تنظيف الثروتل وفلتر الهواء

55 3

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 7 سنه و 4 شهر

السلام عليكم ورحمة الله وبركاته

صباح الخير على اعضاء منتدى حراج
اولا: اعتذر من الله ثم منكم على عدم المشاركه
في الفترة الي راحت بسبب انشغالي في العمل
ويعلم الله لو الود ودي انزل مواضيع واشارك معكم
بشكل مستمر

ثانيا : حبيت اطرح مشاركتين

الموضوع الاول عبارة عن تنظيف الثروتل للمرة الثانية
والموضوع الثاني عبارة عن تنضيف الفلتر الرياضي
وطبعا اول تجربة لي لتنظيف الفلتر
نبدأ بالثروتل /
الكل عارف مشاكل الثروتل
نضفته قبل سنه وممكن تذكرون موضوعي
ومشيت بعد مانظفته حول 55 الف ميل
يعني 88 الف كيلو
فقلت لابد من اعادة تنظيفه وايضا تنظيف حساس قربة الهواء
العدة جاهزة كاملة وايضا بخاخ الكترونيات يوجد بساكو
سعرة حول 40
بس انا شارية قبل سنه،،،،،

المهم بديت بفك اصابع البطارية وفك جميع الليات
الموصولة بالقربة وايضا الموصولة بالثروتل
بعدها فكيت الحساس وايضا الثروتل مسمارين فوق ومسمارين تحت
وبدينا بعملية التنضيف
لابد تبخ الثروتل من الجهتين وتمسح بمناديل
وكرر العملية 5 الى 7 مرات حتى ينضف
واتركه 10 دقايق وابدا بتركيبه
ايضا الحساس نظفه بالبخاخ واتركه ينشف 5 دقايق
الشغلة جدا بسيطه
والصور تشرح اكثر واكثر
بالنسبة للبرمجه اشبك الاصابع
وشغل الطبلون فقط دقيقتين وطف دقيقه وبعدها شغل
وخل الموتر شغال 10 دقايق
بعدها امسك خط ابو 10 كيلو وبكذا موترك تمام التمام

بالنسبة للفلتر الرياضي
يجي بداخلة ماده زيتية تمسك الاتربة والغبار والحشرات
واي شي تمنعه
عشان كذا لاتتعب حالك وتروح البنشري وتنفخه
لابد غسيل وتزيته
وتغسلة ببخاخ وزيت خاص فية
سعرة 90 ريال طبعا اشتريته من مكه
وانتبة تغسلة بفيري وتركبة ماينفع
طبعا ركبته قبل سنه وايضا نزلتلة موضوع قبل سنه
ومشيت علية فوق 60 الف كيلو بدون غسيل
اليكم الطريقه ؛::

تشتري علبته وتفك الفلتر وتبخ بالبخاخ الاول
تبخ من الجهتين وتعبي جميع الفراغات
وتتركه لمدة ربع ساعه
بعدها تنضفه بالموية حتى ينظف تماما
وبعدها خلة ينشف لمدة نص ساعه
وتاخذ علبة الزيت وترش الجهه الي تحت
الي يمر عليها الهواء
وتعبي جميع الفراغات بعدها اتركه نص ساعه
وركب الفلتر وبكذا انتهينا.
طبعا ياخوان العلبتين تكفي 3 غسلات للفلتر
والفلتر بطل افضل من فلتر الوكالة بمليون مرة
اليكم الصور كاملة مع الشرح
والشغلتين اخذت مني ساعتين فقط
وان شاءالله تستفيدون من الموضوع الاول والثاني
المعذرة طولنا عليكم اشكركم جميعا...

اخوكم ، الرفاعي33

إبلاغ

الردود