طريق الرياض الرين بيشه الجنوب
11
1
إضغط هنا للإخفاء
السلام عليكم ورحمة الله وبركاته
يااخوان اتوقع كلكم عارفين الطريق الي افتتحو قبل فتره
طريق الرين بيشه الى الجنوب.
جت معه قبل سنه. برمضان 1436 وكان بعض الطريق
صحرا ماكملو الاسفلت. وصراحه سيئ الطريق
وقبل اسبوع. سافرت من الرياض للجنوب. وجيت معه
كان معي سيارة ولد خالتي سوناتا14 وياليت ماجيت معه
الطريق. مشكلته سيد واحد رايح جاي. وخدمات مافيه.
المحطات. الي مايعرفها. راح ينقطع بنزين. وغير كذا
الابل. تطلع على الطريق. والله كل الطريق. سيارات
مقلوبه وجمال. متقطعه.
سافرت معه العصر وطلع عليه الليل بنص الطريق
وماشي 140/160 والطريق شبه فاضي. قليله السيارات
فيه وقفت بمحطه عبيت بنزين وكملت طريقي.
فجئه طلع بوجهي جمل. والله اني نطقت الشهاده
ومسكت فرامل. ومن الربكه والخوف. لفيت الدركسون بقوه
وحاصت السياره وجلست تبرم بالطريق ونزلت الصحراء
والحمدلله. ماانقلبت فيني. وانا احسب اني صدمت الجمل
ويوم وقفت السياره. نزلت. والله ارجولي ماتمسكني
وجلست جمب السياره ماشوف شي من الغبار وظلام
وهدت نفسي شوي وشربت مويه والسيارة طفت
شغلتها وشغلت النور ادور للجمل وين راح. شفته
قاطع الخط. للجه الثانيه راح بعيد. وركبت السياره
ومشيت. وقتها سرعتي يمكن 140/130
والحمدلله. الله سلمني من هالحادث. وتوبه طريق
الرين ماعاد اجية.
المشكله الطريق. مافيه حتى. ورش ولا امن طرق ولا اسعاف
ولا شي.
لاقدر الله. وتعطلت السياره. ومعك عايله وش بتسوي
لاقدر الله وجاء عليك حادث. واسعاف وامن الطرق مافيه
لاكن. ياحلاتي ياطريق الطايف. امن الطرق.
واسعاف ومحطات وخدمات. وكل شي. وطريق
وسيع. وسيدين. من الرياض الى الجنوب.
الين القريه الي ساكن فيها 1200كيلو تقريباً
هذا مع طريق الطايف ومع طريق الرين بيشه
اختصار 200كيلو. لاكن. طريق الطايف افضل
لو كان زيادة الفين كيلو. ولا طريق الرين. مخاطره
كثيرين الي يجون مع هالطريق. فانتبهو يااخوان
خصوصاً الي معه عايله لو ظرب عليك بنشر.
من بيسعفك لصرت بعيد عن المحطات وماحولك احد
---------------------------------------------------
عندي مشكله بالمنتدى من البارح. احاول ارد على
استفسارات الاعضاء. واكتب. وذا جيت ارسل.
يطلع لي. عضويتك جديده ولك ردود محدوده في اليوم.
ومايمديني اعلق على المواضيع مدري وش الهرجه
واسف على الاطاله.
إبلاغ
سيارات للبيع
الردود
0
0
قبل 4 سنه و 4 شهر