شوفوا الى اي درجة وصل انفلات العمال قصتي اليوم

23 14

لايمكنك التصويت حتى الحصول على 20 نقطة على الأقل
إضغط هنا للإخفاء

abdullahalharbif15 754
قبل 8 سنه

بسم الله الرحمن الرحيم

يااخوان بقولكم قصتي اليوم والي يمديه يساعدني يسوي فيني خير لاني مغبون جدا

انا من سكان ابحر الشمالية .. واليوم طلعت انا والوالده بنروح جهة خليج سلمان نتمشى ونغير جو في الظهريه
طلعنا انا والوالدة ولما وصلنا نهاية خط الكباين جهة منارة الملك سعود كان في اكسنت واقفها وفيها 4 عمال هنود او بنقاله
طبعا الشارع فاضي ولا فيه احد غيرنا يوم شافونا لحقونا
وقعدوا يطاردونا ويحدونا من عند المنارة الى اول كبري فوق الماء .. تقريبا المسافه 4 كيلو او 5 كيلو
وهم يطاردوني انا وامي ويحدوني ويجون جمبي ويضحكون
على طول طلعت جوالي ودقيت على 911 .. يوم شافوني اتصل اخذوا يوتيرن ورجعوا .. ورحت وراهم
المكالمة مع 911 كانت لمدة 8 دقايق اقسم بالله
والعسكري يسألني انت وين موقعك وايش اقرب معلم لك !!! .. ما عنده خدمة تحديد المواقع ؟
والله ي اخوان 8 دقايق مكالمة .. اقوله قاعدين يطاردوني انا والوالدة ويحدوني ويحاولون يوقفوني
والعسكري يقولي لحظات بس
المهم مشيت وراهم الى ما وصلوا الى طريق المدينة .. والعسكري قالي خلاص شويات وتجيك الدورية
انتظرنا تقريبا 5 دقايق ولا جاني اي اتصال
اتصلت من جوال الوالدة .. وعلمت العسكري بالموضوع وعطيته رقم جوالي وقالي مافي اي بلاغ مسجل بالرقم ذا
وبلغت من جديد .. وعملته الموضوع كامل وانهم سببوا خوف ورعب للوالده والوالده عندها امراض وممكن يجيها شئ من الرعب الي سببوه لنا
العسكري قال وين موقعك .. قلتله حاليا متجهين على الجنوب ويسارنا محطة الرحيلي
دخلنا طريق الحرمين وانا ماشي خلفهم

تخيلوا وصلنا كبري القاعده .. وبعدها دقوا علينا قالوا لنا الدورية الان متواجدة عند محطة الرحيلي !!!

قلتله انا حاليا عديت كبري القاعده وماشي خلفهم .. قالي هم يطاردونك ولا انت تطاردهم ؟
قلتله هم كانوا يطاردوني والان انا ماشي خلفهم انتظر اي دورية
قالي لا تمشي خلفهم خلاص ما دام عطيتنا رقم اللوحة فالموضوع انتهى
قلتله كم رقم اللوحة الي مسجل عندكم ؟ .. سكت العسكري وقالي عطني رقم اللوحة
وعطيته رقم اللوحة وقالي خلاص لا تطاردهم
قلتله شلون ما اطاردهم وهم سببوا رعب ليا ولاهلي .. وين الامان ؟
قالي خلاص ابشر وما يصير خاطرك الا طيب الان بعمم على اللوحة واذا مسكوه بنكلمكم

قفلت الخط ورجعت على ابحر

والان يا اخوان اقسم بمن احل الحلال اني مغبون بدرجة غير طبيعيه من الي صاير
يعني جايين بلدنا وبدال ما يكونوا يا غريب كن اديب .. قاعدين يطاردوني ويحدوني ومعايا اهلي والوالده

يا اخوان تكفون
الي عنده سلطه او يمديه يمسكهم اكون له شاكر جدا

هذا رقم اللوحة ح ك ص 7622

إبلاغ

الردود