أضف سؤال أو موضوع جديد          

حل مشكلة تهريب زيت القير في الافالون والاوريون واللكزسES350

up 17 down 3
miz00 207
قبل 5 سنه و 4 شهر



مساكم الله بالخير احبتي اعضاء وزوار هالمنتدى الجميل والمفيد

قبل سنة ونصف لاحت تهريب طفيف لايذكر اي بمعنى تنديه على جرم القير من اسفل السياره
ولم اقلق بشأنه لأنه مثل ماذكرت لكم انه طفيف جداً وغير مقلق ولم اهتم لعده اسباب اولها لأني شخص اشيك على السياره بإستمرار شبه يومي وقبل كل سفر وبعده وقبل كل تغيرة زيت وبعدها سواء قير او مكينه وهذا طبع فيني وميزه اشوفها حلوه وماارتاح الا لين اشيك وهذا يفيدني في اشياء كثيره منها تجنب الكوارث الميكانيكيه الناتجه عن اخطاء مثل تغييرات الزيت وماشابه
المهم اثناء مراقبتي للزيت المتسرب ومسحه في كل مره تشييك وتنظيفه لاحظت الكمية في ازدياد الى ان اصبحت مثيره للقلق وصات تخوف وانتقلت من مرحلة تنديه الى تهريب وتكون قطرات اسفل الجرم هنا اشتغل الحس الميكانيكي عندي واتجهت للصناعيه وكل ماجبتها لورشه عشاان يتعقبون مصدر التهريب لن اطلع بفائده عارفين كلام الورش انتم كل واحد يعطي تخمين واخرتها يقولون لك اترك السياره عندنا ونتصل بك طبعاً هالكلمة محذوفه من قاموسي ولااؤمن بها حكاية اترك الموتر وهو يتصل بي ماتنفع معي لأنك كذا تعطيهم فرصه وتفتح لهم الباب لبداية عملية النصب اللي انت راح تتعرض لها المهم قلت امعصي يااشوف مصدر التهريب وقتها اقرر تصلحون اولا لا ولانزل السياره من الرافعه وخلني اتوكل على الله
طلعت من عندهم وبرضو كم ورشة مريتهم واحد يقولي صوفة العكس والثاني يقولي من وجة الكارتير وانواع الثواره والسباكه شفتها التهريب جاي من اعلى القير وهذا يقولي وجه كارتير وجاي من فوق العكس ايضاً المهم طلعت ورحت للبيت
وبسم الله فتحت الكبوت طبعا انتم عارفين كيف محشور كبوت الافالون مايمديك تشوف وتتعقب شي فقررت نزع قربة الهواء بأكملها من مفصل الثروتل واخرجتها بالكامل كي تتضح لي رؤيه افضل
والحمد لله بعد نزعها اصبح القير واضح وكمية الزيت المترسب مع الاتربه كبيره
واكتشفت ان التهريب خارج من البلف هذا
http://a.top4top.net/p_3661lbua1.jpg
طبعا هو يجي له ربله "وجه صغير" والتهريب كان منها رحت ادور القطعه لكن للأسف مو متوفره لازم طلبيه
رجعت اخذت مفتاح 10 وشديت المسمار حصلته مرتخي وشد معي لفه ونص بسهوله هنا اعطاني بصيص امل ان يتوقف التهريب
طبقت كل شي ورجعت كل شي وبعدها رفعت الموتر ونزلت الكفر الايسر وفتحت صامولة تعبئة الزيت واغلبكم يعرفها المهم زودت لتر زيت لأني عارف ان الكميه اللي خرجت اذا ماكانت لتر بتكون اكثر خصوصاً اني ماي على الزيت فوق 45 الف والتهريب كان موجود المهم قفلت الصاموله ورجعت الكفر واستخدمت السياره لمدة 3 ايام استخدام شاق سرعة ودوس وطلعت خط ومشيت للفصله قرابة عشر دقائق كل هذا عشان الزيت يتمدد بفعل الحراره واذا كان هناك اي تهريب غصب يطلع منه
رجعت وفتحت وشيكت والحمد لله ولا قطره خرجت
هذا رابط لصورة قير منزل اخذتها من النت عشان اوضح لكم مكان البلف
http://b.top4top.net/p_3664lnhx2.png
وهذا رسم تخطيطي للقطعه ورقمها للي حاب يطلبها
http://c.top4top.net/p_366duz3z1.png
وهذا رسم توضيحي اخر
http://c.top4top.net/p_366n4wkv3.png
واخيرا اقدم اعتذاري لعدم قدرتي لرفع الصور كل ماحاولت يقولي المساحة غير كافية تجاوزت 100 ك ب واغلب الصور مساحتها اكبر

تنوية :
لجميع ملاك السيارات اللي تحمل قير رقم u660e التأكد من المنطقه المذكوره ومن هالبلف خاصه
لتجنب وقوع الكوارث والخسائر الماديه



حبيت انقل لكم المعلومه ربما يستفيد منها الغير ويسلم من سرقة جزارين الصناعيه









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك الف خير على المعلومه
بس عجبتني كلمته بصيص امل
وشرحك وافي


up 1 down 0
نمر 2 81
قبل 5 سنه و 4 شهر



الله يعطيك العافية
وايضا الحل ينفع للكامري الامريكي 6 سلندر من 2007 وفوق
لانها نفس المكينه والقير


up 4 down 0
الرفاعي33 13914
قبل 5 سنه و 4 شهر



صحيح الكامري 6 سلندر الامريكي نفس القير والمكينه كذلك تويوتا بريفيا
طبعا الافالون من 2008 وطالع
2007 وتحت يختلف القير يجي 5 تبديلات


up 2 down 0
miz00 207
قبل 5 سنه و 4 شهر



الله يعطيك العافيه سيارتك كم موديلها


up 1 down 0
سفير المملكة 332
قبل 5 سنه و 4 شهر



جزاگ الله خير ،، بصراحه افدتني گثير 

وهذا هو المطلوب لكل شخص يبغى يسلم من نصابين الورش


up 1 down 0
my2016 27
قبل 5 سنه و 4 شهر



تسلم يمينك 
هذا الشغل الضبوط يا ليت نعتمد على انفسنا 
ونترك الاتكال في كل شي 
حتى في الامور البسيطه اللي ممكن تنحل 


up 1 down 0
لا للغلاء 829
قبل 5 سنه و 4 شهر



سيارتي 2008 والقير اللي عليها نفسه اللي على 09-10-11-12-13-14-15-16
ونفسه على الاوريون من 07-16
ونفسه على اللكزس من 07-16
ونفسه على الكامري 6 سلندر الامريكي من 07 وطالع
رقم القيرU660E القير اللي يجي بدون عصا للعيار 6 تبديلات
ملاحظه:
قير الافالون 2007 ونازل يختلف ويجي له عيار 5 تبديلات


up 1 down 0
miz00 207
قبل 5 سنه و 4 شهر



الله يعطيك العافية وماقصرت بس ياريت توريني فين معيار قياس زيت القير لكزس ES 2008


up 0 down 0
dawwy 266
قبل 5 سنه و 4 شهر



مايجي له معيار نفس الافالون قيره هو نفس هالقير اللي نتكلم عنه راقب التهريب اذا مافيه تهريب زيت لاتخاف مايحتاج تعايره
والزيت بالكثير كل 70 الف غيره مع الفلتر
واذا توك شاري الموتر وماتدري عن اللي قبلك متى غيره بإمكانك تسأله متى غيره وكم مشى عليه واذا ماقدرت توصل له انصحك بتغييره عشان تعرف وش لك واش عليك


up 0 down 0
miz00 207
قبل 5 سنه و 4 شهر



زيت قير الافالون 2010 كم لتر.. الميكانيكي يقول 4 إلا شوي.. و ايش الطريقة الصحيحة لتعبئة. من أسفل من الصوره أو من فوق و هل فيه معيار


up 0 down 0
أبو عمر الهلالي 1
قبل 4 سنه و 7 شهر