عطوني مخالفه الله لايوفقهم هل الي سووه صح وكيف اعرف سرعتي فعلا

امس طالع من مكه للهدا

الخط سرعته 120 وانا مثبت ع 129 وماسك اليسار

ويجيك امن الطرق متجاوز ع اليمين وعداني وشوي الا يهدي ويروح يمين ويرجع وسط وتعديته

وشوي يشد يجي قدامي

وانا مطنشه ومثبت السرعه وماسك مساري

وصلت التشتفيش جا قدامي و وقفني وعطاني مخالفه 140 !!!


تجادت معه شوي وانتهيت مع بكلمتين... انت ما تعرف تسوق ولا تطبق النظام + الله لا يسامحك وحقي اخذه قدام ملك العباد

والله شي يقهر ياجماعه الخير ٣٠٠ ولا٥٠٠تستفيد منها لأشياء كثير افضل من ياخذونها هالحراميه ولا يبي يخلص الدفتر يقعد يستقعد للناس لعنه الله عليكم

العسكري اذا حاب يخالفك لا تجادل معه اخذا و اتجه الى مركز المرور التابعه له
نقطة هافمون اعطني مخالفة لاني سالك طريق الشاحنات في اقصى اليمين
قلتلة الفترة هاذي من 6 - 8 صباحاً ممنوع عبور الشاحنات 
قال بتعلمني شغلي انت
قلتلة لا راح اعلمك الادب و احترام الوظيفة التي امنت عليها
وتوجهت على طول مركز مرور الشرقية
وتم اسقاط المختلفة 
وقالي الضابط هذا حقك وحقك ترفع دعوه ولاكن راح تحتاج الى جلسة و موعد
قلتلة مشكور بس اتمنى تبلغون العسكري ان المخالفة سقطت و ان المواطن رافض استدعائك ليكون اول درس في عملك

 هم من ١٢٧ الي ١٤٠ ٣٠٠ ريال او من ١٢٥ الي ١٤٠.     اذا تتعدى ١٤٠ يعطونك 500

اللي بلغ عن سرعتك مو ساهر هذا مرور سري معه رادار
ترا صارو يعملو هالحركه بكثره يحطو قبل التفتيش ب2 والا 3 كيلو مرور سري وأي سياره تمر من قدامه متجاوزه السرعه يبلغ النقطة اللي قدامه

هذا رادار يا كثر ما اكلت منكح منه

حبيي السرعه 120 عندك لين 133 ما تتخالف 
هذا نظامهم طول عمري اثبت السرعه على 130 على خطوط 120 ولا قد مره وقفني مرور ولا قد لقطني ساهر
الظاهر انه يبي يتملعن عليك

ماقول الا حسبي الله ونعم الوكيل لو ٥٠ ١٠٠مومشكله اما زياده قهر

عموما هذا درس ماراح اتعداا ١٢٠ ذولي جالسينلك بالمرصاد والحاله الماديه خرا محتاج ناقصين

المرور حاليا لو تكح يعطيك مخالفة تلويث بيئة

استقعاد واذية خلق الله بدل الاهتمام بتنظيم المرور

بعض الجهله من العسكر لازم لهم دورات في التعامل 
مع البشر .....لا علم ولا ادب ولا اخلاق احسن شي فيه البدله 
وبس 

فيه مرور سري سياره عاديه يتصيدون
وفالخطوط السريعه قبل نقاط التفتيش بكيلو اوقات تلقى سيارات موقفه بعضها قديمه
هذي فيها مرور سري جالس يبلغ
اللي يسافر كثير ينتبه من السيارات المتوقفة على جنب الطريق

لو تلاحظوا ان قبل كم سنة يعني 2013-2014 في نقاط تفتيلو تلاحظوا ان قبل كم سنة يعني 2013-2014 في نقاط تفتيش كثير اختفت مع وجود ساهر في كل مكان وكل شارع وشغال ليل نهار افضل من أي نقطة تفتيش وماكان في حملات تفتيشية وعساكر في كل مكان يعطوا مخالفات. اما الان بسبب ان الحكومة تبغى تعوض نقص الميزانية من جيب المواطن، بالاضافة الى باشر و ساهر اصبح في ضغط على رجال المرور الصغار انهم يحرروا مخالفات باعداد كبيرة كل يوم، وصابح في مخالفات ما ندري عنها، زي الاستكرات و تضليل بأي درجة، ومخالفة جلوس طفل في المقعد الامامي، اضافة دعامات، ورجع المرور السري زي زمان، واسعار المخالفات تدبلت ١٠ اضعاف الحين في مخالفات ب ٦٠٠٠
من الاخير خذوا كل الاحتياطات ولا تعطي احد الفرصة انه يعطيك مخالفة، وانصح بتركيب كاميرا داخلية للأمان ولإثبات بعض الحالات في حالة الحوادث وغيرها.
ش كثير اختفت مع وجود ساهر في كل مكان وكل شارع وشغال ليل نهار افضل من أي نقطة تفتيش وماكان في حملات تفتيشية وعساكر في كل مكان يعطوا مخالفات. اما الان بسبب ان الحكومة تبغى تعوض نقص الميزانية من جيب المواطن

كل يوم الاقيهم على شارع عام سريع وغالبا يكون مفرق لشارع خدمة موقف الجيب و واقف ومعه دفتر ويسجل 
هل ذا الشغل جائز  ؟
احس انه يخلص دفتر على الصبح 

كل يوم على نفس الشارع ونفس المكان مع الدوام صايد في العالم 

حبيبي توقع أي شيء الحين!
زيادة عن نظامهم الغريب الحين بدأت المخالفات تعوض نقص الميزانية
تشوف مخالفات ما قد تفعلت ظهرت الآن
خويي وقفوه عند تفتيش حاول يطلع مخالفة زينون مخالفة حزام أي شيء ما لقى في الأخير أعطاه مخالفة عدم وجود طفاية حريق داخل عدة السلامة

قبل فتره كنت مسافر من الرياض لدمام. قلت اغير جو 

هذا الكلام بعيدالاضحى. رحت عند اخوي بالدمام 

اول ايام العيد. طلعت بالليل. رايح من الدمام الى الهاف مون 

وقفني المرور السري. في العزيزيه. وقفت ونزل ونزلت 

قالي اثبات اعطيته الاستماره والاحوال قالي وين الرخصه 

قلت له عندي مخالفات وماقدرت اطلع. قالي  بطاقه احوالك 

مصدرها الرياض. ومكان الميلاد. الجنوب. 

وانت الحين وش جابك الدمام. ؟؟؟؟؟؟؟؟

قلت له. ليش ممنوع. قالي. لا. بس. وش عندك مسرع 

قلت اي سرعه. مامشيت حتى 100 وسرعه الشارع 110

قالي. وش عندك في الدمام. قلت يابن الحلال. شفتني 

مخالف عطني مخالفه. ماني مخالفه عطني اثباتي خلني 

امشي.  الاسئله الي تسئلني ياها. مالها اي علاقه. بالمرور وعملك 

اصدار بطاقتي. ومكان ميلادي مالها علاقه. بالمخالفات 

قالي. خلاص  السياره تحجز عشان اللوحه الامامية ممسوحه. 

قلت له. ممسوحه بس الارقام والاحرف واضحه. 

وممسوحه من السافي.  ورحت المرور اغيره قالو سدد المخالفات 

قالي. قلت تحجز يعني تحجز غير ذالكلام ماعندي. 

واخذ اثباتي وجلس بالسياره. وانا واقف عند سيارتي. 

كرهني بالعيد والطلعه والسفر. جلست خمس دقايق او اقل 

وجاني عطاني اثباتي. وقال حرك. 

اخذتها ومشيت. اقرب ديوار ديورت معه ومسكت طريق الرياض 

قسم بالله قهرني. وقتها. ولو تجادلت معه بالكلام.  

راح تكبر السالفه.  وانا ماني. راعي مشاكل. وبلاوي 

تحسبت عليه ومشيت. 

وبعضهم والله انهم. اخلاق. جداً عاليه. وبعضهم. 

مايتكلم الا من طرف خشمه. ياخي كلنا بشر. 

والبذله الي لابسها  ماراح تدخل بها القبر. وماراح تنفعك 

الرتبه.   بتدخل قبرك بااعمالك. 

لاكن بعضهم الله المستعان يستقعد لك على كل شي. 

واسف يااخوان على الاطاله.