أضف سؤال أو موضوع جديد          

صوت في مكينة الددسن كنه ديزل والقير صار محشور - 2004

up 3 down 4



السلام عليكم ورحمه الله وبركاته
مساكم الله بالخير | صبحكم الله بالخير
يا اخوان انا مشكلتي مع ددسن 2004 غمارتين بخاخ
الموتر الحمد لله شد بلده ولكن يعني من 6 شهور عزمه احسه طايح
ولكن ما دورت له لاني م اهتم في العزم احتاجه مشاوير دوام جامعه وكذا

اول مشكلة صوت المكينه كنه ديزل
قبل فترة اذا طولت اغير ولا غيرت زيته يقلب صوت المكينه يصير كنه ديزل لأن المكينه تنقص المهم اذا غيرت الزيت يروح الصوت ويرجع الصوت طبيعي
وعلى ذا الحاله اذا نقص زيت المكينه يقلب كنه ديزل المكينة ، المهم الايام ذي صاير صوته كنه ديزل وتوي مغير الزيت ولا ادري وش اسوي والصوت باقي كنه ديزل
واحد قالي اغسل المكينه عند بترومين والثاني يقول افحص والثالث يقول صف مكينه بواجي واسلاك وصفايه بنزين

والمشكلة الثانية ما شاء الله الموتر قيره نسمه طويل يعني في الثاني تمشي الى 90 والثالث يوصل 125 تقريبا ما شاء الله
اليوم طلعت به وتفاجأت ان الثاني يوصل الى 60 بس والثالث يالله يالله ب 95 مدري وش اسوي والله حيرني


واللي يعرف لي ورشه طيبه للنيسان في ابها او الخميس يدلني عليها الله لا يهينه
وبغيت أسال ايضا عن سعر الفحص كمبيوتر ابي افحصه واشوف وش بلاويه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طرمبه الزيت ضعيفه شيك عليها

القير مافيه شي المشكله بعزم المكينه


up 1 down 0



سو تصفيه للمكينه وراح يرجع كل شي زي اول واحسن انا نفس مشكلتك  كل  6 شهور اسوي تصفيه والحمدلله كلشي تمام


up 0 down 1
نمر 2 58
قبل سنه



اذا ظهر صوت الديزل في محرك الددسن
هذا جنزير


up 2 down 0



عندك مشكله بالجنزير واغلب الشك الطرمبه ضعيفه او فيها شئ ومنها يطلع صوت الجنزير الجنزير يطلع صوته من قلة الزيت
ودام تنقص فانتبه يروح عليك الجنزير لانك بتوظب المكينه كامله


up 2 down 0



تحتاج جنزير مع شداداته مع بلف تزييت لكل جنزير واحرص على الزيت والميكانيكي اللي بيشتغله لازم واحد فاهم لان صدر المكينه كله بيفك مع الغطاء العلوي وبتحتاج وجه للغطا العلوي وصوفه في صدر المكينه وامورك في السليم ونصيحه غير الاصلي لاتشتري


up 2 down 0



مالومها لو صارت صوت ديزل
اجل بنمرة ثنين توصلها تسعين
الله يعين بس


up 3 down 2



ارفق بالمسكينه 
شكلك كارفها كرف 
وفوق هذا ما تزود زيت او تغيره 
الله يعينك



up 0 down 0
لا للغلاء 390
قبل سنه



ورشة السالمية بصناعية أبها عند سوداني يسمونه حسن نيسان
بعد ورشة الجاوه حق الكهرباء 4ورشه تقريبا
بعدها ورشة الشعله فلبينين شغلهم نضيف بجنب المخرطه الهندسيه
وفيه ورشة بعد الاصدقاء مايحضرني اسمها عليها علامة نيسان برضه شغلهم حلو
والله يعيينك
هذا الي تذكرته


up 0 down 0
بن سحمي 117
قبل سنه



البلا  من  الزيت  الله لايربحهم  

اعدموا  مواترنا  ودفنوها  بالحياه حسبي الله فيمن لعب بالتركيبة واللزوجة عشان يكسب 

زمان كنا نحط قلف بخمسة ريال والله ماتلاحظ شي ع المكينة

اما سيارات اليوم اغلبها تطقطق بلوفها بسبة هالزيت


الزبدة  غير نوع الزيت ولزوحة مناسبة وشوف 


up 3 down 0
صوت الأرض 90
قبل سنه



الله يبيض وجيهكم جميع

طيب يا اخوان اللي عنده علم كم سعر الجنزير وكم بيكلف شغل اليد ؟

وهل ينفع لو فحصت يطلع مشاكل المكينة !!



up 0 down 0



سعر الجنزير واحد طويل ب 120 ريال والثاني اقصر ب 80 او 90 الشدادات من 60 ريال وفيها بلوف التزييت ما اذكر بالضبط ووجه الغطاء غالي شوي والصوفه الصدر 50 ريال وتحتاج علب زيت وماء رديتر لان كلها بيفرغوها والمروحه والمكرات والرديتر كلها لازم تفك


up 0 down 0



صوت الديزل يا طويل العمر حله بسيط غير زيت المكينه والفلتر شرط يكون زيت ممتاز نوعه بترومين او اي نوع لا تركب سوبر جيتي ابو علبه حديد لالالايككك


up 0 down 0
الدرول 19
قبل 2 شهر