السلف وما ادراك ما سلف

13 4

لايمكنك التصويت حتى الحصول على 20 نقطة على الأقل
إضغط هنا للإخفاء

مهراس الزهراني 1338
قبل 7 سنه و 11 شهر

.. كان معي مشكله بسياره الى هي اشغلها من التشغيله الاولى ماتشتغل الا الثانيه حسبت المشكله في طرمبه البنزين لين صارت المشكله الكبرى السلام عليكم اخوكم مهراس .. السلف هههههه مو سلف فلوس رغم الرواتب اليوم ..

سلف السياره اخواني امتلك مرسدس بنز se 300 1987 ابيض وارد اليابان ..

طالع اتمشى ومعين من الله خير قلت بشوف مباراه النصر والهلال .. وبشتري لى اغراض

انزل الصيدليه مكشخ شريت اغراض مستانس رواتب ارجع اشغل ماتشتغل ياولد اشغل مايدق سلف ادق مايدق مايطلع اي شي

اول شي خطر في بالى البطاريه قلت دام رواتب بنغير البطاريه غيرت البطاريه بلحق ع مباراه النصر ياولد اشغل مايدق سلف ادق مايدق

ياليل انا ضاق صدري وش اسوي .. شوي اسمع الادان ونصلي العشاء . ونجيب كهربائي قالى سلف قلت افحص تاكد قالى سلف قلت خير غيرنا السلف والحمد لله حلت المشكلتين لن كان اول من اول دقه ماتشتغل السياره الحين من الدقه الاولى ودي ارفق صور للمرسدس حقتي. ولكن الجوال ماينزلها مدري هل الشبكه تعبانه . وان شاء الله بجيكم بموضوع فك العداد مع ضبط الامبير حق الحراره للمرسدس 560 او 500 او شبح

الى قهرني ماشفت المباره . يمكن ماقالت ان شاء الله ف احرصو على الادكار لن يصير لك شي ماهو ب الحسبان يمكن تطلع ماتجي ويمكن تجي ماتطلع سبحان الله وبحمده سبحان الله العظيم كفنا الله الشر ومتعنا ب الصحه وطوله العمر

إبلاغ

الردود