حاجه غريبه عند بيع السياره
11
3
إضغط هنا للإخفاء
السلام عليكم ورحمة الله
وبعد ، ،، ،، ، ،،
قررت ابيع سيارتي العزيزه اللي لها معي تقريبا 3 سنوات وكم شهر بسبب اني احتاج سياره عائليه
في حدود قيمة سيارتي .
طبعا سيارتي افالون 2011 سعودي لمتد
نفس السياره بالمعارض اسعارهم مابين 60 الى 80 الف [ بين البطاقه الجمركيه وبين المستعمل ]
طبعا انا نزلت للمعارض حتى ابيع بسعر يعتبر مقنع لحالة سيارتي [ لان فيها صدمه رفرف يمين وايرباق الطبلون خرج ]
طبعا الحاجه الغريبه انك لمن تقابل شخص يبي يشتري السياره وتعلمه بللي فيها يسال عن السعر
طبعا انا حدود بيعي بين 42 اللي هي سومة جاري الى 45 الف كحد اقصى
نظرا لحالة الايرباق ورش الرفرف [ فقط فقط فقط فقط ] باقي الموتر مايشكي من شي
من مكينة وقير ومكيف والحمد لله
وعدادها 165 الف
الشي الغريب لمن تقول المطلوب 45 الف الناس تخاف من السياره ههههههههه وتقول اكيييد فيها مصيبه غير الحادث
عشان كذا سعرها رخيص !
يعني لازم اكون زي [ بعض ] الشريطيه واطلب 60 الف ؟
الان اسبوع بالمعارض وكل رجال يركب ويجرب ويسمع السعر يتردد
بعضهم صريح ويقول ليه بتبيع بالسعر هذا ؟ فيها شي المكينه ؟ شكلك تبي تتخلص منها
والحمد لله ماني مستعجل ع البيعه ولكن فعلا شي غريب
إبلاغ
الردود
بصراحه هههههه
هي هذي الحقيقه
ان ذكرت العيوب وعطيت السعر المستحق الناس خافت
وان جلدتهم بسعر وقلت نظيفه يجونك مدرعمين
الا فيه اقليه مستخدم مايهمه الدقات الخفيفة المهم محركات وشخص وعضلات شغل سليم
زمان شريت فورد 2006 الاكتاف الخلفيه مرشوشه بطاقه جمركية مدري وش السبب
لكن فالنهاية شريت والحمدلله الموتر كان ممتاز وبعته على حالته والي شرا وضحتله عن العيب وشراء بعد مافحص وجرب
رغم اني جلست فحدود اسبوع ونص وادور ومافيه الا شريطيه تبخيس كله عشان هالرشات لحد ماجى الصامل وشرا
لكن اتوقع انك طحت فشريطيه ماهم بمستخدمين
نزل اعلان فحراج ومستعمل وحط سعرك مع ذكر العيوب والي عنده رغبه يجيك والي مايبي لايكثر يشوف غيرها
2
0
هاذي هي الحقيقه
ارفع سعرها من45 الى 50 اكيد بتلقاء الصامل
2
0
الناس صارو يخافون ويترددون ١٠٠٠ مرة
من المستخدم وخاصة المرشوش
0
1
اكثر اللي بيشتري ست سلندر متخوف ينتظر اسعار البنزين اللي بتتغير
فالظاهر هذي المشكلة
انت قل الحد 50 و الصامل تراعي له
و ما عليك من المترددين و ادع الله يسهل عليك البيع مثل ما يرزق اللي بيشتري
1
0
المشكلة السوق الايام ذي الناس متخوفه والشريطية السيارات متكدسة عندهم والناس صارت تدور سيارات الديزل والاربع سلندر وهذا هو سبب تأخر البيع اما بالنسبة للسعر فترا لو قدمت على السوق قبل خبر ارتفاع البترول تبيعها من اول دخولك للسوق لان الموتر مرغوب واسال الله ان يبارك لك في حلالك
0
0
السعر. بالحد المعقول
يشكون ان السياره فيها مشكله. ولو تقول لهم السعر
ب60 راح يقولون لك. غاليه. وحصلنا موديل حديث
ارخص من سعر سيارتك وافضل من موديلها
وان نزلت السعر. قالو اكيد فيها بلا.
لاكن تبي رايي. روح معارض غير الي رحتها.
واذا سالو عن السعر قول. حدود الخمسين.
ومانختلف مع الصامل. واذكر لهم العيوب
الي فيها. وقول لهم اذا طلع بالفحص غيرها.
انا اتحمل. قيمة الفحص.
ماعدا. القطع الاستهلاكيه. لان الفحص. يطلعها
حتى لو كانت السياره. وكاله اصفار. مستحيل.
تفحص سياره. ومايقولك سوي تصفيه. مكينه
والتصفيه معروفه قطع استهلاكيه بواجي فلاتر ........،،
الله يرزقك البيعه الي تسرگ.
0
0
ابي اشوفها
1
0
يعني لا علمتهم قالوا غشاش وليا اخفيتها قالوا شريطي
والله عاد مالك غير ترفع السعر
0
0
اوغشيم واول مره يشتري الصامل مايرده الا الفحص
0
0
الرجل طالب فيه 33 ولحد اشتراه . والسبب سعره رخيص جدآ عن الموديل
0
0
يعني لاتقوله ببيعها 40 وهي تسوى 50 او 60 يمكن تجيب لك سعر اعلى
1
0
عموما 45 الف لسيارتك سعرها حلو اذا السياره نظيفه بالتوفيق والله يرزقك
0
0
انك على اقل تقدير دام موترك مافيه غير رفرف وماجاء الشاص اي شي شوري عليك انك تصلح الايرباج
في ناس تصلح الايرباج تلاقي عندهم القطع يغيرك حق الدركسون ويغير الجهاز واتوقع الاحزمه ويبرمجها لك وترجع وكاله
وتجيب لك سعر طيب
1
0
بكل بساطة حتى تريح نفسك وضح لهم كل شيء ولو سألك عن سعر البيع قله للسوم و الباب مفتوح
1
0
هذا رقم الاعلان 18980331
0
0
الله يرزقك يابعدي سعرك طيب
ولا تخاف الافالون سوقها ماشي وبيجيك الصامل
قبل 7 سنه و 3 شهر