أضف سؤال أو موضوع جديد          

عكوس اكسنت الصناعه صيني

up 17 down 1
سبحان الرازق سبحانه 2509
قبل 3 سنه و 8 شهر



السلام عليكم ورحمة الله وبركاته 

ياخوان عندي موضوع بسيط. وبتستفيدون ان شاء الله 

انا طبعاً. قبل سنه و٨شهور. خرب عندي. واحد من العكوس. 

ورحت ادور عليه بالوكاله طلع ١١٠٠ريال 

السياره اكسنت ١١الشكل القديم. 

وتركت الوكاله. ورحت قطع الغيار. وحصلته الواحد ب٩٠٠ريال 

ووقتها ماكان عندي فلوس. واشتري الاصلي. ب٩٠٠

ركبت واحد صيني. ب١٣٠ريال  حطيت في بالي انه 

بالكثير شهرين ويخرب. لاكن. الحمدلله. والله جلس.فيها 

سنه وثمان شهور. وخرب. قبل اسبوع تقريباً. 

خربت الاثين. اليمين واليسار. صارت السياره 

ترج على سرعه٩٠ حتى المقعده الاماميه حق الراكب 

اشوفه ترج. 

رحت شيكت على العكوس. وطلعت. هي المشكله. 

وكان فيه صوت اذا لفيت احياناً اسمعه واحياناً لا 

ورحت امس. اشتريت اثنين. الواحد ب١٥٠ صيني 

مع اني. شريته المره الاوله ب١٣٠. 

المهم اخذت اثنين بعد الخصم ب٢٩٠ ريال 

والتركيب ب٢٠٠ والحمدلله. راحت الرجه. نهائياً. 

وراح الصوت. الي كان يطلع اذا لفيت لفه قويه 

مع ان الاصلي هو الافضل لاكن. مبالغ في سعره 

الوكاله فوق الف ريال. والقطع. الثانيه. الي بعد الوكاله بدرجه 

ب٩٠٠ريال. للواحد. يعني الاثنين تقريباً ب٢٠٠٠ريال. 

وش بقى من راتبي اذا بشتريها 

لاكن الصيني. ان شاء الله. يكمل معي سنه ونص 

طبعاً السياره قير اوتماتيك. وتختلف العكوس عن 

القير العايدي. ماتركب. 

هذا الي عندي اليوم. ولعلكم تستفيدون. منه. 

تجربتي شخصياً. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احيانا سماع اسم تجاري يعني الشي مو اصلي ومايطول 
وهذا اللي مخلينا متخوفين دايما لازم ناخذ وكالة 

واحيانا تلقى  تجاري اصلي يكرف معك ويطول وفرق هائل فالسعر 


up 4 down 0
ابو حسين.......... 1024
قبل 3 سنه و 8 شهر



كلام جميل وفعلا القطع الاصلية مبالغ جدا في سعرها وبالنسبة للقطع التجارية مثل الصيني والياباني والكوري والماليزي والمكسيكي والتايلندي وغيرها فيه منها درجات
على حسب الجودة وليست كلها سيئة بعضها مضمون لمدة 6 شهور ويعيش معاك سنة بالكثير وسعرها معقول ومناسب وفيه شركات متنوعة بعضها عليها ضمان
وبعضها لا لكن على حسب الاستخدام اذا كان استخدامك للسيارة مناسب وسواقتك هادية وراكدة فالقطع التجارية ممكن تعيش معاك مدة أطول مثلا سنتين أو اكثر
كذلك بعض القطع التجارية تنافس بجودتها القطع الاصلية وربما تتفوق عليها بالقوة والمتانة ودقة التصميم وبرخص الثمن وقلة التكلفة والسعر
وفي ظل هذا الغلاء الفاحش لقطع الغيار الاصلية لا بد من ايجاد حل ولابد من القطع البديلة التجارية المضمونة والتي لها سمعتها بالسوق من حيث التجربة


up 3 down 0
عبد العزيز المنصور 43
قبل 3 سنه و 8 شهر



انا كنت اركبهن بالانترا 2009 وشفت منهن الا الخير المشكله
الوكاله يبيعون عكس كامل مايبيعون راس عكس


up 3 down 0
خالد ___الرياص 1331
قبل 3 سنه و 8 شهر



العكوس و المقصات و المساعدات
مبالغ بسعرها الأصلي
و ممكن ما يحتاج تركب منها الا راس او جلد
لكن تضطر تشتري كامل
فالدرجة الثانية أو التجاري يمشي الحال سنة او سنتين
ممكن اكثر


up 1 down 0
مثقف سيارات 1066
قبل 3 سنه و 8 شهر



بارك الله فيكم على الردود. 

صحيح بعض القطع مبالغ في سعرها. 

هذي هي اكسنت. ومنتشره بكل مكان. وكلنا نسمع 

برخص قطع غيارها 

لاكن. بعض القطع رخيصه وبعضها. لاوالله. الا غاليه. 

والقطعه. مثل العكس. اشوف انه غالي بالمره. 

فالافضل اننا نتوجه للبديل. عن الوكاله 

ياتشليح او الصيني. 




up 1 down 0
سبحان الرازق سبحانه 2509
قبل 3 سنه و 8 شهر



عليكم السلام ورحمة الله وبركاته 
تدري وش مشكلة القطع اللي تحت الاصلي الوكاله
مثلا تحصل كوري ماليزي امريكي 
احسسن من الاصلي وارخص ب ٨٠ بالميه من الوكاله
بعد ماينجح ويصير عليه طلب  يجيبوون منه مغشوش بنفس
كرتون الامريكي والكوري والماليزي
اول فيه قماشات للجموس والكوابرس سعرها من ٦٠ ل ٨٠
يجي لونه احمر احسسن من الاصلي كثيير وعمره اطول من الاصلي
ومايطلع له اصوات صفير والاصلي اقل شي ب ١٨٠ ومايطول
حده ٦ شهور المهم بعد مانجح بالسوق صار يجي منه تقليد
القماش حديد قوي هو ياكل الهوب مو الهوب ياكل القماش
ونفس الشي مع القماشات الماليزي لسيارات تويوتا مثل الكامري
والهايلكس القماشات ب ٩٠ ونفس الاصلي
الحين اللي بالسوق مقلد ماليزي  


up 3 down 0
w.asa 2028
قبل 3 سنه و 8 شهر



كلامك صحيح واسا 
كل قطعه تجي ممتازه يلعبون فيها على طول 
اما الصين اشوف افضل بضايعهم
العكس والكفرات احسن ماصنعوه الصين ويعمر فوق السنه او السنه نفسها
والاقمشه اشوف التركي الخاص بتويوتا ممتاز جدا واكثر من ميكانيكي نصحني فيه
وتنزل للنيسان والمازدا وباقي السيارات وجدا ممتازه


up 2 down 0
احمد شريف 3168
قبل 3 سنه و 8 شهر



التجاري بعضه يمشي سنه وبعضه يمشي سنه 

انا مركب عكس واحد قبل سنه ونص تقريبا من بابطين 
لكزس وسعره مدري 160 او 260 ناسي 
والحمد لله ماشي تمام لارجه ولا تهريب شحم 
وسعرته بالوكاله طلع ب 2500 سلاماااااات 


up 1 down 1
tttt35035 1049
قبل 3 سنه و 8 شهر



بيض الله وجيهكم على التفاعل مع الموضوع 

وصحيح. كلامكم. اي  شي. يمشي. سوقه. 

لازم. يخربون ويجيبون شي تقليد وصيني 

مثل واحد من اخوياي. معه سوناتا راح الوكاله. يشتري 

شمعه حق النور الامامي.  ومعروفه انها بتكون كوري صناعتها 

اخذها ومكتوب على الكرتون كوري. وطلعها. 

ومكتوب على نفس الشمعه ماليزي.  

يعني. الشغله نصب في نصب. يحطون القطع. صناعه 

ثانيه 

والكرتون. كوري. 

فيه حساس. منظم الهواء. في الوكاله سعره بعد الخصم 

٤٨٥ريال طبعاً للاكسنت 

وفي قطع الغيار. والله اني اخذته ب١٨٠ ريال 

ونفسه بالظبط. اصلي وكاله. 

بس ليش الوكاله. اغلى. مدري عنهم. واذا سئلتهم 

قالو. هذا. اصلي والي برا. تجاري. والله اني اقارن بينها 

مافيه اي فرق. نهائياً. 


up 0 down 1
سبحان الرازق سبحانه 2509
قبل 3 سنه و 8 شهر



عندي سؤال. تذكرته الحين. 

واحد من اخوياي. يسئل عن حساس السرعه الي يركب 

بالقير. هل له علاقه بالعزم.  سيارته  اكسنت 2012تقريباً 




up 0 down 0
سبحان الرازق سبحانه 2509
قبل 3 سنه و 8 شهر



سبق قريت بالممتدى انها وعكوس الانسر سوى وعكس الانسر اجودوارخص


up 0 down 0
296
قبل 3 سنه و 8 شهر



سبق قريت بالممتدى انها وعكوس الانسر سوى وعكس الانسر اجودوارخص


up 1 down 0
296
قبل 3 سنه و 8 شهر



ويقولون قطع الهونداي رخيصه 
عكوس ب ٢٠٠٠ ريال 
اخبر قبل سنه شريت عكوس طقم 
للتورس ٢٠١٠ بـ ٩٥٠ تنقص ماتزيد 
( من توكيلات الجزيرة ) 


up 3 down 0
alammari 309
قبل 3 سنه و 8 شهر



خصوصاً الوكاله. كل فتره يزيدون السعر. 

كنت اشتري البواجي ب٣٠ريال. 

وقبل شهرين. من نفس الوكاله ب٣٥ريال 

كل شوي يزيدون. 


up 0 down 0
سبحان الرازق سبحانه 2509
قبل 3 سنه و 8 شهر



العكس اذا ما تبي يخرب اعمل تشحيم كل فترة


up 1 down 0
mfh2009 337
قبل 3 سنه و 8 شهر



جزاك الله خير         


up 0 down 0
سبحان الرازق سبحانه 2509
قبل 3 سنه و 8 شهر