أضف سؤال أو موضوع جديد          

الوكالة ترفض دخول السياره لمشكلة. كامري 2016

up 4 down 5
hossam.20016 -171
قبل 5 سنه و 5 شهر



السلام عليكم ورحمة الله وبركاته ياخوان قبل 4 أيام نزلت موضوع عن قربع ديكور قير الكامري أصوات الله يعين رحت الوكالة قالو لازم تشييك كامل ع السياره وب 300 قلت له ع الضمان ليه ادفع

وش أفضل زيت ع 5000 الف غيرت من الوكالة 20 . 50 أبو 16 تويوتا ذهبي والآن غيرت زيت بترومين a1 30.5 ع 10 الف ع كم اغيره 8 الف ولا 10 الف في ناس يقولون ينقص زيت اذا انت حق سرعه أو سفر ؟ وسمعت أن كاسترول ماجناتك احسن ؟ ابغى احسن زيت وبغيره وأستمر عليه وهل اذا غيرت الزيت لزيت آخر يأثر ع المكينه أو الضمان ؟ ؟ ؟ ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياجل بالنسبه لزيوت (( 5w30 )) تجي درجتين

الاولى زيوت حاصله على اعتماد ديكسوس .. وهي 4 زيوت (( بترومين A1 + فوكس تيتان سوبر سن + اي سي ديلكو + موبيل 1 ))

تجي بعدها زيوت لم تحصل على اعتماد ديكسوس حتى الان لكنها تعتبر تخليقيه بالكامل ايضا وهي (( موتر كرافت + كاسترول ماجناتيك + شل هيليكس ..... الخ ))

كلامي يخص لزوجة 5w30 فقططط


up 2 down 0
ابو هيثم 7 2255
قبل 5 سنه و 5 شهر



اخوي سعود

كاسترول ايدج بالحقيقه لا علم عنه .. اما كاسترول ماجناتيك انا متأكد انه ماينزل بلزوجه 10w30 ابدا

ينزل بلزوجه 5w30 نوعين واحد لون الزيت اخضر والعلبه خضراء واسمه ماجناتيك بروفيشنال .. والثاني علبه خضراء لكن الزيت اصفر وهو ماجناتيك العادي .. ويوجد لزوجات اخرى للماجناتيك مثل 10w40

اما زيت موبيل 1 يجيك نوعين نوع مصري ونوع فرنسي والفرنسي غاااااااالي جدا ومن النادر تحصل كرتونه بأقل من 360 ريال وطبعا هو (( مصنوع للسيارات المعقدة ميكانيكا مثل البي ام والمرسيدس )) ماصنع للكوري او الياباني او حتى الامريكي

النوع الثاني الصناعه المصريه لايقربك فاشل جدا .. بالعكس ابقى على ايسيدلكو ارحم منه .. بس غريبه ماجربت موتر كرافت 5w30 حتى لو كان بدون اعتماد ديكسوس ؟


up 1 down 0
ابو هيثم 7 2255
قبل 5 سنه و 5 شهر



اخوي أبو هيثم شكرا الافاده طيب باقي الموضوع هو الأهم 

للأسف مافدتني بنوع زيت محدد هل استمر عليه أو لا 


up 1 down 3
hossam.20016 -171
قبل 5 سنه و 5 شهر



ابو هيثم عندك خلفيه كيف اعرف الفرق بين ماجناتيك الاخضر والاصفر وويش الافضل.
وهل الزيوت بشكل عام لها دخل في صوت المحرك لاني موتري احس صوته عالي وودي
اغير من موتوركرافت لين ماجناتيك .
ومشكور اخوي


up 1 down 0
الوااادعي11 285
قبل 5 سنه و 5 شهر



زيت بترومين a1 ممتاز وعن تجربه 
غيرته قبل امس والسياره تعدت 10 الاف كيلو لانقص ولاشي
ممشى سيارتي الحين 55 الف 
وكل تغيره زيت اغيرها مع السيفون والحمدلله الى الان تمام


up 1 down 0
ابوسلطان الزهراني 580
قبل 5 سنه و 5 شهر



اخوي الوادعي وابو سعود بحاول ارد عليكم بتعليق واحد لاني احس اننا خربنا موضوع الرجال ههههههههههههه لكن بختصرها لكم بجملة واحده ..(( دامكم بعيدين عن الزيوت المعبأة بدول عربيه مجاوره ترى اموركم بخير))

شل هيلكس يستورد من عمان .. كاسترول ماجناتيك اللي مزعجيننا فيه العالم مع ان جودته متوسطه ويعتبر زيت عادي مافيه ذاك الزود بالعكس يوجد افضل منه ؟ طبعا هالزيت يصنع بالامارات (( وللامانه تراه اخذ سمعه اكبر من حجمه بكثيررر )) .. وايضا عندك موبيل 1 يصنع بمصر

لا اقول هالكلام عنصريه او شي من هذا القبيل ؟ لكن قارن بين شل هيلكس السعودي وراد الجميح وبين شل هيلكس عمان الشبيه بالشحم على موترك واكتشف فرق الجوده بنفسك ..بالمقابل قارن بين موتر كرافت العلبه الحمراء اللي يعبأ بالسعوديه وبين العلبه السوداء اللي يعبأ بأمريكا لايوجد اي فرق بالجودة نهائيا .. لان السعوديه تطبق مواصفات عالية الجوده من ناحية تعبة وتصنيع الزيوت

عندك مثلا بترومين تابعه لشركه ارامكو وزيوتها تقنية امريكية .. وعندك فوكس تيتان سوبر سن تقنية المانية ويعبأ بجدة بمصانع وكيله الحمراني .. وعندك ايسيدلكو يعبأ بمصانع الوكيل بالبيد لكن للاسف هالزيت حاول تبعد عنه قدر الامكان لانه كثر فيه التقليد بالسوق (( وغالبا )) هالبضاعة المغشوشة تكون مستوردة من جارنا العزيز دولة الامارات سواء كانت زيوت او بطاريات او فلاتر او حتى مساحات ماركة ايسيديلكو .. (( للعلم زيت ايسديلكو تجي علبته سوداء لكنها نوعين ؟ واحد عليه لزقه حمراء وسعر الكرتون 160 ريال والثاني لزقه خضراء وهو اللي عليه اعتماد ديكسوس وماينزل عن 220 ريال

طبعا انا ماادري بأي مدينه ساكنين انتم ؟ لكن على العموم انصحكم ماتطلعون عن 3 زيوت وهي (( بترومين A1 وسعر الكرتون 265 ريال وهو الاشهر مابين الزيوت الثلاث والاكثر توفرا .. الزيت الثاني هو موتر كرافت سواء لزوجة 5w30 او 10w30 ولايهم كان تخليقي بالكامل او نصف تخليقي المهم انه تصنيف SN .. الزيت الثالث والاخير هو فوكس تيتان سوبر سن وسعر الكرتون 215 ريال وللامانة ترى احياننا يشطحوووون بسعره فوووق لانه نادر )) غير هالزيوت الثلاث لاتحتارون ولاتدورون غيرها بلزوجه 5w30

اما سؤالك اخوي الوادعي عن الفرق بين الماجناتيك العادي والبروفيشنال طبعا تحصل كلمه professional تحت كلمه ماجناتيك مباشرة .. لكن تبي نصيحتي خلك على موتر كرافت تراه احسن منه


up 1 down 0
ابو هيثم 7 2255
قبل 5 سنه و 5 شهر



اما بالنسبه لتخفيص صوت المكينه جرب بترومين A1 اللي معروف انه يقلل صوت المكينه ويزيد العزم ويخفض استهلاك البنزين (( طبعا فوكس تيتان مثله بالضبططط بس يوفر بنزين اكثر منه بنسبه 10% فقطط يعني مب ذاك الزود ))

طبعا العالم كانت تشكي من بترومين A1 فترة 6 شهور الاخيره من عام 2015 لانهم سحبو منه اعتماد ديكسوس بذاك الوقت وصار يرفع صوت المكينه لكن هالمشكله انتهت (( قبل سنه كاملة وصارت في طئ الكتمان )) وخلاص رجع لتصنيف ديكسوس ورجعت جودته وسمعته بالسوق كما كانت من قبل


up 0 down 0
ابو هيثم 7 2255
قبل 5 سنه و 5 شهر



ابو هيثم اللحين الزيوت التخليقية الكاملة تجي بس 5w30



up 0 down 0
ahmad akk 561
قبل 5 سنه و 5 شهر



اشتكهم لوزاره التجاره . يحق لك يفحصونها لك 4 مرات بعد كذا اذا استمر العطل يغيرون لك السياره ب اخرى


up 0 down 0
مهراس الزهراني 1338
قبل 5 سنه و 5 شهر



مشكور يابو هيثم الله يجزاك الجنه


up 0 down 0
الوااادعي11 285
قبل 5 سنه و 5 شهر