رخصة قياده

انا سجلت نفس كذا وقالوا لي انك تجي تدرس العصر محاضرة وبعدها نحدد لك موعد الاختبار وبيكون صبح وقتها كنت في دوامي الاولي ومايمديني


ف سحبت عليهم لمدة شهرين او ثلاثة لين دخلت التقنية ذاك الوقت ورحت لهم وخليتهم يسجلوني في وحدة من المحاضرات وحضرتها وبعدها حددوا لي موعد اختبار القيادة وكان صباح ف عادي انه يأجل كم شهر اذا مايقدر كانه طالب يصبر لاجازة الربيع مدري وش اسمها حقت الفصلين

طبعاً انا كنت رخصة مهب تصريح وكان المحاضرة يوم واحد فقط بس اتوقع التصريح يختلف وحتى بعض انظمتهم اختلفت انا يوم اروح كان اجباري فصيلة الدم من مستشفى حكومي الحين اهلي عادي وتجيب معه كشف نظر انا ما طلبوه مني كشف النظر


وفقك الله

والله تصريح القياده لعمر اقل من 19 المفروض يلغى لسلامتهم
وسلامت الناس الثانين

^^^ كثير ناس مايقدر يجيب سواق ويصرف عليه ويسكنه ويودي عياله كلهم بنت في جامعة والثانين مدارس وهذا كلية ولا جامعة كيف تبي ابو 19 يروح لجامعته في الغالب انهم في العمر هذا تخرجوا واول سنة جامعية او كلية او متوظف عاد اللي هو


العمر ليس مقياس للطيش والهبال ، خلنا نتكلم في المنطق اغلب حقين التفحيط اعمارهم فوق 30 او 28 بس صحبة فاسدة وشباب طايش وفراغ



ليش اروح ازنق اللي راتبه 6000 ولا 5000 انه يجيب سواق لولده يوديه ويجيبه وهو عاقل ومحترم في حاله


اظبط هالمستهتر وكلن بيمشي حسب النظام

اخ a.ibrahem بيض الله وجهك ماقصرت وفييت وكفيت
الله يعطيك العافيه

العفو ياصاحبي حياك

دورة التصريح اذكر درستها
بنفس الرسوم ما تغيرت و اذكر الزمونا بالتبرع بالدم
بصيف 1422 الله المستعان بدلة بالرياض طريق المطار

دورة مسائية 4 ايام مستمرة و خامس يوم الاختبار
و معك فرصتين او ثلاث للاعادة
ان ما نجحت لازم تدرس من جديد برسوم جديدة
بعد سنة اذا كملت 18 تحول التصريح رخصة دائمة
بدون اختبار تدفع رسوم و تكمل اوراقك مع الصور و دفع الرسوم

على وقتي ماذكر في تبرع دم ولا نظر
المهم ولد عمي مطلع تصريح قبل كم اسبوع
الدراسه كانت 4 ايام الفتره الصباحيه
مافي عنده مسائي اتوقع هو مختار الوقت كذا
واليوم الخامس الاختبار
اما اني ادرس فترتين سلامات
يمكن بس اول يوم تدرس فترتين عشان في محاضره
وباقي الايام فتره وحده مدري مين يحددها

يعطيكم العافيه ماقصرتو