يااخوان ابي اطلع رخصة ومو قادر

ماذكرت لنا نوع الاعاقه ومن ايش تعاني...والله يشفيك

عندي شلل نصفي
اعاني من مواعيد المستشفى وكل دكتور يطلع لي بشي كانهم متاونين علي عشان مااسوق

اذا ماطلعوا لك المستشفيات شوف لك واسطه

مااعرف واسطة

سوي لك اعلان في حراج انك تبي واسطه بمقابل مادي وعلمنا وش يصير معك

باذن الله

اخي الكريم أسأل الله لك الشفاء العاجل والتسهيل في جميع أمورك والجميع يارب
لاتطلب العباد ورب العباد موجود
الله عزوجل عدل لايظلم أحداً أدع الله بحاجتك ولن يردك وأنتبه تدخل في أمور إخراج الرخصة لك بمقابل مادي 
توكل على الله ولن يخيّبك

اسأل الله العظيم ان ييسر امرك

اذا ب امكانك تغير المدينه الي بطلع منها الرخصه يكون افضل


وابعد عن المدن الكبيره بتكون زحمه وقلق... اذا انت في الشرقيه عليك ب بيقيق مافيه زحمه...


او

اذا مقبول الفحص الطبي من مستشفى اهلي خلص منه وريح راسك

الله ييسر لك امرك ويسمح دربك ويبلغك مقصدك

ونسأل الله ان يعيننا على قضاء حوائجنا

واوصيك بالدعاء اخي ان الله ييسر امورك

اخوي اولا اسأل الله العلي العضيم رب العرش الكريم ان يشفيك
ويعافيك ويعينك ثانيا فيه طريقه جربتها وشفت لها اثر عجيب
تيسير الامور الا وهي الصدقه بنية تيسير الامر خويي قرر الدكتور
على زوجته انها لاتستطيع الانجاب وقعد 3سنوات لم يرزق باحد
وسوى الطريقه ذي يقول والله ماككملت شهر الا وسايق الله
لي عجوز شلتها مشوار من النقل الجماعي وتدلني على معالجه
شعبيه واروح لها وتعالج المره وهلحين معه طفلين ماشاء الله
الشي الثالث لاتيأس وراجعهم ولاتمل واتمنى من الاخوان الي يستطيع
يشفع لرجال شفاعه حسنه انه مايقصر معه

حياك
وكان الله بعونك 
شفت سيارة عليها رسم اشارة كرسي من ذو الااحتيجات الخاصة
طبعا مرسومة علا الزجاج الخلفي وهي من نوع فورد 
واللي يسوقها من ذو الااحتيجات الخاصة وهي مصممه له
بس لزم معه احد ينزل له الكرسي 
واذا ماتبي معك احد يلزمك سيارة فيها جهاز يقرب لك الكرسي
واحييي فيك الروح الطموحة 
واسال الله لك التوفيق