اليوم الوطني - بـين الماضي والحآضر
22
3
إضغط هنا للإخفاء
يآجمآعه بتكلم بالعآميه ..
لو نسترجع الماضي ونشوف حالنا اليوم في يوم المملكه الوطني !
زمآن على ايامنا كان اليوم الوطني - برامج اذاعيه ب طابور الصباح بالمدرسه ,
وحفله بسيطه بمسرح المدرسه يعلومنا تاريخ المملكه .. الخ
وبعدها - نروح للفصول وكل طالب جايب معه شي من البيت والوالده عندي الله يحفظها لي ويحفظ لكم امهاتكم ,
تعطيني خبزه ههههههه مامعي غيرها
ونقرب الطاولات مع بعض ونفرش سفرنآ .. وبسم الله نآكل
ولاخلصنا نظفنا الفصل ... ونبدأ اليوم الدراسي بدون أول حصتين لانها راحت فداء لليوم الوطني ,
وبالحاضر !
الله المُستعان ,
اجازات .. طبعا جعلها طول السنه الاجازه مافي مُشكله ,
لكن تبعات الاجازه والاحتفالات الي نشوفها .. تفحيط .. تحرش .. سرقات .. تكسير .. تخريب .. رقص .. وتمايع .. وبنات ماندري اهاليهم وينهم عنهم بوسط الاسواق وغنج وقلة حيا ورب الكعبه
وصار فيه اوبريتات واحتفالات وكل شي ممنوع يصير باليوم هذا مسمووووح تحت مظلة ( فرحة الشعب )
ليه يا اخوان اليوم هذا مايكون يوم وفاء وولاء للمملكه والملك بس بطرق ثانيه بعيده عن النفاق !
يوم تكون فيه مكاتب المسؤولين مفتوحه وإستقبال المواطنين والاستماع لشكاويهم
يوم تكون فيه الجمعيات الخيريه تجول بالاحياء الفقيره
يوم تكون فيه المكارم الملكيه تبحث عن المُحتاجين
يوم تكون فيه زيارات بدون ترتيب للمرضى من قبل المسؤولين والشعب .. مافيها مشكله ,
يوم تكون فيه خطب بالمساجد للكلام عن حب الوطن والملك .. ( مثل خطبة يوم الجمعه بالمسجد الي انا فيه )
يوم تكون فيه تبرعاتنا للدول المحتاجه على مقياس لها .. عشان يحسون ان قبلة المُسلمين شعبها معهم قلبآ وقآلبآ ..
-- -- -- -
بدل الرقص وقلة الحيا الي تصير !
ويكون شعار اليوم الوطني ( مادامت الامه الاسلاميه بخير فـ مركز هذهـ الامه بخير )
والله الاغاني والمسارح الي تفتح والاوبريتات ماتجلب للنفس غير الهم والغم
ومايستغل اليوم هذا غلط إلآ المكبوتين نفسيآ
----
اقتباس :
الفقرآء
يؤمنون بأن ذكرى التوحيد مخصصة للفرح ولكن من يضمد جراحهم هم ؟
ولماذا الضمان الاجتماعي لايكفيهم لسد حاجياتهم في وسط غلاء اسعار شديد
يجب احياء حب الوطن في المواطنين من خلال ايصال صوتهم ومن الانانية ان يفرح البعض والبعض يتألم ..
يجب ان نتذكر باليوم الوطني
قول الله تعالى
(وأوفوا الكيل إذا كلتم وزنوا بالقسطاس المستقيم ذلك خير وأحسن تأويلا)
الملك لو يدري ان شعبه فيه نسبة فقر كبيرهـ مآتردد لحظه لإنتشالهم
لكن البطانه هي السبب الله يمحقهم
---
اخيرآ :
انا مابدخل في حكم اليوم الوطني لانه معروف شرعا ومافيه جدل بإنه ( مُحرم ) لانه يعتبر عيد حتى لو اختلف الاسم ,
لكن الي صاير باليوم هذا مهزله لأبعد ححححححد
مقطتفات سريعه من وحي الخيال .. وكل تصريح سأقاطعه بسؤال :
صرح وزير التعليم ...
قبل تكمل تصريحك ياطويل العمر مدري يامعالي الوزير أيهما أحب لقلبك.
كم نسبة المدارس المستأجرة في هذا الوطن؟؟
هل المناهج تغيرت منذ 30 عام وهل هي توازي التطور الهائل في العالم؟؟
----
صرح وزير الصحة بافتخاره بمثل هذا اليوم الذي يتذكر فيه المواطن علاقته بالوطن
وقال في الذكرى ال82 ......................!!!
ياوزير قبل تكمل تصريحك كم مستشفى تخصصي في البلد ؟؟
كم حجم الأخطاء الطبية في وزارتك؟؟
هل ستطبقون مبدأ ثلاجة الخضار بدل ثلاجة الموتى على مستوى المملكة؟؟؟
هل لديكم أسرة تكفي بحاجة نصف المواطنين وليس جلهم؟؟؟
---------------------
ولكم القياس على جميع الوزرآء ..
اعتذر ع الاطاله ولو فيه غلط بالتعبير او الكلام ياليت تبلغوني .. هو كلام كان براسي وكتبته لكم
ختاماً ..
اسئل الله ان يصلح حال هذي الأمة وان يشفيها وأن يحمي هذا الوطن ويصلح حال ولاة امورنا ويصلح حال كل المسلمين ..
إبلاغ
الردود
والواقع زي ماهوا يعني مايفرق معانا شي الله المستعان والله يهدي عباده
0
0
انا ذكرت في كلامي إن خطيب المسجد تكلم عن الرسول صلى الله عليه وسلم وحبه لمكه ووطنه ,
وايضا ذكرت لك انه ذكر لنا قصص للصحابه رضوان الله عليهم لحب الاوطان
وباخر جزء بالخطبه تكلم عن حب الوطن لنا كشعب سعودي وان دولتنا تعتبر قبلة المسلمين ,
والمنابر وانا اخوك مافيها مشكله لو ذكر فيها الولاء والطاعه للوطن والملك ,
عموما وانا اخوك انا مالي حق افتي لك بامور الدين لاني لست مخول بذلك وماعندي من العلم الكثير للرد في مايخص ان المساجد وضعت
لذكر الله ,
اتمنى موضوعي اعجبك ,
ووفقك الله تعالى
قبل 11 سنه و 6 شهر