نقاش هل انت مؤيد لشراء سياره مستعمله او مصدومه ومصلحه

بالنسبة لي . ماعندي اشكالية أشتري سياره مستخدمه . ولكن تكون نظيفه وممشى معقول .ومكينته وقيرها سليمة
اما بالنسبة لي السياره المصدومة . مثلآ صدمة سطحيه . راح اشتريها لن راح ينزل من قيمة السياره . اما اذ الصدمة باب ولا وجهيه
ولاشنطة .مراح اشتريها لن الوزنية بتخرب . ولون الوجهيه اكيد الارباقات بتطلع

المستعمل ممتاز اذا لك خبره بالسيارات 

وافضل شراء السياره الي ما جاها اي صدمات قويه يعني 

تشوف الضربه قدامك مو يصلحها ويقولك ضربه بسيطه وانت ما تدري وش صار لها

ومعروف المستخدم فيه توفير قوي يعني لو كان الواحد يبحث عن سياره جديده 

يقدر يشتري مستعمله استعمال خفيف يعني اخر مديل وماشيه ١٠ الاف ولا ١٥ الف

يطيح من سعرها فوق ١٠ الاف .

1/هل أنت من مؤيدين شراء السيارات المستعلمه ؟ حتى لو كانت سياره صغيره او فارهه وكبيره ؟
نعم, المستعمل تحصل فيه صفقات افضل من الجديد في بعض الحالات ......
لكن يبغالك تعرف انه الجديد اضمن من ناحية كل شي . لانك ماعندك خلفية عن الملاك السابقين
فوق هذا مافيه اعطال مفاجئة في الجديد...

2/ عند شرائك للسياره المستعلمه , ماهي الاختبارات التي تعملها للتأكد من حاله السيـأره قبل الشراء ؟
موضوع قديم للعضو "فل اوبشن mr" رح يفيدك ان شاء الله ,طبعا هذا مع الفحوصات الشاملة للسيارة
بودي +مكينة+قير+الخ.......

4/ ماهو اقل موديل تنصح بشراء السياره المستعمله مثلا عدم شراء سياره مستعمل يقل موديلها عن 2013
لازم تكون من 2012 وفوق........ بكل بساطة لانه اكثر من خمس سنوات تراك شاري شي مكروف
هذا للاغلبية بس بعضهم يطلع عيونها في سنة وحدة فلا تستغرب اذا حصلت سيارة 2012 انظف من وحدة
2015 او 2016

ومارأيكم بسيارات المزادات ؟؟؟
سكر في ماء........الا للي فاهم و عارف كيف يميز العيوب فالاول والاخير اذا انغشيت في وحدة منهم
تذكر"القانون لا يحمي المغفلين"

بالنسبة للصدمات اذا هي خارجية و مافك منها الايرباق ولا وصلت للمكينة .......لا مانع اذا هي نظيفة..

للاسف النسب الي انت كاتبها ما تتطبق
على ارض الواقع

فتحصل مثلا واحد معاه سيارة مقلوبة وتصلحت
يبغى فيها نفس سعر النظيييفة او بافرق بسيط
واغلب السيارات كذا

تحصله لاعن ولديها وكل ما فيها خربان
ويبغى نفس قيمت النظيف

حتى وصل في ببعضهم الحال
انه يطلب سعر الجديد !

اهم شي
القير
المكينة
المكيف
شاص

السيارة المصدومة خصوصا مع الوجه انحش عنها وقرط في ثوبك
وهذا عن تجربة
بتطلع لك مشاكل في الحرارة وانواع الاصوات في العظلات بتتعبك بالحيل
من وجهت نظري اذا وجهيتها سليمة ماجاها صدمة وشاصها سليم ماجاتها صدمة جانبية او خلفية قوية وقيرها ومكينتها تمام توكل على الله
والسيارات حظوظ في الاول والاخير

وعليكم السلام ورحمة الله وبركاته
1- انا مؤيد حتى لو ماعندك خبره تقدر تفحص في مراكز الفحص وصارت منتشره بكثره في الاونه الاخيره
2-تفحص المكينه والقير والعضلات والبدي وتتاكد من هل السياره سبق لها ونرشت ولا لا وفيه اجهزه منتشره في السوق تقيس سمك طبقة البويه وتطلع اذا السياره مرشوشه او لا
3- انا شخصيا جربت وقد اشتريت جديد وقد اشتريت مستخدم بودي وكاله وقد اشتريت مصدوم ومصلح وقد اشتريت مصدوم وانا صلحته وانصحك يعني على حسب ايش هدفك من شراء السياره اذا انت انسان مستثمر تبغى تشتريها بعدها تبيعها بمكسب ماحتفرق ايت نوع منهم اهم شي سعر مشتراك للسياره يكون حلو بحيث انك في اسوء الاحتمالات ترد راس المال فقط 4- طبعا بالنسبه للسيارات المصدومه هذا عالم ثاني وانصحك تدخله اذا لك خبره او عندك ورشه وفيه ارباح ممتازه وبالنسبه للسيارات المصومه في الوجه عادي تتصلح ماهو شرط تبعد عنها بس صدمه عن صدمه تفرق وسعر التصليح يفرق اكيد , وسبق لي وان اشتريت توروس مصدومه وجهيه ومكينتها تحركت من مكانها بس سعر مشتراي كان ممتاز فصلحتها وغيرتلها كراسي مكينه واضطريت اغير الظفيره واخذلي وجهيه كامله وبس الي تعبني الحساسات وصلحتها كلها والحمد لله بعتها بمكسب وعجبني استخدامها واشتريت وحده ثانيه مصدومه وصلحتها وقاعد استخدمها وماشيه معايا ولا احلى ,, مقصدي اذا تبغى سياره تستخدمها منت مفكر تبيع عادي اشتري مصدوم وصلح حتوفر نسبه كبيره من قيمة السياره واذا تفكر تبيع وتسترزق ركز اهم شي على سعر المشترى ماتفرق اذا بودي بلد او مصدوم لانك انك مركز على الربح وحط في الحسبان اذا شريت مصدوم يبغاله وقت عشان تصلحه وتوفر قطع غيار فحياخذ منك مجهود اكثر

وبالنسبه للسيارات الفارهه عام 2012 قد شريت بورش كايمن اس كانت موديل 2009 والحمد لله اشتريتها بسعر معقول لكن لمن جيت ابيع اكتشفت انه سوق ذي السيارات قليل وماكان يجوني زباين الا فين وفين واضطريت ابيعها بخساره فمن وجهة نظري سوق السيارات الفارهه مخصص لفئه معينه وقليل الطلب عليه

اتمنى اني افدتكم بتجاربي السابقه في هذا المجال