صرفية البنزين عالية

الاكسبلورر استهلاكه عالي للبنزين

كثير يشتكي

يالغالي فيه اكثر من 5 اسباب لزياده صرفيه البنزين

1/ عدم تغيير البواجي على ممشى معين يحدده الكتلوج

2/ عدم تنظيف دبات التلوث .. وهذي الشعب ساحب عليها بقووووة

3/ عدم تغيير حساس الاكسجين داخل الشكمان ( بعض السيارات يتغير والبعض يتنظف فقط )

4/ عدم تغيير صفايه البنزين ( وغالب السيارات على ممشى 100 الف لازم تغير )

5/ عدم تنظيف الثروتل .. خصوصا اللي يمسك خطوط بمنطقه فيها عج وسافي باستمرار اغلب ايام السنه ويسجب عليها لين يوصل 250 الف وهو مانظفها ابدددد ؟ يمكن ماينظفها الا اذا حصل تفته وتقطيع بالموتر

6/ عدم تغيير اسلاك البواجي والكويلات ( مب كل المواتر ) وهذي النقطه استثناء طبعا

طيب يجيك واحد ويقولك الله واكبر تبغاني اصلح كل ذا ؟؟؟؟ يارجل هذي قطع استهلاكيه مثلها مثل الفحمات وانت موترك 2006 او 2008 له حوالي 8 او 10 سنين يكرف بالشوارع وماتبيه يطلب قطع استهلاكيه ؟ وكل هالامور الخمسه او السته اللي ذكرت لو سويتها مرة وحده بيطلع الحساب حوالي الف ريال.. ولو حسبتها اثرك تدفع فرق صرفية البنزين عن المواتر اللي مثل موترك الف ريال كل شهرين او ثلاثة

اشكرك على المعلومه القيمه يا ابو هيثم
بارك الله فيك

جرب منظف البخاخات اللي تعبيه مع البنزين فالتانكي تلاقيه عند محلات قطع غيار الفورد

للاسف يلعبون عليك السباكين الي بالورش
السياراه تعتبر جديده يعني فيها انظمه وكمبيوتر
وحساسات تعلمك بالطبلون اذا مافيها اي علامه
بالطبلون يعني السياره سليمه
ومعدل استهلاك الوقود اشوفه طبيعي
لان عندي بالاكسبلورر نفس الشئ
لو تعيد برمجتها افضل عشان تحسب
من جديد بعد التغييرات الي سويتها
وامش عليها بشويش ولا تدعس لها
عشان تعطيك قراءه للاستهلاك
اقل من 20
بس اول ماتبرمجها راح يصقع
الرقم فوق بس ماعليك منه
مع الوقت يعطيك القراه الصحيحه
على حسب دعستك يعني خفف دعستك
كم يوم

الله يبارك لك فيها ويعطيك خيرها ويكفيك شرها .. رأي يا غالي انك تطول بالك شوية وتحسب الصرفية الواقعية، تفول التانكي وتمشي بيها عادي في المدينة 300 كيلو وترجع تفول التانكي وتحسب صرفية 300 كيلو، والافضل تحسب كمان الصرفية في الطرق الشريعة بنفس الطريقة لانها تختلف كتير ... بعدها تقرر ، ولو لاحظت انها لازالت مرتفعة تبدأ بالاسهل وهي انك تغير نوع البنزين ، حدث معي في كرولا 2013 اني حسبت صرفية عالية وغيرت لبنزين 95 وفوجئت بعد التانكي الثالث بأن الصرفية انظبطت بسم الله ما شاء الله ، بعدها شوف فلتر الهواء وبعدها لان ممكن يسبب كتمة وزيادة استهلاك ... ان شاء الله تظبط وهذا بياخد وقت منك، ولو لا قدر الله المشكلة استمرت ابدأ شوف ما اشر به الاخوان .. الله يوفقك

كمان من الحاجات البسيطة اللي بتزيد صرفية البنزين هي ضغط الكفرات، اضبطه

اغلب سيارات الفورد تصرف بنزين ومنها الاكسبلورر فل يمشيك حول 400 سيارة صديقي 2010 وهو بنفسه يشتكي من صرفه للبنزين

الباجيرو و هو جديد هذي صرفيته الفل يمشيك 400 كم
مهدي او مسرع
بشكل عام هذا من عيوب مكينة الفورد الV6 حجم 4.0
بالاضافة الى وزنه الثقيل و نظام الدفع الرباعي و تصميم الانسيابيه
فحولت الشركة الاكسبلورر الى كروس اوفر دفع امامي رباعي مستمر
بتصميم مناسب اكثر و ركبت عليه مكينة التوروس الناجحة حجم 3.5

صرفيه البنزين عندك لترين ونص لكل ١٢ كيلو ونص اشوفه لاباس الصرفسه

للمعلومية ارامكو قبل رفع البانزين خففوه ماهو زي اول انا شريت يارس 2016 بسرعة يطير البانزين وهي جديدة

عندي ماركيز ومعدل صرفيه البنزين لكل 100 كيلو 11.6 والمكينة حقته 8سلندر فالأكيد عندك مشكلة

الاكسبلورر ثقيل وانت مكينتك 6 سلندر .. يعني الثقل يصرف بنزين لوانها ٨ افضل

ابو هيثم 7
السلام عليكم ورحمة الله وبركاته بنسبة لتتنظيف دبة التلوث كيف الطريقة ؟ عندي سيارة النترا ماشية 115 الف شفت حساس الاكسجين لونه اسود يتنظف او يتغير ؟ واسلاك البواجي كيف تتغير وشكرا لكل من رد علي

اخي حافظ علي 
بتكلم نيابة عن اخي ابوهيثم 
تنظيف دبة التلوث بعضها بسيط وتقدر تسويها انت 
وبعضها شوي فيها صعوبة بحيث ان موقعها صعب 
او بدون فلنجة فلابد من اداة التلحيم للقص ومن ثم اعادتها.
وبعضها تجمع الموقع وعدم وجود الفلنجه .
.
وطريقة التنظيف بسيطه فيكون تنظيفها ببنزين وبخاخ ازالة
الاوساخ والكربون وتحصلها في ساكو ولايفضل استخدام
بخاخ الصدى او اللي دايم نحصله في محلات الورش 
لانها تساعد على الصدى وتجمع الاوساخ والكربون !!
والسبب وجود مادة زيتيه والاغلبيه للاسف يستخدم هذي الطريقة
فلو تم تنظيف دبات التلوث فقط بالبنزين لكان افضل .
.
وحساس الاكسجين الافضل تغييره وبعض الاحيان يلزم التغيير
اذا كان التنظيف لافائده منه .
وتنظيفة يكون بالبنزين وبفرشاه تباع في قطع الغيار ويوجد ايضا
بخاخات مخصصه لتنظيف الحساسات ومنها حساس الاكسجين
.
وللمعلومية حساس الاكسجين في بعض السيارات غالي !!
والله الموفق 

يعطيك العافية اخوي عبدالله 711 كفيت ووفيت