إستشارة بخصوص بي إم الفئة السابعة موديل 2001

كامري 2001 راحت ايامها ما تلقى شي نظيف يخدمك
BMW جديد مغامرة مهو بعاد قديم له 15 سنة من انتاجه

لكن كم ميزانيتك نشور عليك بالبدائل ؟

بيض الله وجهك .. الميزانية بحدود 12 - 14

بعطيكم نصيحه عن السيارات الالمانيه بما اني سابقا مستخدم لها 
شوف الألماني بشكل عام جودته ممتازه لإغبار عليها 
لكن المشكله في توفر قطع الغيار 
إذا أنت في مدينه صغيره ابتعد عنها لعدم توفر قطع الغيار والصيانة 
بالنسبه لقطع الغيار ابتعد تماما عن الوكاله لأن القطع فيها غاااااليه جدا 
وزياده فيها 30% عن المحلات عشان فقط اسم الشركه 
بتكلم عن الموديلات القديمه نسبيا زي e38 وe39 والشبح والفياجرا 
قطع غيار ها في الدكاكين  رخيصه جدا بل ارخص من التويوتا لأن الموجود فيها قطع درجه ثانيه لكن ألماني بدرجة ممتازه 
في المدن الكبيره اكيد متوفر بعض المحلات المشهوره 
الألماني معروف كل ماكان موديل جديد ارتفعت أسعار قطع الغيار لأنها لاتتوفر الأفي الوكاله زي البي ام الشكل الأخير من 2009 أسعار قطعها  غاليه وليست رخيصه 
الموديل الي معك رخيص أمس شاري لي دركسون  120 ريال 
نجي النقطه المهمه الألماني إذا أنت خبير فيه تعرف القطع وتعرف تشخص الأعطال وتعرف الأسعار لن يستطيع  أحد أن يغشك  لأن ميكانيكا السيارات الالمانيه فيها حاجات غير موجوده في السيارات العاديه لكن إذا عندك خبره راح ترتاح 
في موقع رائع جدا لازم كل صاحب بي ام يتصفحه موقع بي ام الخليج كل أسرار البي ام راح تعرفها  لدرجة بعضهم من كثر ماستفاد راح يفتح ورشة صيانه ألماني 
في كل مدينه لازم يكون في ورشه سمعتها جيده  إذا ماتثقفت  وعرفة أنواع الأعطال وكيف تصليحها  راح ينصب عليك واجد ويتنفض  كل الي في جيبك وراح تكره ابو الألماني 
بالنسبه للبي ام الموديل الي بتشتريه  أفضل من الشبح من ناحية الحراره  والتكييف لايوجد فيها اي مشاكل 
واي استفسار انا حاضر 
ابغى دعم منكم ياشباب لايكات وراح انزل ان شاء الله مواضيع عن السيارات الالمانيه 

لو تاخذ كابرس او لومينا ب10 الاف و تضبطها بالباقي اصرف
لكن دور ياباني او كوري قديم شوي سيارات فئة اصغر

الرجال هاوي ومايدور  الألماني إلا هاوي ويرغب فيه ويقدمه  لو كان يبي اي سياره 
كان نزل موضوع وش أفضل سياره بالقيمة الي معي 
انا مادري استغرب بعض الأعضاء ينزل موضوع عن سياره معينه يردون عليه بعض الأعضاء خذ السياره الفلانيه 
هو يسأل عن ذي السياره عندك معلومه  عنها اكتبها ماعندك مولازم ترد 

يبو السنافر مدري وش اسمك الاصلي

انا اعطيته شوري و سألته كم ميزانيتك عشان اشوف له انا و غيري البدائل
و جاوب الرجال يبي موتر بقيمة اعلى من 12 الى 14 الف

يعطيكم العافيه جميعا وبيض الله وجيهكم ماقصرتوا وإن شاء الله استفيد من النصائح واعمل عليها ..

والله ونعم الشور الرجال يقول يبي بي ام وانت تنصحه بالومينا وكابرس  زبون الورشه  من حفره لدحديره

يعني ياخذ بي ام 2001 و الا لومينا 2007 
وش الافضل صيانه و ارخص قطع غيار ؟
ما يبيلها خبرة و تجريب !

العضو بنز لوفر بيعطيك الجواب الوافي هو خبير بالمواتر الالمانية

خذها مني نصيحه توكل على الله واشتر مرسيدس E class موديلات 1998-2002 جودة ورساوة وعزل جيد وقطع غياره رخيصه وتحصل له قطع مستعمله

السلام عليكم ورحمة الله وبركاته, اخوي انا كنت املك 740 موديل 97 نفس دفعة 2001 , السيارة ما تنفع داخل المدينة ابدا ابدا, للخطوط ممتازة جداً, رساوة وعزل افضل من الموديلات الجديدة والمكيف ثلج ثلج بما تعنيه الكلمة, القطع رخيصة نسبياً وارخص من الامريكي والياباني بحكم امتلاكي لهذه السيارات, اجور الصيانة (شغل اليد) عالية جداً, السيارة بحكم موديلها لازم كل شهر تصينها ب 1500-2000 ريال غير ضياع الوقت في الورش, واخيراً مكينة 2001 تجي فاينوس ومشاكلها اكثر من الموديلات السابقة. ملاحظة مهمة وقت البيع بتتعب نفسياً لدرجة اني كنت انزل اسبوعياً للحراج واخر شي بعت سيارتي قبل سنتين ب 2000 ريال فقط وكانت حالتها طيبة.

عفواً كل شهرين تطلب صيانة تقريباً ب 1500 - 2000 وطبعاً تعتمد على حالة السيارة ربما تكون نظيفة وما تطلب كثير.

بالمبلغ اللي معك بتنقز اكسنت 2010 تماتيك قزاز كهرب
وكدها وقطع الغيار بالهلل
وسهلة الصيانه
نصيحهههههههههه
نصيحهههههه
انحش عن الالماني وهو جديد يبي له مريش وصيانه
كيف قديم بتروح مقلق الصباح
بيضيع وقتك عن الورش
اللمبه اشتغلت
عيت تشتغل
اكسنت لاتهور ترى بعض الطمرات دمار لك ولمالك

أنا استخدمت بي أم موديل 95 الموتر لايعلا علية في الخط وين ماتروح وانت متطمن بعد الله .. لكن كأستخدام داخل البلد ماش ثقيل وتحس يستهلك من طاقتة ..
حصل معي مرة انسحبت السيارة من المرور على السطحة بعد م طلعتها كان في صوت واختفى من ثاني يوم صار يطلع لي باطبلون لمبة البطارية طفيت السيارة وشيكت على
البطارية رجعت اشغلها طلع لي ان السيارة معشقة في الدي وانا معشقها في البي ومن ورشة لورشة في الطايف الي يقول قير والي يقول حساس والله اسبوع كامل ادور لورشة يعلمني بس وشفيها محد يعرف
المهم اخر شي وديتها لسوداني خبير وصلحها بـ 700 ريال عشان ايش عشان الفيش حق القير مفصول شوي مع الحركة والاهتزاز يفصل ويعلق القير على التعشيقة الي فية
كنت بالبداية اهتم فيها واي شي تطلبة اصلحة اخر شي صرت م اهتم كدت معاي 4 سنين بالبركة والأن طايحة سكراب فـ لاتستعجل شوف وشاور والله يكتب لك الخير
مو باسهولة تلاقي مهندس يفهم بالسيارة
يبي لك ميزانية لصيانتها كل فترة

اش لون السياره يا ksa

فضي داخلية اسود

ابعد عنها مايصلحها الا الشوام وانت عارف حركاتهم يشلح قطع جديده من سيارتك ويركب تشليح علشان ترجعله