استفسار عن افضل ورشة توضيب بالرياض؟

ما انصحك بالتوظيب الحين ما فيه احد يوظب كويس .. فبذلك نصيحتي خذ مكينه من التشليح اضمن واحسن ويعطيك عليه ضمان شهر

ابو زياد التشليح مطلعه من راسي المكاين غاليه والمادة ماتسمح والموتر ماهو مخبط كامل فيه قطع سليمة ان شاء الله  وتوه مامشى 160 الف

في ورشة بشرق الرياض ممتازه
صناعية النسيم ادخل ذا االكود بقوقل ماب

24.752784, 46.836188

اسمه عبدالرحمن فلبيني
بس سعره غويلي شوي
ونظامه اذا شاف واحد
راعي مشاكل يصلخه
بسعر عشان يروح عنه هههههه
طبعا هو متخصص توظيب قيور فورد
واتوقع يعرف للمكاين اليابانيه جرب حظك
وشفه لان توظيب القير مثل المكينه تقريبا

طبعا مكانه يمكن ماهو واضح بالكود الي ارسلته لك
تعرف الصناعيه حوسه ورشه ببطن ورشه المهم جنبه ورشة سمكره
والورشه مليانه فلبينين

في ورشة شرق الرياض
اذا انت جاي بالدائري الشرقي ادخل مخرج 11 طريق عباد الرحمن الغافقي امسكه لين تجيك اخر اشارة رح يسار شارع بن وليد ثم يجيك السدحان على يمينك وخذ منه يمين بعدها تجيك اشارة تعداها وتجيك وحدة ثانية روح معها يسار على بيجيك شارع اسمو طريق الشيخ حسن بن حسين بن علي اول ما تدخل فيه رح تلاقي ورشة على الزاوية لحالها وقبلها مغسلة وكهربائي وبعدها غيار زيوت هي بينهم

للتصحيح شارع خالد بن وليد

عليك بتشليح الامارات او الكويت

الله يعطيكم العافيه ياشباب وبالنسبه للي يقول اطلع للامارات او الكويت لو اقدر طلعت وجبت مكينة بنص السعر لكن الشكوى لله

صناعية الشفا .. بعد المحطه اللي فيها صراف انماء 
تدخل يمين .. اتوقع الورشه العاشره عاليمين قبلها فيه شجره ولوحتها ازرق 
اسمه حسن جنسيته تركي وشعره طويل 
....
وضبت عنده جمس دينالي بسعر ارخص من السوق بكثير .. له اكثر من سنه والموتر زي الحلاوه 

يعطيك الف عافية اخوي