استفسار بخصوص التبليغ عن محتال
1
1
إضغط هنا للإخفاء
السلام عليكم ورحمة الله وبركاته
قدر الله وصار عليا حادث قبل شهر تقريباً
المهم قبل 3 اسابيع تقريباً بعت المكينة لواحد من حراج بـ 2500
الرجال كان كفو ومحترم واخلاق وماعليه كلام
المهم جاب عمال وفكو المكينة والقير
ووقتها اعطاني 2000 وقال بكرة اجيب لك القير والدينمو والسلف و الـ 500 مع العامل
وثقت فيه وياليتني ما وثقت و قولت ماعندك مشكلة
المهم اليوم الثاني ادق عليه مايرد واليوم الي بعده نفس الشئ تقريباً اليوم الثالث رد وبعد مماطلة رجع القير مع العامل اليوم الخامس
بدون الدينمو والسلف والفلوس
كلمته قال العامل نساها وبحولها ليا اليوم قولت ماعندك مشكلة اعطيته رقم الحساب
ومن ذاك اليوم يماطل ومايرد الا مرة ويمشيني بكلام معسول ومن بعدها مارد
حوالي اسبوعيين جالس يماطل
امس رسلت له رسالة قولت له اذا مارجعت الاغراض والفلوس بيني وبينك الشرطة
وفعلاً الين بكرة اخر محاولة معاه اذا مارد بروح ابلغ عليه
ولا ايش رايكم ؟
لاحد يقول انتا غبي ووثقت فيه والخ
انا اخذته على نياتي وعلى كلامه والرجال كان كفو
بس ان شاء الله ذا درس ليا
إبلاغ
الردود
ي رجال لو عنده ضروف كان تكلم من البداية او قال اصبر عليا
لا ذا يقول اليوم بحولها لك وبعدها يحول جوال واذا جواله مفتوح مايرد
ومبلكني على الواتساب !!!
1
0
1
0
على راسي ولله
مع اني كلمته قولتله لو ما جبت الاغراض والفلوس بيني وبينك الشرطة
شاف الرسالة وما رد !
0
0
عطه يوم فرصه. اذا ماعطاك. بلغ فيه. وارسل له صوره البلاغ
والحين سهل يجيبونه. رقم الجوال بالبصمه ويجيبونه
من تحت الارض. لو عنده ضروف. يقولك. عندي ظرف كذا وكذا
وبتقدر ظرفه. لاكن. ماتوصل لدرجه. مايرد عليك. ويحظرك
وتساب.
قبل سنه. شريت مكينه. لخوي. من حراج. هنا مع واحد.
وباقي له 500ريال. قلت له. من البدايه. عطني مهله اسبوع
ادبرها لك قالي خلاص. وبعد اسبوع. للاسف ماقدرت ادبرها
ودقيت عليه. وقلت له. الراي والشور شورك. الفلوس ماتيسرت
وش رايك الان. كلمتك. عشان. تعرف ماني ماخذ حقك بالحرام
قالي. ابد. دامك اتصلت. وقلت لي ظرفك. تراك مسموح
فيها. دنيا واخره.
يعني لو هو قالك ظرفه. يمكن تعطيه مهله. وتصبر عليه
لاكن. ماقول الا الله المستعان
2
0
كذا معاك حق دامك اتصلت على الرجال وقولت له ضرفك
بس ذا لا قال ضرف ولا شئ بس جالس يراوغ ويماطل
بأذن الله بعطيه مهلة يوم واصور المحادثات من بداية الشراء الين السحبة واطبعها واقدمها مع البلاغ
0
0
ياخي الناس مدري وش صاير فيهم ياخذون ولاتشوفهم
الامن رحم ربي
طيب وراك موت وقبر واحساب لاحول ولاقوة الاباالله
يمكن لوجاك باالطيب وقال تكفا سامحيني مااقدر اسددك تسامحة
لاكن هذولا ماتدري وش علتهم وتفكيرهم
حسبي الله ونعم الوكيل
0
0
اخر المطاف المحكمة وراح تشتكي وتجلس من سنه الى سنتين في مواعيد واذا كان مماطل ومتعود راح يتعبك زيادة كمان وفي النهاية تاخذ حقك وانت كاره نفسك وطالعة روحك
والله يسهل امرك وامر كل مسلم
0
0
تاخذ حقك منه بالسهوله اذا كان مماطل بعدين نصيحه لوجه
الله في البيع والشراء ثبت حقك وخل الثقه ع جنب
0
0
0
0
اذكر خويي باع شاشه جيب لكزس وعطاه نص المبلغ المحل اللي شره مع انه قال لخويي بعطيك المبلغ كامل وماطله فيه شهر وجانا خويي بالاستراحه وقالنا السالفه واتصل خويي الثاني على راعي المحل الساعه ثنتين 2 بالليل وقله خلال يومين اذا ماجاء باقي المبلغ تحمل اللي يجيك وفعلن اتصل علينا راعي المحل ورديت عليه وقالي بعطيك المبلغ المتبقي وتراني مااقدر اقابلك الى ومعي جيب شرطه مسوي يبي يخوفنا جيت الى وعامل فلبيني جاء وعطانا الفلوس وخليناه
قبل 7 سنه و 11 شهر