أضف سؤال أو موضوع جديد          

إستشارة بخصوص بي إم الفئة السابعة موديل 2001

up 3 down 3
khaled mamz 5
قبل 4 سنه و 6 شهر



ياجماعة الخير انا بشتري سياره بي ام الفئة السابعه 740il موديل 2001 السياره عجبتني وعلى قد فلوسي لكن متخوف منها من ناحية الخربات والقطع وغيره ياليت إذا في احد عنده معلومه عن السياره او سبق وجربها لايبخل علينا من ناحية الإستخدام اليومي والتحمل وقطع الغيار وافضل الأنواع والموديلات .. وشكرا








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كامري 2001 راحت ايامها ما تلقى شي نظيف يخدمك
BMW جديد مغامرة مهو بعاد قديم له 15 سنة من انتاجه

لكن كم ميزانيتك نشور عليك بالبدائل ؟


up 1 down 0
مثقف سيارات 1120
قبل 4 سنه و 6 شهر



بيض الله وجهك .. الميزانية بحدود 12 - 14


up 1 down 1
khaled mamz 5
قبل 4 سنه و 6 شهر



بعطيكم نصيحه عن السيارات الالمانيه بما اني سابقا مستخدم لها 
شوف الألماني بشكل عام جودته ممتازه لإغبار عليها 
لكن المشكله في توفر قطع الغيار 
إذا أنت في مدينه صغيره ابتعد عنها لعدم توفر قطع الغيار والصيانة 
بالنسبه لقطع الغيار ابتعد تماما عن الوكاله لأن القطع فيها غاااااليه جدا 
وزياده فيها 30% عن المحلات عشان فقط اسم الشركه 
بتكلم عن الموديلات القديمه نسبيا زي e38 وe39 والشبح والفياجرا 
قطع غيار ها في الدكاكين  رخيصه جدا بل ارخص من التويوتا لأن الموجود فيها قطع درجه ثانيه لكن ألماني بدرجة ممتازه 
في المدن الكبيره اكيد متوفر بعض المحلات المشهوره 
الألماني معروف كل ماكان موديل جديد ارتفعت أسعار قطع الغيار لأنها لاتتوفر الأفي الوكاله زي البي ام الشكل الأخير من 2009 أسعار قطعها  غاليه وليست رخيصه 
الموديل الي معك رخيص أمس شاري لي دركسون  120 ريال 
نجي النقطه المهمه الألماني إذا أنت خبير فيه تعرف القطع وتعرف تشخص الأعطال وتعرف الأسعار لن يستطيع  أحد أن يغشك  لأن ميكانيكا السيارات الالمانيه فيها حاجات غير موجوده في السيارات العاديه لكن إذا عندك خبره راح ترتاح 
في موقع رائع جدا لازم كل صاحب بي ام يتصفحه موقع بي ام الخليج كل أسرار البي ام راح تعرفها  لدرجة بعضهم من كثر ماستفاد راح يفتح ورشة صيانه ألماني 
في كل مدينه لازم يكون في ورشه سمعتها جيده  إذا ماتثقفت  وعرفة أنواع الأعطال وكيف تصليحها  راح ينصب عليك واجد ويتنفض  كل الي في جيبك وراح تكره ابو الألماني 
بالنسبه للبي ام الموديل الي بتشتريه  أفضل من الشبح من ناحية الحراره  والتكييف لايوجد فيها اي مشاكل 
واي استفسار انا حاضر 
ابغى دعم منكم ياشباب لايكات وراح انزل ان شاء الله مواضيع عن السيارات الالمانيه 


up 17 down 3
قائد جيش السنافر -16
قبل 4 سنه و 6 شهر



لو تاخذ كابرس او لومينا ب10 الاف و تضبطها بالباقي اصرف
لكن دور ياباني او كوري قديم شوي سيارات فئة اصغر


up 1 down 5
مثقف سيارات 1120
قبل 4 سنه و 6 شهر



الرجال هاوي ومايدور  الألماني إلا هاوي ويرغب فيه ويقدمه  لو كان يبي اي سياره 
كان نزل موضوع وش أفضل سياره بالقيمة الي معي 
انا مادري استغرب بعض الأعضاء ينزل موضوع عن سياره معينه يردون عليه بعض الأعضاء خذ السياره الفلانيه 
هو يسأل عن ذي السياره عندك معلومه  عنها اكتبها ماعندك مولازم ترد 


up 3 down 3
قائد جيش السنافر -16
قبل 4 سنه و 6 شهر



يبو السنافر مدري وش اسمك الاصلي

انا اعطيته شوري و سألته كم ميزانيتك عشان اشوف له انا و غيري البدائل
و جاوب الرجال يبي موتر بقيمة اعلى من 12 الى 14 الف


up 2 down 2
مثقف سيارات 1120
قبل 4 سنه و 6 شهر



يعطيكم العافيه جميعا وبيض الله وجيهكم ماقصرتوا وإن شاء الله استفيد من النصائح واعمل عليها ..


up 1 down 1
khaled mamz 5
قبل 4 سنه و 6 شهر



والله ونعم الشور الرجال يقول يبي بي ام وانت تنصحه بالومينا وكابرس  زبون الورشه  من حفره لدحديره


up 1 down 2
قائد جيش السنافر -16
قبل 4 سنه و 6 شهر



يعني ياخذ بي ام 2001 و الا لومينا 2007 
وش الافضل صيانه و ارخص قطع غيار ؟
ما يبيلها خبرة و تجريب !


up 0 down 2
مثقف سيارات 1120
قبل 4 سنه و 6 شهر



العضو بنز لوفر بيعطيك الجواب الوافي هو خبير بالمواتر الالمانية


up 0 down 3
بلبل22 -48
قبل 4 سنه و 6 شهر



خذها مني نصيحه توكل على الله واشتر مرسيدس E class موديلات 1998-2002 جودة ورساوة وعزل جيد وقطع غياره رخيصه وتحصل له قطع مستعمله


up 2 down 1
abofarah 1081
قبل 4 سنه و 6 شهر



السلام عليكم ورحمة الله وبركاته, اخوي انا كنت املك 740 موديل 97 نفس دفعة 2001 , السيارة ما تنفع داخل المدينة ابدا ابدا, للخطوط ممتازة جداً, رساوة وعزل افضل من الموديلات الجديدة والمكيف ثلج ثلج بما تعنيه الكلمة, القطع رخيصة نسبياً وارخص من الامريكي والياباني بحكم امتلاكي لهذه السيارات, اجور الصيانة (شغل اليد) عالية جداً, السيارة بحكم موديلها لازم كل شهر تصينها ب 1500-2000 ريال غير ضياع الوقت في الورش, واخيراً مكينة 2001 تجي فاينوس ومشاكلها اكثر من الموديلات السابقة. ملاحظة مهمة وقت البيع بتتعب نفسياً لدرجة اني كنت انزل اسبوعياً للحراج واخر شي بعت سيارتي قبل سنتين ب 2000 ريال فقط وكانت حالتها طيبة.


up 2 down 0
bmw 740il 173
قبل 4 سنه و 6 شهر



عفواً كل شهرين تطلب صيانة تقريباً ب 1500 - 2000 وطبعاً تعتمد على حالة السيارة ربما تكون نظيفة وما تطلب كثير.


up 2 down 0
bmw 740il 173
قبل 4 سنه و 6 شهر



بالمبلغ اللي معك بتنقز اكسنت 2010 تماتيك قزاز كهرب
وكدها وقطع الغيار بالهلل
وسهلة الصيانه
نصيحهههههههههه
نصيحهههههه
انحش عن الالماني وهو جديد يبي له مريش وصيانه
كيف قديم بتروح مقلق الصباح
بيضيع وقتك عن الورش
اللمبه اشتغلت
عيت تشتغل
اكسنت لاتهور ترى بعض الطمرات دمار لك ولمالك


up 0 down 0
امير الاصيل 1714
قبل 4 سنه و 6 شهر



أنا استخدمت بي أم موديل 95 الموتر لايعلا علية في الخط وين ماتروح وانت متطمن بعد الله .. لكن كأستخدام داخل البلد ماش ثقيل وتحس يستهلك من طاقتة ..
حصل معي مرة انسحبت السيارة من المرور على السطحة بعد م طلعتها كان في صوت واختفى من ثاني يوم صار يطلع لي باطبلون لمبة البطارية طفيت السيارة وشيكت على
البطارية رجعت اشغلها طلع لي ان السيارة معشقة في الدي وانا معشقها في البي ومن ورشة لورشة في الطايف الي يقول قير والي يقول حساس والله اسبوع كامل ادور لورشة يعلمني بس وشفيها محد يعرف
المهم اخر شي وديتها لسوداني خبير وصلحها بـ 700 ريال عشان ايش عشان الفيش حق القير مفصول شوي مع الحركة والاهتزاز يفصل ويعلق القير على التعشيقة الي فية
كنت بالبداية اهتم فيها واي شي تطلبة اصلحة اخر شي صرت م اهتم كدت معاي 4 سنين بالبركة والأن طايحة سكراب فـ لاتستعجل شوف وشاور والله يكتب لك الخير
مو باسهولة تلاقي مهندس يفهم بالسيارة
يبي لك ميزانية لصيانتها كل فترة




up 1 down 0
ksa..n 1
قبل 4 سنه و 6 شهر



اش لون السياره يا ksa


up 0 down 2
قائد جيش السنافر -16
قبل 4 سنه و 6 شهر



فضي داخلية اسود



up 0 down 0
ksa..n 1
قبل 4 سنه و 6 شهر



ابعد عنها مايصلحها الا الشوام وانت عارف حركاتهم يشلح قطع جديده من سيارتك ويركب تشليح علشان ترجعله


up 0 down 1
saleh3177 46
قبل 4 سنه و 5 شهر