انغشيت في سيارة .. حسبنا الله ونعم الوكيل
16
5
إضغط هنا للإخفاء
السلام عليكم ورحمة الله وبركاته .. قدر الله علي وخسرت مبلغ اكثر من ١٠ الاف ريال والسبب ذمة واحد مايخاف الله وجعل الدراهم اللي اخذها مني بذمته ومشكلتي ان قد مره انغشيت بسياره وطلعت مكينتها ملصقه بسلكون وملحمه وحالتها حاله ولا صادها الفحص بس عاد خويكم ماتعلم من الدرس وكرر نفس الخطأ بهذي السياره ..شفت سياره معروضه في موقع كلمت صاحبها بكم نهايتها وش فيها مافيها قال وكاله وع الفحص ورحنا شفت السياره فيها رش رفرف يمين وصدام فقط.. رحنا للفحص قالنا الفحص فيها ضربه جهة يمين وتحتاج تبديل مقص وتربيط .. رجعنا له وتفاوضت معه ونزل بالسعر واحلاف وايمان انها براس مالها .. طبعا هو شريطي وهذي غلطة مني اني شريت ووثقت في كلامه المعسول المهم مالكم بالطويله اخذت السياره ورحت ع كلام الفحص ابدل المقص تدرون ايش حصلت ؟ عامود الدركسون والاذرعه حقه ملحمه .. كراسي المكينه مكسوره وخصوصا اللي خلف القير وماكانت واضحه عند الفحص او اللي فحص ماعنده ماعند جدتي لان شفتها بعيني بالورشه كيف الكراسي ترقص .. طلع فيه مساعد مفقوع زيته ويحتاج تبديل اعمدة توازن وطبعا ذي كلها ماسجلها الفحص وخويكم الله بالخير بالسيارات خبرتي محدوده ماني ذاك الزود قلت زين رحت وشريت كراسي مكينه ومقص ومساعدات وركبتهم وتختبص السياره علي فوق تحت واشيلها للوكاله حقتها رحت لهم يوم ثاني قالي تعال وجالس يشرح لي .. السياره ماكله ضربه من جهة الرفرف نتج عنها تلف الجهه كامله مساعد ىاذرعه ومقص وبيرنق وفلنجه انت صلحت المقص والمساعد بس باقي كراسي المكينه والقير وقواعدهم واصلي وعندك الكمر حق المكينه مطعوج يحتاج تعديل او تغيير ولا راح تضبط لين تغير او تعدل الكمر لان تعديل اي كلام علما ان السياره وزنيتها صح مافيها ميلان و الكراسي ملعوب فيها بحيث حاطين مدبلين الصواميل حقتها عساس ماتبين الرجه الا شي خفيف ووتتشخص على انها تصفيه بواجي وفلاتر ويوم غيرتهم انت انفكت الصواميل ذي واللي ركبهم مارجعهم لانه فعلا ماهي الشد بلد فهو ركبها نفس الشد بلد بدون ترهيم وتخبيص قلت طيب كم تكلف حسبها لي حول وقالي ٤٠٠٠ وانا دافع في القطع والتصليحات والزيوت والكفرات حول ٢٥٠٠ ريال + قيمه السياره والنقل والتامين .. عافت النفس منها ىنزلتها الحراج وجوني الشريطيه اللي زي حالت خوينا اللي النصب والسرقه تجري في دمهم وشافها وسامها مني وحروجو عليها لين وصلت نفس سومته وانا عارف متفقين معه ع السعر بس امري لله ىوافقت ابي اخلص منها المهم رحنا للمعرض قالي فيها صدمه ومعدل شاصيها ومدري ايش انت ماقلت لي كذا مع انه شايفها بالحراج ويدري بس سوالف الشريطيه وهذا اذا مابعها بمبرح ٥ الاف وهي ع حالتها علما ان تصليحها بيكلف حدود ٢٠٠٠ ريال برا قلت حبيبي انا بايع ميكرفون وماشرطتها ومعروف المكريفون حراج ماهو ساحة عرض او معرض .. المهم وجوك اخوياه ونزل ومانزل ومدري ايش وبعتها بخساره والله يعوضني فيهاا .. والله لا يسامح ولايحلل الللي باعني اياها وهو عضو معنا في حراج وحاليا عارض سياره للبيع نفس الحاله ملمعها ونفس وصف اللي شريتها والواقع شي ثاني .. كان ودي ادخل على تقييمه واخسف فيه بس السياره شاريتها من موقع ثاني والمعرف حقه يختلف عن اللي في حراج وعنده بدال العضويه ثنتين و الرقم نفسه .. فحص الوكاله ٣٠٠ ريال ادفعها لهم وافحص افضل من الحراميه والمحلات اللي في المعارض .. واخيرا الله لايحلله بكل ريال اخذه مني بكذب ولف ودوران والله يعوضني خير .. ونصيحه اخويه مهما لمع لك الشريطي سيارته لاتشتري منه لو اصفار .. ذمتهم وسيعه .. الا من رحم ربي .. رساله للشريطي ان كان قرى موضوعي وعرف انه هو جعل كل ريال اخذته حرام وكذب في ذمتك ومال الحرام مايدوم وفيه يوم بنتقابل فيه عند رب العباد وربي ان ماخذ لي حقي منك بالدنيا راح ياخذه منك بالاخره وحسبي الله ونعم الوكيل .
إبلاغ
الردود
بابو هالشعب بكل شي يعني بالله الى الان حقين الفحص ماقدر احد يوقفهم عند حدهم هذولي يابعدي متفقين يفحص بس مايطلع العيوب كلاب ملاعيين والدين الزبدة الغش مالي البلد بكل
شي لاتصدق احد همج يلعبون ويدمرون الناس لعنهم هم ومن جابهم وخلاهم بالشكل ذا مخنثة هالوضع.
0
0
يا يطلعون عيوب مؤتمر موجوده في السيارة ويتفلسفون أو ما يطلعون عيوبها
الشغله عندهم طقطقه
قبل 4 سنه و 3 شهر