أضف سؤال أو موضوع جديد          

أيهم أريح الموهافي أم الفورتشنر؟

up 2 down 2
ابوفراس19 -7
قبل سنه و 10 شهر



بسم الله الرحمن الرحيم

السلام عليكم ورحمة الله وبركاته،،،

بإذن الله عزمت على شراء سيارة 4*4، لكن احترت بين الموهافي والفورتشنر.

* النقطة الأهم بالنسبة لي هي العزل والمركب المريح بسبب الجلوس الطويل في السيارة بسبب الزحمات.

وأشكر الأعضاء والقائمين على المنتدى،،،








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الفورتشنر لا عزل ولا راحه ولا رساوة ولا امان

بس حلاوتها بالبر


up 5 down 4
معالم التقنية 158
قبل سنه و 10 شهر



الفورنشر فالخط سيئ جدا 


up 7 down 1
hack1 2916
قبل سنه و 10 شهر



الموهافي لا يقارن ب الفورشنر




up 2 down 2
الشبح لقطع الغيار 75
قبل سنه و 10 شهر



مافهمنا عليك يالشبح لا يقارن لأنه أفضل منه مستوى أو أقل أو بسبب اختلاف الفئة؟


up 1 down 1
ابوفراس19 -7
قبل سنه و 10 شهر



اختلاف الفئة طبعا


up 1 down 2
معالم التقنية 158
قبل سنه و 10 شهر



الموهاف 2017 في تغييرات خفيفة بالداخلية
لكن نفس المكيتة و القير V6  حجم 3800
و ب89 بمعارض الشرقية
اما فورشنر اربع سلندر بدون دبل ب95 !!!
و افضل صرفية من الباحيرو و اريح منه
لكن مهو باريح من جيوب الكروس اوفر و الامريكي
لكن للبر افضل منهم الفورشنر ز اللي مثله ارتفاعه يساعده في البر فقط


up 1 down 1
1405-1985 1383
قبل سنه و 10 شهر



الموهافي شكله قبيح جدا ولايستاهل سعره


up 4 down 11
سند10 1158
قبل سنه و 10 شهر



الموهافي اريح من الفورشنر ولو أخذت فل كامل فيه مواصفات جميلة وجبار 
والموهلفي سيارة أثبتت جودتها كان معنا واحد موديل ٢٠١٢ بعناه وهو ماشي ١٢٠ الف ومازال الى اليوم مع الشخص اللي بعناه له 
ما واجهنا فيه اي مشاكل الا شوي قاسي بس يبقى اريح من الفورشنر 


up 6 down 2
mohammed shareef 789
قبل سنه و 10 شهر



أخذ اهلي مشاوير بدراجة ولا اشتري فورشنر
مع احترامي لملاكها سيارة تحصد ارواح راكبيها
لو بس بغيت تتجاوز شخص وجاك تيار هواء انقلبت
لا مواصفات لا أمان لا سعر لا شكل لا رساوة لا راحة
لا لا لا لا ....
موهافي بدون تفكيييييييير


up 12 down 8
متسوق جدة 107
قبل سنه و 10 شهر



البرادو اخو الفورشنر و يتفوق عليه سعريا و رغبة و مع الوالد واحد
كم مرة مسكت به خط فاشل للغاية 
مرة رحنا من المدينة لبدر الى ينبع ثم املج الوجه 
الله لا يعيدها من يوم كان مطر و الهواء قوي 
والله وقتها اعدي 120 تنفح السيارة كنها سيكل 
حلاتها المكدة و الصبر 
خط فاشلة فاشلة فاشلة


up 1 down 3
rraammooss 900
قبل سنه و 10 شهر



ماقصروا الشباب بالردود
بس وجهة نظري
الموهافي كوري .. هل فكرت انك تلتفت للهيونداي .. طبعا بحكم انك شفت كيا جرب هيونداي
وعطي نفسك خيارات كثيرة للسيارات وسوي مفاضلة
بالنسبة لي أستبعد الفورتشينر بسبب مبالغة بالسعر وغير مريح أبدا بحكم تجربتي القديمة والجديدة لسيارة أخوي
اما الكوري يوم عن يوم وسنه عن سنه يثبت انه بالسوق ماله منازع , اقتصادي وسعر منافس ومواصفات جميلة خصوصا الفئة الفل

بالنسبة للخيارات أنا أرشح لك
1- موهافي
2- هيونداي سنتافيه (قراند) - يجي أكبر من السنتافيه العادي وماكينة قوية جدا
3- جيب فورد إيدج الجديد .. جميل جدا
4- جيب ميتسوبيشي .. بالسعر هذا تحصل فل كامل المواصفات



up 1 down 2
الاحترافي 1108
قبل سنه و 10 شهر



الايدج جميل جدا وانصحك فيه وهنا في واحد هاوي الأيدج

اعتقد اسمه احمد ال الشيخ


up 2 down 1
الشبح لقطع الغيار 75
قبل سنه و 10 شهر



انت مثل الي يقول هايلكس ولا كامري

كل واحد من فئة

الفورتشنر للبر...لذلك قاسي بسبب انظمة البر والدفرنس
والموهافي ما اعرفه..لكنه ليس مخصص للبر ونازل مره..للمدينة يعني اريح

استخداماتك هي الي تحدد سياراتك

كم عدد العائلة
هل تمسك خطوط
هل ترغب في البيع قريب ولا بعيد
حالتك المادية وهذي مهمه
حالتك الصحية والجسمية...هل معك الم في الظهر او في الركب
طولك ووزنك

نصيحه ادرس وضعك..وحدد سيارتك...يصفي معك 4او 5 سيارات بعدها جربها واستشير 
واعلم ان الناس لن يتفقوا ع سيارة معينه...


up 3 down 1
salih-m 369
قبل سنه و 10 شهر



بعض الردود تنم عن جهل الباترول مخصص للبر ومع

ذلك أنعم من الاكورد والمازدا


up 1 down 4
ابوفراس19 -7
قبل سنه و 10 شهر



يا صاحب الوضوع اولا الله يتمم عليك بخير وكل الاعضاء ويعطيك خيرها ويكفيك شرها لكن اذا وصلت للقيمة هذي ياليت تضيف معهم الباترول الفتك مسوين عليه عرض العيسى عرض قوي وهو معروف ما يحتاج مدح قوي ومريح بالخط لكن خذا تماتيك اذا انت بالرياض واستعمالك بالديرة اكثر لانه اقل صرفيه من العادي واريح وافضل بالخطوط الطويله انا معي فتك اروح عليه مكة الطايف المدينة الرياض ولله الحمد وفيه عندك الباجيرو مكينه 3800 الفل ياباني وممتاز وسعره حلو واستخير والله يوفقك


up 0 down 3
ابو علي 1 1009
قبل سنه و 9 شهر



تبي تروح فلوسه حرق بنزين ههههه


up 1 down 1
1405-1985 1383
قبل سنه و 9 شهر