استفسار عن تجديد الاستمارة عند البيع

جدد عن طريق ابشر وافحص بنفسك بعدين رح بيع افضل لك

الفحص ضروري . لاكن التجديد تقدر تجدد وانت واقف بخمسين ريال اذا ماعندك خبره بالتجديد . 

نصابين ذولي التجديد ع البائع نظاما وعرفا


اشتري شيء جاهز مفحوص ومجدد والا بتدخل في دوامه ورسوم لا لها اول ولا تالي

انا ابي ابيعها لكن التجديد راح يكلف التأمين غالي وما يسوى اامن وانا ببيعها

نصيه اشتر سياره جاهزة مفحوصه مجدده

كنت بشتري موتر مجدد فحص منتهي
تمرمط مرمطه علشان الفحص 

يحلف الرجال محركاته سلميه جيته من جدة وهو بالرياض

المكينه طلعت بدايه بوش
يقلي دخان حق البرد فحصت مكينتها عند كم واحد قال مبوشه قال ذولا نصابين 

والقير يطقطق والمساعد امامي يمين كامل يبغاله تغير مفقوع يخر زيت 
وعلبه دركسون تهرب

خسرت عليها ودخلتها الفحص مرتين رفضوها علشان الدخان

ومعي مايثبت
 

خسرت مايقارب٢٥٠٠خلال يومين سكن ومصاريف والسياره

نصيحه لاتشتري الا جاهزة

وفحص الرياض يشترطون صاحب السياره يحضر للفحص هذا اللي اخرني لليوم الثاني

والرجال قلت له عوضني باللي خسرته نفسي عافت الموتر 

وزين رجع لي نص ماخسرته


موديلها ٢٠٠٠ وارخص تامين لها٢٥٠٠ريال 

معليش فهمت الموضوع غلط


في حل لك اذا بتبيع والاستماره والفحص منتهيه


مكاتب الخدمات والمعقبين ينقلون لك ملكيه السياره بدون فحص و يجددون الاسماره اتعابهم تقريبا 1000 ريال وتتحمل عليها الرسوم

رسوم تطويف وتجديد الاستماره وتسدد مخالفتك اذا عليك مخالفات

انا شريت سياره فحص واستماره منتهيه بالرياض وسوينا مبايعه والمعرض عطاني خطاب تفويض للفحص وفحصت وامنت باسمي ودفعت رسوم تجديد للمرور وهو جدد ونقلنا الملكيه بدون مايحتاج يأمن صاحب السياره القديم 

الله يعطيكم العافية جميع
يا سيف انت طلعت بالسيارة لحالك وفحصتها ؟

اشرط التجديد ع المشتري وانتهينا

ومعروف التامين والنقل ع المشتري