وش الحل للمشكلة

للمعلومية السيارة موديل٢٠٠٦

بالنسبة للمبه المكينة اذا كانت والعه دائماً افصل البطارية ربع ساعه واذا ما زالت تأكد من الحساسات مثل حساس المكينة او الشكمان وتراه بسيط جدا ولا يأثر 

وبالنسبة لعداد البنزين شيك على طرمبة البنزين وعلى العوامه

بالنسبه للبنزين شيك على غطاء البنزين ..صارت معي غير كل شي في الاخر طلع غطا البنزين ..تقبل مروري

كيف عزم السيارة ؟؟
اذا مختلف
شوف البواجي

شوف اخوي حصلت معااي نفس المشكلة بالضبط كانك تشرح حالتي قبل حوالي شهرين وطلعت المشكلة بجهاز الافلوميتر لكن انا سيارتي بي ام .. هذا الجهاز تقريبا يعادل حساس الهواء او ما يسمى اير ماس وهذا للاسف التنظيف غير مجدي معاه يعني اذا نظفته ممكن يضبط كم يوم ويرجع مرة ثاني وممكن يضبط سنة كاملة وممكن ما يضبط نهائيا والحل الافضل علشان ما تخسر على الفاضي هو انك تفحص كمبيوتر ... اتمنى اكون افدتك وتقبل تحيايي ...

هلابك 
بالنسبة للمشكلة  إذا الموتر شغال تمام , أقرب مركز فحص كمبيوتر يعلمك جميع المشاكل المكنيكية في السيارة .

هذا والله أعلم .

بخصوص لمبة المكينه / دام السيارهـ موديلها 2006 فالكمبيوتر بيطلع المشكله , 
والمشكله المتوقعه حساس لمبة الانجن / يمكن انت مغسل السياره بستم او اخذت مطب قوي وتحرك الحساس وانفصل , 

وبخصوص ريحة البنزين هذي اتوقع والله اعلم في جلد تكون بنفس التآنكي , او ليات البنزين , 

انت لاتصلح شي غير وانت متأكد , انا اعطيك حلول قد مرت علي والمطلوب منك لارجت اي ورشه تقول له اكشف لي ع ليات البنزين 
ولاتهملها لانها مهمه 

وعلمنا وش يصير معك عشان تسفيد ويستفيدون الاخوان

غطاء البنزين صارت معي وعلى شان تتاكد حط كيسه على الغطاء وجربها كم يوم اذا راحت فيه من الغطاء وغيرة اذا ماراحت مدري صراحة بس افحصه