أضف سؤال أو موضوع جديد          

وقت الامطار

up 13 down 3
سبحان الرازق سبحانه 2512
قبل 4 سنه و 4 شهر



السلام عليكم ورحمة الله وبركاته

اللهم اجعلها امطار خير وبركه 

اليوم امطار على الرياض. ماشاء الله. 

وحبيت اقدم لكم نصيحه لوجه الله. 

وقت الامطار تكثر الحوادث. والحين توني طلعت من البيت 

وشفت. حادث قدام عيني صاحب في اكس ار 

موديل جديد. جلس يمشي ورا وايت مويه. عشان 

يغبر. ممكن اكثر من اربع مرات. يلف على نفس الشارع 

والله يهديه مسرع كلها عشان. يغبر من المطر. 

قدر الله انه يمشي ورا الوايت. وصدم فيه من وراء 

وراحت الوجهيه كامله. وصلت لمقعدة الراكب الصدمه

وراه سوناتا١٦ وكامري واكسنت تصادمو يوم 

شافوه صدم. ماامداهم. يتصرفون وهذا قدر الله 

لاكن. الكل عارف ان السياره. صعب التحكم فيها 

خصوصاً وقت الامطار. تمسك فرامل. والسياره 

تهج وماتوقف. 

فاانتبهو من السرعه. ومن حركات التغبير. الي يمشي 

ورا تريله او سياره كبيره عشان يغبر. 

والله يجعلها امطار خير وبركه. 

هذا الي عندي اليوم وحبيت اقدم لكم نصيحه. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك خير
والله يهدي الجميع
والله يجعله امطار خير وبركة


up 1 down 2
باترول 2020 2624
قبل 4 سنه و 4 شهر



للحين في ناس من النوعيه ذي تغبير وكلام فاضي
لاحول ولا قوه الابالله
الله يجعله امطار خير على البلاد يارب


up 5 down 3
بومااجد 83
قبل 4 سنه و 4 شهر



جزاك الله خير على الموضوع
أساسً ليش تغبر خلق الله؟ تخيل واحد ماشي ولا سيارة جنبك تعدمها
مرة صارتي واحد معه رانجلر داعس و عدم لي القزاز و ربي ستر ما كنت قادر أشوف شيء من الطين و الوصخ
ما ودي أتشمت و أقول يستاهل لكن الله يعوضه
+
فيه نقطة لاحظتها أن وقت نزول المطر أغلب السيارات يشغلون الفلشر و يمشون و هذا خطأ
ألي وراك ما راح يعرف لو صار توقف مفاجئ ولا شيء يستدعي الفلشر و مرة صار حادث قدامي بسبب هالحركة وقت الأمطار
راعي النترا ماشي و مشغل الفلشر و فجأة فرمل أظن شاف بركة ولا شيء و ألي وراه خبط فيه
فقط شغل النور العالي و أمش على مهلك و الله الحامي


up 5 down 6
عبدالله خالد 19 367
قبل 4 سنه و 4 شهر



الحقيقة أستغرب من شخص يروح مغسلة السيارات يغبر سيارته هههه
لكن الأغرب الي يمشي عند كفر الشاحنة

كل الأملاح والأوساخ المتجمعة على الطريق من شهور تنتقل لسيارة المسكين، وبالتأكيد تسبب مع الوقت تكون الصدأ وجفاف الجلد


up 1 down 1
anosi 1428
قبل 4 سنه و 4 شهر



ياكرهي للنوعية ذي ماتو اللي يغبرون مدري وين الفله بالموضوع اذا وصخت سيارتي !


up 2 down 1
abdulaziz bin ateeq 316
قبل 4 سنه و 4 شهر



بارك الله فيكم على الردود الجميله. 

وصحيح. وين الفله والمتعه من التغبير خلف السيارات 

هذي وسخ  اوساخ من الطريق. زيوت وشحوم. وبلاوي 

كلها تتجمع على بودي السياره. وتعدم عليك اللون 

ياتصدي مع طول المده. او المياه تقطع الجلد. 

وتبدا تسمع اصوات قربعه وبلاوي. 

وبالنسبه للفلشر. اشوفه افضل انك تشغل الفلشر وقت الامطار 

وتكون ماشي على مهل. والي وراك بينتبه. لانه 

معروف الفلشر. تشغله اذا فيه شي. حادث. او تفتيش 

او امطار وتجمع المياه. يعني تنبيه للي خلفك ينتبه لان 

الفلشر هو لتنبيه. 

وبعضهم يشغله ويمشي ١٦٠وقت الامطار. وش استفاد 

غبر على الناس وسبب حوادث. الله المستعان. 




up 0 down 2
سبحان الرازق سبحانه 2512
قبل 4 سنه و 4 شهر



الله يجعله امطار خير وبركة


up 1 down 1
بايع الدنيا 66 1472
قبل 4 سنه و 4 شهر



اللهم امين.       


up 1 down 1
سبحان الرازق سبحانه 2512
قبل 4 سنه و 4 شهر



خلها على ربك ، 


up 3 down 2
abod7617 -1
قبل 4 سنه و 4 شهر



الله يسترها علينا وعليكم جميعا .. وقت المطر لابد من المشي الهادي ولا يتعدى 60 في افضل الاحوال لضعف التحكم في السيارة .. انا دايما اشغل الفلاشر بشوف انها مناسبة لو الرؤية ضعيفة ولا اعلم الصح علميا .. موضوع مهم في وقت الامطار جعلها الله امطار خير وبركة


up 2 down 1
احمد محمد العمراني 246
قبل 4 سنه و 4 شهر



سؤال محيرني، موضوع جميل وردود جميلة .. من يعطيها دسلايك، على اي اساس، هي ما بتفرق لكن الامانة في كل شئ يا شباب اللي يوفقكم


up 1 down 2
احمد محمد العمراني 246
قبل 4 سنه و 4 شهر



جزاك الله خير ياراعي الموضوع نصائح مهمه
بالنسبه لااخي عبدالله خالد 19 بالعطكس الفلشر مهم وقت الامطار للتنبيه طبعا لتنبيه السيارات انك مهدي وثاني شي تشوف السيارات وقت المطر الغزير احيان اللمبات الخلفيه ماتشوفها عكس الفلشر وشي طبيعي سياره قدامك مشغل الفلشر هدي وخل بينك وبينه مسافه


up 0 down 1
كارينو 572
قبل 4 سنه و 4 شهر



تعديل بالعطكس ** بالعكس


up 1 down 0
كارينو 572
قبل 4 سنه و 4 شهر



انا اؤل كنت كذا اغبر لين مرة لفيت بوجه واحد مسرع لاكن الله ستر وتصرف الرجال... والا كان برؤح فيها انا لاني سيارتي اسكنت وهو جمس ومره على ربع اغبر ورى تريله خلاط اسمنت شويات وربك ستر... وتوبه اسؤي الحركه ذي واسبب حوادث علشان تغبيره الكبوت ههه... لايك :)


up 1 down 0
شليويح الرشيدي 59
قبل 4 سنه و 4 شهر



اما اللي يقول تشغل العالي وقت المطر
مايعميك الا هالاشكال
يابو امش زين وطف الفلشر السحابه او الغيمه موب على موترك بس
على العالم كلها يعني لا جاء قدامك خطر وشلون ادري وانت مشغل الفلشر من اليوم

وبعضهم لعانه لاجاء بركه مويه رش على اللي جنبه ترى ان كنت مسلم دينك ينهاك عن اذيه الخلق



up 0 down 1
khaled3224 285
قبل 4 سنه و 4 شهر



خالد3224

هذا قصدي الفلشر للتوقف المفاجئ و الضرورة و لتنبيه السائق خلفك بشيء عاجل
بعضهم وقت الامطار من أول قطرة لين أخر قطرة يشغله
لو جاء قدامك خطر مثل واحد طاح ولا فرملة مفاجئة أو زحمة شديدة و أنت مسرع أو بركة و حفرة عميقة كيف أعرف؟
هذا مقصدي
لأني أنا بنفسي شفت حادث لهذا السبب و المتضرر قال نفس كلامي "شلون أعرف و أنك فاكه من بداية الخط" و قلب هواش عند نجم
يكفي تشغيل الأضواء الخلفية و أضواء الضباب الخلفية و الأمامية و المساحات على أعلى سرعة في حال كان المطر شديد


up 1 down 0
عبدالله خالد 19 367
قبل 4 سنه و 4 شهر