصل. لاكن. جيت انا 

والحمدلله جات على كذا. هذا هو الي خلاني. اقطع الاشاره 

ولا ماهي. رجاله او هياط او زحف. اني اقطع الاشاره. 

فيه حالات تخليك تقطع الاشاره. حتى لو كان فيها ساهر 

لاقدر الله في حالة وفاه او شخص معك بالسياره. 

بين الحياه والموت. او حريقه لاقدر الله. 

لاكن الحمدلله على كل حال. 

نعم ٣٠٠٠ بالتأكيد.   اخوي بايع هايلكس على زميل له ثقه في العمل. بدون ماينقل.    ثقه. وزميله
عليه مخالفات.      وكان يلقطه ساهر ويتصل فيه اخوي ويسدد.     على ٣٠٠ و٥٠٠
قبل كم يوم جت رساله لأخوي.    ٣٠٠٠ قطع اشاره.   الرجال كبير وعاقل. لكنه. ماسك مسار وسط
ولف يمين.  وانحسبت عليه قطع اشاره.   ف خذوها مني وعلى ذمتي ٣٠٠٠ قطع اشاره
ف لاتلف يمين الا انت ماسك اقصى اليمين ماجنبك الا الرصيف وتوقف ٥ ثواني.  ولف يمين

اخي اللي قطع الاشارة لظروف اعتقد لو حكيت الموضوع مع الشرطي ما كان بينفذ المخالفة . والله اني اشهد ان شرطة السعودية محترمين ويقدرون الظروف