أضف سؤال أو موضوع جديد          

تجربتي لتغيير زيت القير والفلتر للمره الرابعه

up 7 down 3
سبحان الرازق سبحانه 2512
قبل 4 سنه و 5 شهر



السلام عليكم ورحمة الله وبركاته 

بعض الناس يخاف يغير زيت القير ويخبط لاسمح الله 

وبعضهم. مايغيرونه ابد. والبعض يغير الزيت بدون فلتر 

وناس تقول. اذا غيرت الزيت والفلتر يخبط القير 

هذا الكلام. كثير. في ذا الموظوع. هذا. 

انا طبعاً عندي اكسنت١١الشكل القديم 

اشتريتها في عام١٤٣٤/٣/٢ وكانت وقتها ماشيه ٧٠الف 

واشتريتها. وغيرت زيت المكينه. وسافرت عليها الدمام 

ورجعت الرياض. وبعدها باسبوعين سافرت عليها 

الجنوب. وقابلت واحد من اخوياي وقالي  غيرت زيت القير. 

قلت لا والله  قالي غيره. مع الفلتر لان ممشى السياره قرب على٨٥الف وقتها

ورحت شفت زيت القير. مفرض يكون لونه احمر. وردي. 

حصلت لونه. قريب للااسود. لاكن باقي فيه لزوجه خفيفه وريحته باقي. كويسه 

ورحت اشتريت فلتر وزيت. وغيرته. مع اني كنت خايف يخبط على كلام الناس 

لاكن الحمدلله. ماصار شي. سيئ. 

ومن وقتها كل ٤٠الف اغير الزيت مع الفلتر. 

وقبل اسبوع او اكثر. غيرته. مع الفلتر. وهذي التغييره الرابعه. والحمدلله مافيه الا كل عافيه 

التبديلات تحسنت والعزم فرق شوي. والامور تمام التمام. 

طبعاً الزيت الي استخدمه هو زيت اس ديلكو الي عليه لزق احمر. العلبه تقريباًب١٣ريال 

والفلتر بالوكاله ٩٠ريال. وفي قطع الغيار ب٥٠ريال 

حبيت الكل يستفيد من الموظوع وهذا تجربتي. للتغيير الزيت والفلتر. 

لان اغلب الناس  يخاف يغير الزيت والفلتر ويخبط القير. 

القير مايخبط. الااذا كان استدخدامك سيئ 

طبعاً. بعد تغيير الزيت. الافضل انك ماتشد على الموتر الين بعد اسبوع اوثلاثه ايام الين تتعود الكلتشات على الزيت الجديد

هذا الي عندي اليوم. واتمنى الكل يستفيد. هذي تجربتي شخصياً 

وموفقين. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مو كل السيارات يخبط قيرها اذا تأخرت في تغيير زيت القير
بعض سيارات تويوتا هي من تعاني من هذه المشكلة


up 2 down 5
سلطان4040 1237
قبل 4 سنه و 5 شهر



اخوي والله غلط استخدامك لزيت أي سي ديلكو
روح الوكالة وخذ زيت برقم الشاصيه


up 3 down 1
متسوق جدة 138
قبل 4 سنه و 5 شهر



متسوق جده

انا استخدمه لي ٤سنوات. وماعمري شكيت منه 

بالعكس يتحمل درجات حراره عاليه. واغيره على٤٠الف 

واحياناً ٥٥الف وباقي فيه نص عمر. 

الي في الوكاله. اعرفه. والفرق. بينها. على حسب كلام 

واحد في قطع الغيار بالوكاله. انه الي عندهم تمشي عليه

90الف. وسعر العلبه ٢٣ريال. 

لاكن الزيت الي اغير. انا استخدمتة ٤ سنوات. من ممشى77الف او٨٠الف 

الى ممشى١٩٧الف. والحمدلله. ماواجهت اي مشكله. فيه 

بالعكس. احس الزيت ممتاز جداً. 

وخويي معه سوناتا٢٠٠٨ يغير الزيت حق الوكاله. الي عليتة ازرق. والله مافيه فرق 

الفرق انه يمشي ٩٠الف. فقط لاغير. 

وانا لي اربع سنوات استخدمه ولا شكيت منه ولله الحمد. 

وشاكر لك مرورك. 


up 3 down 0
سبحان الرازق سبحانه 2512
قبل 4 سنه و 5 شهر



معليش سؤال شاطح خارج الموضوع
انت نفسه العضو ( جعل من ربوني في الجنه ) ؟

يا ان مخي انلحس او ان المنتدى حول عالاكسنت ههههههههه


up 2 down 0
ahmed195 1821
قبل 4 سنه و 5 شهر



ههههههههه 

لا والله انا عظويتي هذي فقط 


up 2 down 0
سبحان الرازق سبحانه 2512
قبل 4 سنه و 5 شهر



اللي يخلي القير يخبط بعد تغير الزيت هو
1- زيت غير مطابق للمواصفات  
2- زيادة أو نقص الزيت عن الحد المطلوب 
3- عدم تبديل الفلتر
4- يغير زيت و يشد على طول
5- عدم تغير كامل الزيت يعني يبدل بس الزيت اللي فالكرتير و الزيت اللي فالطنجرة ما يبدل
و يختلط الزيت الجديد بالقديم و تتغير مواصفات الزيت من لزوجة و درجه تحمل الحراره ويخبط 


up 6 down 0
ameen ghanoum 163
قبل 4 سنه و 5 شهر



فيه سيارات كثير الفلتر مايتغير الا مع فك القير ومنها الهونداي الزيت مايتغير كامل مستحيل مستحيل بدون فك القير 


up 2 down 0
7amood1930 181
قبل 4 سنه و 5 شهر



انت وضعك طبيعي لانك تبدل بانتظام وهذا الأفضل الإشكالية في الي يحترق عليه الزيت ويروح يبدله


up 2 down 0
hmhs1987 185
قبل 4 سنه و 5 شهر



شغلك عدل.        


up 1 down 0
عبدالله الشفيعي 1440
قبل 4 سنه و 5 شهر



شباب تغيير زيت القير هل يحتاج اطفاء السياره 3-4 ساعات حتي يبرد القير والا عادي يتغير زيت القير بعد اطفاء السياره مباشره؟


up 2 down 0
bmw z4 1485
قبل 4 سنه و 5 شهر



الافضل. بعد ماتطفيها تخليها ساعه الى ساعتين 

انا دائم كذا ساعه ساعتين. ويفكون الزيت والفلتر بعدها 


up 0 down 1
سبحان الرازق سبحانه 2512
قبل 4 سنه و 5 شهر



انا غيرته 3 مرات و سيارتي الحين ماشيه 260 الف 2008 
بحكم الازيرا القديمة تغييرها بسيط نفس المكينة يوقفها ساعة ينزل الزيت من الكرتير كامل و يقفله و يصب الزيت 

اغير زيت spiii حسب المواصفات 
علبة 4 لتر ب100 ريال متسوبيشي 


up 3 down 1
rraammooss 965
قبل 4 سنه و 5 شهر



و بعدها امش على هونك ابو 200 300 كيلو 
و البنشري ياخذ 30 ريال 
 و الزيت اشتريه من العيسائي 
ولله الحمد عمري ما شكيت من اي نمره 
و اغيره كل 50 الف بإنتظام


up 3 down 0
rraammooss 965
قبل 4 سنه و 5 شهر



عليكم السلام ورحمة الله 
ماشاء الله انا سيارتي الجمس من عام ١٤٣٣
ماغيرت القير غير قبل كم يوم والحمدلله 
السيارة ماشيه تمام 
بس فيه شي اغلب الناس ماتعرفه الا اذا 
الميكانيكي يخاف الله يعلمك عشان ماتخبط
سيارتك ، انا ماركب الا قطع اصلي 
برقم الشاصي من العيسى او غيره وكيل معتمد
اخذت منه فلتر اصلي GM شافه الميكانيكي قال الفلتر اغراضه ناقصه الجلده ووين الوجه 
ورجعت للعيسى طلع يبيع كل قطعه لحاله 
الفلتر ب ٨٠ والوجه ب ٢٠٠ 
وفيه اصلي ايسديلكو بدون وجه بس بس تجي معاه جلده للفتر اخذته لاني ماحصلتها لحالها 
المهم هي فايدتها على ماظن عشان الكلتشات 
ماتسحب هوا مافهمت وش وظيفتها بالظبط 
بس اللي فهمته لو مركب الفلتر بسس 
يخبط القير وعلى كلام الميكانيكي 
اغلب تخبيط القير من تركيب الفلتر 
وانا مصدقه لانه موضب لي السياره 
من عام ٣٣ وماشاء الله للحين ماشكيت من شي 
المهم اللي يبي يغير زيت القير ويروح يشتري فلتر يتأكد من اغراضه كامله ولا يبيعون كل قطعه لحالها وبعض الميكانيكه مايعلمونك 
عشان يخبط القير وترجع له وتوظب 


up 1 down 0
w.asa 2027
قبل 4 سنه و 5 شهر



تخبيطت القير من كثر الدعس على السياره
افضل شيء بد ماتغيره ماتعدا 3 اربي ام ل 300 الى 500 كم


up 1 down 0
saleh3177 46
قبل 4 سنه و 5 شهر