شركات التامين وتجاربكم

وعليكم السلام

شركات التأمين كلها نصب في نصب إلا من رحم ربي
وأنت خاضع لأمرين الأول نفسية الموظف اذا هو كويس خلص موضوعك ولا عقدك وتستلم مبلغك
خلال 14 يوم عمل
أما اذا الموظف نفسيته زفت عز الله يوريك نجوم الظهر ويطالبك بأشياء وتقارير و و و حتى تكرهه المبلغ
الأمر الثاني شركة التأمين بعضهم للأسف ينجرف ورى التأمين الرخيص واذا صار عليه حادث لا قدر الله
تعال شوف المرمطه وتكتشف إن مبنى الادارة شقة ولا مستآجرين دور في عمارة عكس ماكنت تتخيل

مره صدمت واحد وكان مستاجر سيارة وتأمينه حسب ما أذكر سلوديتري أو أسم زي كذا
الخطأ كان 50/50 ويوم جيت أطالب التأمين حقه في 9 أيام والمبلغ جاهز دقو علي تعال استلم الشيك

قبل تأمن تأكد من خدمة مابعد التأمين هي زينه ولا شينه ولا يهمك المبلغ لأنه راح يخدمك في وقت الأزمات

على حسب الشركة ! 

انا صدمني باص وتأمينه التعاونيه راجعتهم

وخلال ٥ ايام عمل تقريباً وصلت لحسابي تحويل

المبلغ كان ٣٨٠٠ ريال 

بروج يقول التعويض بعد 25 يوم

الدرع العربي استلمته بعد 22 يوم طبعا هو قالي بعد 18 يوم وتاخر

انا مره صدمني راعي تريله حك الجنب الايسر المهم الخطأ عليه وعطاني تامينه ومدري وشو اراجع فيه 

وادور الشركة بالنت القى رقم ادق محد يرد ابحث عن موقعها مالقيت الزبده بالاخير طلعت شركة اعلنت افلاسها وطلعت من السوق من زمان وللحين يأمنون للناس كيف لا تسألني

انا حولولي المبلغ ب 7 ايام من رفع المطالبة
ملاذ
بتطبيق ملاذ على الايفون

المتحدة
شيك بعد 7 ايام

لي أكثر من تجربة سيئة مع تأمين ميدغلف
اسوأ شركة تأمين في السعودية ميدغلف

لي تجربة أسوأ من السيئة مع ميد غلف صلحت سيارتي بالوكالة بعد حادث وكان الحق لي 100بالمية وجهزت سيارتي خلال
3 أيام (تغيير رفرف وصدام) ولا طلعوا السيارة إلا بعد 4 أشهر بسبب تأخر ميد غلف بدفع المبلغ وكان حوالي 4000ريال
وبعدها أشتكيت لمؤسسة النقد أريد تعويض عن التأخير حوالي 10000 آلاف ريال ولم أستلم حقي منهم إلى الآن وقد يئست
بسبب مماطلتهم وتهربهم وعدم استجابة مؤسسة النقد (تشترط الحضور للشكوى وحجز مواعيد متكررة) وأنا من بلد بعيد عن
الرياض وهذا له ما يقارب 3 سنوات .. الله لا يسامحهم ولا يحلهم لا دنيا ولا آخرة