سبب عدم ذكر السعر في اغلب اعلانات المعارض في موقع حراج ؟

هذي  حركة  الشريطية  هالايام  مع  انخفاض  الاسعار  وقلة  البيع  يبون  الناس  يتصلون  ويجون  المعارض  عشان يوهمون  زباينهم  ان  المعرض  عليه  زباين  كثير  واتصالات  اكثر  وانه  معروف  بين  الناس  عشان  كذا  يجون  عنده  ويشغلون  تلفوناته  ...  الله  يصلحهم  بس ..

عشان تروح لهم وتنجلط من السعر

ويمكن كذا هه ولا هه تشوف ش يصلح عندهم يعجبك وتشتريه ولو ان نسبة هالشيء معدومة ..

والا بعضهم يقول خاص. عشان يستفرد. 

عمولة البيع هذي بحسب ذمة ا لمعرض مالها علاقة

ثانياً السبب ان انه غير ممكن تعديل اعلانات بحراج بسهولة

مثلا عندي 30 اعلان ل يارس هل راح اقدر اعدل عليها كلها اذا غيرت السعر سواء اقل او اكثر؟؟

اكيد لا

انا ابيع على حراج وتواجهني هذي المشكلة لان المنتج اول ماينزل يكون غالي وبعد فترة ينزل سعره فالاعلانات القديمة راح تكون بالسعر الغالي و الزبون ماراح يشتري

لذلك الزبون الصامل راح يدق علي الجوال او يستفسر

اللي في المعارض متمسكين باسعارهم و سياراتهم و خرابيط كلامهم و يخرط عليك باي طريقة لان هدفه واحد هو كسب المال باي طريقة و تصريف ما يمكلك باستمرار ولاهب يبي ينفعك و يعينك و يقدم المشوره ... لا بلش قال شرطي الفحص .. عموما هذا شغلهم و الله يفكنا من اللي يستغل ولا يخاف الله .. الوضع الراهن يجبرك انه على اي شخص يحتفض بسيارته و يشيك على المعارض و يسأل و يبحث و يشاور ناس جربوا و يسال حقين قطع الغيار و الورش ... الله يرزق الجميع
.... السيارة المستعمل = لابد انك يالشخص انه يفتح عيونه و يسأل و يشيك على الموتر اللي يبيه .. به ناس تكذب و المستعمل مهب زي الجديد و حقين الفحص الاغلبية يخربطون فالمهم انك تدور الشخص المختص بفحص السيارة .....

انا ببعت سيارة قبل فترة و جربت اعلن عنها مرتين
مره حطيت السعر محد يجيك
و مره قلت السوم يبدا من كذا و الرجاء عدم البخس هنا الناس جت
و المشكلة اني بعتها بالسعر اللي حطيته في الاعلان الاول :/

السلام عليكم
السبب يا عزيزي اختلاف السعر بين نفس المعرض او
الصاله في فروع اخرا على سبيل المثل
الفرق بين معارض الامتياز بتوك والامتياز بجده اكثر
من خمس الاف ريال وحصلت معي شريت اوبتما امتاز جدهالسعر
63 الف شامل كل شي امتياز تبوك 68 الف لاحظ الفرق
لنفس السيارة المهم اتصلت من نفس فرع تبوك على فرع
جده شحنها لنفس فرع تبوك بسعر 63 + 500 شحن وبعدها
امتاز جده ما عاد يحط الاسعار طبعا سيارة 2015
خلاصة الكلام لا تشتري الا بعد ما تاخذ جوله وتعرف الاسعار

أنا مايقهرني الا اعلانات شركات السيارات... اشتر كذا واسترجع من قيمتها 20000 ريال
كله كذب واعلاناتهم مبهمة ؟؟؟؟
وبعضهم يقول ندفع عنك القسط الأول ههههه؟؟؟

قل لي السعر قبل التخفيض كذا وبعد التخفيض كذا ولاتتفلسف علينا!!!

يا اخوان زوار واعضاء موقع حراج السلام عليكم ورحمة الله وبركاتة اي معرض تشوفه كاتب الاسعار ظروري تدعمه بالمتابعة والتقييم غير كذا لاتتعب نفسك بالاستفسار عن التسعيرة لان هذا من حق العميل والمفروض يكون مكتوب بالاعلان الحل 1- ترسل سالة للمعرض سوف نلغي المتابعة لعدم وجود السعر .. تخيل وصلت له 20 او 30 رسالة بالغاء المتابعة سوف يخضع ويضع السعر لان عدد المتابعين والتقييم داعم بقوة للشراء من المعرض يجب ان يتكاتف اعضاء الموقع ؟ لا تقول رسالتي ماتودي ولا تجيب ! بالعكس رسالتك ورسالتي والثاني والثالث اعطت تنبيه ؟ للمعرض بأنه عند الاعلان مره اخرى بدون وضع السعر سوف يفقد عدد من المتابعين ؟ لاتظن ان الغاء المتابعة سهله على المعلن او انها لاتهمه ؟ هو يريد كسب العميل بأي طريقة اسوةً بباقي المعارض .. تنبيه / لاتلغي المتابعة الا بعد ماترسل له رسالة تنبيه