ابي اشتري سيارة بس غشيم

لو تقدر خذ معاك واحد فاهم بالسيارات

طيب أخوي اكتب منطقتك وين يمكن أحد يقدر يساعدك ويروح معك وترى فيه ناس هذه شغلتها مقابل سعي

خذ معاك واحد فاهم لانك مو كل سياره تاخذها تفحصها وتخسر 500 ريال على الفاضي لو في واحد فاهم يعطيك راي بناء عليه تروح تفحص

اذا انت في الرياض افضل مراكز الفحص البريدي وكارتك والغروب حتى لو اشتريت من معارض الشفا ماانصحك تفحص هناك خذ الموتر وروح عند معارض
النسيم وافحص في هاذي الفروع الي ذكرتها لك والله يرزقك

اول شي حط في بالك ان اغلب الشريطيه كذابين نصابين
لا تصدقهم مهما حلف لك
وخذ معك واحد فاهم في السيارات
وافحص الاشياء الاساسيه المهمه
وبأذن الله تكون امورك تمام

لو اعرف احد من ماكان كتبت موضوع
انا الباحة فيمكن اشتري من مدن قريبة مثل جده او مكه او الطائف فقط

حبيبي 

فحص الكمبيوتر بعد مااكتشفت كله كلام فاضي 

مايفحص الا الاشياء الكهربائيه 

اما الميكانيكية ماتطلع في الفحص. 

ونسبة المكينه. لو تغير بواجي وبطاريه 

راح تطلع بالفحص نسبة المكينه90%

مثلًًًً.  

لاكن. حاول انك تشوف لك ميكانيكي. تودي له السياره 

الي بتشتري يفحصها. فحص نظري. ويطلع يجربها 

فحص الكمبيوتر. كله. كهربه. اذا فيها مشكله 

كهربه تطلع بالفحص. 

وبعض المحلات يطلعون يجربون السياره. وبعضهم 

يكتفي بالفحص. فقط 

روح للمدن الكبيرة لان مراكز الفحص فيها افضل
مثلا : انت في جدة اسال هنا بالنت وبالبلد عن افضل واشهر مكان فحص اذا شفت اكثر الناس تمدحه ومركز كبير ومعروف فشبه مستحيل يغشك لانه بيحافظ على سمعته ماتسواله العمولة البسيطة من الشريطي النصاب (الله يبعدك عنهم)
وافحص (قير ماكينة ودفرنس) + كميبوتر الفحص ولو مكانك ماهتم بفحص اذا كانت السيارة مرشوشة لان سهل تعرف اذا هي مرشوشة ولا لا وتقدر تنزل لها صور من موقع حراج والخبرا بيقولونك اضافة الى ان اغلب السيارات المستخدمة مرشوشة
خذ الورقة من الفحص وسعر الاضرار وشف اذا مبلغ التصليح معقول ولا لا وان شاء الله تحصل موتر مايحتاج لأي تصليح

كان الله في عونك والشباب مايقصرون معك لو انك بالشرقيه خدمناك لوجه الله

في عضو  هنا اسمه الرفاعي من الباحه -  أمين وخدوم تواصل معه وان شاء الله يفيدك

حياك
طلبت النصيحة 
اول شي المحركات ميكانيكي يشيك عليها من والى
باالنسبه للبدي جهاز كاشف السمكرة ماعليه كلام
باالنسبه للشاص والكمر لزم سمكري يشيك عليها
وانتبه الي لمبه الاارباق 
وباالتوفيق

يا غالي ما دام انك غشيم مثلي اشتر جديد وريح راسك

خلك في الجديد وريح راسك

الشغلة ماهي بذيك الصعوبة مثل فحص العضلات والتهريب والرش واليوتيوب مليان لطرق الكشف (المبدئية)على السيارة لابد تعتمدعلى نفسك

بعدها خذ السياره للفحص وتاكد انه يطلع يجرب السياره لان هاذي فادتني وطلع لي خرابات ميكانيكية مكلفة

حماده عزو

انت ايش عرفك بحالة الرجال ووضعه المادي هل يقدر عالجديد ولا لا ؟؟

من كلامه بالسطر الاخير انه يادوب مجمع مبلغ على قده ويبي سيارة

ولا كان اشترى جديد وما نزل الموضوع !

ما مثل الجديد
مااحد يسلم من الغش حتى الشريطيه انفسهم
يارجل بعض الاعطال ماتظهر الا بعد استخدام لفترة طويله
ولاتبين في الفحص لان
الكمبيوتر مايعطيك المشاكل الا الين تولع لمبة المكينه ويحدد لك الخلل
احيانا بالسياره مشكله ولاتولع
غير عن احترافيه الحراميه وغير عن السيارات اللي قل عمرها الافتراضي وقطع غيارها
فالفرق بين الجديد والقديم بتدفعه قطع غيار

نصيحة اخ انمرغ بالمستخدم
انتبه من الشريطيه لاتصدق كلامهم المعسول والحلف
ما اعمم لاكن شغل السيارات متعب جدا والنصب مليان لان المكاسب كبيره والخساير اكبر
يعني ياتاكل او توووووكل

انصحك والاخوان ماقصرو
١) لاتفحص عند بتاع الكمبيوتر الا اذا مكان مشهور وكبير ويفحص لك الموتر برواقه وهدوء
2) اذا ماحصلت مركز مشهور
لاتقرب فحص المعارض يتعلمون ولاتعلموو
وهمه يمشيك علشان يقدم اللي بعدك
ويفر موتر ك وهو يركض
****
اذهب للميكانيكيه او ورشات كبيره فيها مكيانيكي يفحص لك الموتر لانه يعرف المكينه من صوتها ورئحة ك بونها هل فيها حرق
وبعدها شف لك سمكري يفحص بدي
ولايكلفك اما كمبيوتر خربطيط

حنا فحصنا لكزس460 عند ورشه كبيره ميكانيكا صح رفعوها وجربوها
وبعدها مركز سمكره
ومرفق وتركد لاتصدق احد

طيب يا اخوان دلوني على ميكانيكي ممتاز بجدة اهم شئ المكينة والجربكس مو مهم البدي والكهربه لا ن السيارة اللي بشتريها موديل قديم يعني مو مهم الكهربه ولا البدي اهم شئ الميكانيكا