هل اسعار السيارات نازلة ؟

للأسف الي بالموقع يبالغون...يحط الاعلان ويقول ان ماجابت لي ماضرني كلها ضغطت زر

وهذا يهون عند الي يسوم بسومه عالية ولا يكون ناوي بس يخرب ع خلق الله
وصاحب الاعلان مصدق

المهم السيارات نازله...الوكالة جديدة نازله اسعارها

ب22 الف خذ فورد موديل 2004 بس دور النظيف وافحص ولاتستعجل

شف لك موتر اقتصادي و عملي بالصيانة و قطع الغيار
و يفضل اخر 5 موديلات حسب النظافة
 المستعمل بحر اذا ما تعرف تغوص فيه شف احد اكثر خبرة
يروح معك و يفحص و تستفيد من خبرته

شكرا يا اخوان
ننتظر آراء أهل الخبرة

انتظر الى نهاية الشهر بتغير الاسعار باذن الله ابتداءا من نهاية الشهر الحالي بعد اجتماع البنك المركزي الامريكي حول سياسة الصرف

والمنتظره الاسبوع القادم

نصيحه انتظر

الاسعار لازالت غالية سواء هنا او بالمعارض من واقع تجربة

بالمبلغ هذا تلاقي اكسنت 2013 نظيف.

انزل الحراج وشف الطيحة بعينك

الاسعار بمواقع الانترنت غالبا ما تكون غير حقيقية و اغلى من الواقع . بعد الاتصال و المفاصلة تنزل اشوي

انتظر اسبوعين . الى نهاية السنة الميلاديه . اذ ماتغيرت شي . فاعرف ان خلاص راح تثبت عند هذا الحد

لانزول ولاطلعو ... الطلعو بالسيارات الجديده عشان القيمة الضريبية.يعني مثلآ الموتر بي 100صافي . يصيرلك 115

وراح يصير الطلب على المستعمل أكثر

صني 2016 اصفار ب 30 من معرض عماد الدين

ارخص معرض في السعودية معرض عماد الدين بالرياض ولهم اعلانات في الموقع ابحث عنها

اذا ناوي على الشراء 
انزل المعارض فيه ناس بتبيع لك سريع سريع 
وبأسعار رائعه جدا 
بس افحص السياره بدي ومكينه وقير عند واحد 
تعرفه انت وبالتوفيق 

معارض الشفا حلوه ....بس الانظف في النسيم 
خذ لك فره هناك يومين وتتيسر امورك ان شاء الله 

نصيحتي لك
حاول تبعد عن حراج قد ما تقدر
٩٩،٩٪‏ من اللي يعلنون عن سياراتهم في حراج
تلقاه سبق و نزلها المعارض وما جابت له قيمة
و ينزلها في حراج بالسعر اللي يبغاه لأنه عارف فيه ناس بيشترون

عني أنا صار لي موقف شخصياً قبل سنة
قابلت واحد معه لكزس اي اس ٣٥٠ موديل ٢٠٠٧ أيامها جابت له في المعارض ٤١ ألف
وقفته و قلت كم طالب فيها قال ٦٠ قلت هذي قيمة ٢٠١٠
قال ما عندي مشكلة إذا ما جابتها هنا بنزلها موقع حراج و أصرفها ب ٧٠

بهذا السعر شوف لك 

- اكسنت

- صني 

- يارس

سيارات اقتصادية ورخيصة

والله كل شي بالبلد  طاير سعره والغلا ذبحنا وتنقيص الرواتب لم يحل مشاكل ارتفاع الاسعار الى الان والقادم اسوأ والله اعلم مافي شي يبشر بالخير 

السلام عليكم
اخوي اسعار السيارات في نزول شوف الجديد لا تنظر للمستعمل
الي بموقع حراج ثلاث اصناف
الاول جاي يبيع وهذا تلاقي سعره مناسب (وهذه الصنف قليل )
الثاني جاي يصيد وهذا شريطي ( لا ذمه ولا ضمير )فر منه فرارك من الاسد
والثالث جاي يشوف كم تجيب سيارته هذا يفقع مرارتك وهو يقول باقي

هههههههههه الله يعينك تبغا سياره كويسه عالخط لازم تدفع فلووس زياده 20 او 30 ماتسوي شي

يوم الجمعة الماضية اخذت لي فرة في معارض الشفا بالرياض لقيت المستخدم برضو اسعارو نازله وفي سيارات معينة كنت اسأل عليها لقيت فرق بين الان وقبل 6 شهور

يا فارس وش 20 ولا 30 ما اسوي شيء ليش يا اخوي بشتري آخر موديل

اللحين تقولون السيارات نازلة و بعضكم يحاول يرفع اسعارها

ما عاد عرفنا