أضف سؤال أو موضوع جديد          

حاجه غريبه عند بيع السياره

up 11 down 3
a v a l o n 2184
قبل 5 سنه و 4 شهر



السلام عليكم ورحمة الله

وبعد ، ،، ،، ، ،،


قررت ابيع سيارتي العزيزه اللي لها معي تقريبا 3 سنوات وكم شهر بسبب اني احتاج سياره عائليه
في حدود قيمة سيارتي .

طبعا سيارتي افالون 2011 سعودي لمتد

نفس السياره بالمعارض اسعارهم مابين 60 الى 80 الف [ بين البطاقه الجمركيه وبين المستعمل ]

طبعا انا نزلت للمعارض حتى ابيع بسعر يعتبر مقنع لحالة سيارتي [ لان فيها صدمه رفرف يمين وايرباق الطبلون خرج ]

طبعا الحاجه الغريبه انك لمن تقابل شخص يبي يشتري السياره وتعلمه بللي فيها يسال عن السعر
طبعا انا حدود بيعي بين 42 اللي هي سومة جاري الى 45 الف كحد اقصى
نظرا لحالة الايرباق ورش الرفرف [ فقط فقط فقط فقط ] باقي الموتر مايشكي من شي
من مكينة وقير ومكيف والحمد لله
وعدادها 165 الف
الشي الغريب لمن تقول المطلوب 45 الف الناس تخاف من السياره ههههههههه وتقول اكيييد فيها مصيبه غير الحادث
عشان كذا سعرها رخيص !
يعني لازم اكون زي [ بعض ] الشريطيه واطلب 60 الف ؟
الان اسبوع بالمعارض وكل رجال يركب ويجرب ويسمع السعر يتردد
بعضهم صريح ويقول ليه بتبيع بالسعر هذا ؟ فيها شي المكينه ؟ شكلك تبي تتخلص منها
والحمد لله ماني مستعجل ع البيعه ولكن فعلا شي غريب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههههههه والله حالة
الله يرزقك يابعدي سعرك طيب
ولا تخاف الافالون سوقها ماشي وبيجيك الصامل


up 1 down 0
الرفاعي33 13914
قبل 5 سنه و 4 شهر



وعليكم السلام
بصراحه هههههه
هي هذي الحقيقه
ان ذكرت العيوب وعطيت السعر المستحق الناس خافت
وان جلدتهم بسعر وقلت نظيفه يجونك مدرعمين

الا فيه اقليه مستخدم مايهمه الدقات الخفيفة المهم محركات وشخص وعضلات شغل سليم
زمان شريت فورد 2006 الاكتاف الخلفيه مرشوشه بطاقه جمركية مدري وش السبب
لكن فالنهاية شريت والحمدلله الموتر كان ممتاز وبعته على حالته والي شرا وضحتله عن العيب وشراء بعد مافحص وجرب
رغم اني جلست فحدود اسبوع ونص وادور ومافيه الا شريطيه تبخيس كله عشان هالرشات لحد ماجى الصامل وشرا
لكن اتوقع انك طحت فشريطيه ماهم بمستخدمين
نزل اعلان فحراج ومستعمل وحط سعرك مع ذكر العيوب والي عنده رغبه يجيك والي مايبي لايكثر يشوف غيرها



up 2 down 0
شويخ من أرض مكناس 2823
قبل 5 سنه و 4 شهر



هههههههههههههههه
هاذي هي الحقيقه
ارفع سعرها من45 الى 50 اكيد بتلقاء الصامل


up 2 down 0
بايع الدنيا 66 1472
قبل 5 سنه و 4 شهر



المشكلة ماهي بالسعر 
الناس صارو يخافون ويترددون ١٠٠٠ مرة
من المستخدم وخاصة المرشوش 


up 0 down 1
ghost1 578
قبل 5 سنه و 4 شهر



سعرك طيب و معقول و ان شاء الله تحصل المشتري الجاد
اكثر اللي بيشتري ست سلندر متخوف ينتظر اسعار البنزين اللي بتتغير
فالظاهر هذي المشكلة
 انت قل الحد 50 و الصامل تراعي له
و ما عليك من المترددين و ادع الله يسهل عليك البيع مثل ما يرزق اللي بيشتري


up 1 down 0
مثقف سيارات 1149
قبل 5 سنه و 4 شهر



المشكلة مو بالسعر يالغالي الله يحفظك والا الشريطية ماتفوتهم مثل ذي بالسعر ذا يروح يوديها ورشته ويغير رفرف ويركب لها دركسون ويطفي الايرباق ويبيع بالسعر اللي يبي ويحولها عالتلميع الساطع ويرجعها تلمع ويبيع بالسعر اللي يبي


المشكلة السوق الايام ذي الناس متخوفه والشريطية السيارات متكدسة عندهم والناس صارت تدور سيارات الديزل والاربع سلندر وهذا هو سبب تأخر البيع اما بالنسبة للسعر فترا لو قدمت على السوق قبل خبر ارتفاع البترول تبيعها من اول دخولك للسوق لان الموتر مرغوب واسال الله ان يبارك لك في حلالك


up 0 down 0
hogkal 255
قبل 5 سنه و 4 شهر



هذي المشكله. اذا بينت لهم. عيوب السياره. ونزلت لهم 

السعر. بالحد المعقول  

يشكون ان السياره فيها مشكله. ولو تقول لهم السعر 

ب60 راح يقولون لك. غاليه. وحصلنا موديل حديث 

ارخص من سعر سيارتك وافضل من موديلها 

وان  نزلت السعر. قالو اكيد فيها بلا. 

لاكن تبي رايي. روح معارض غير الي رحتها. 

واذا سالو عن السعر قول. حدود الخمسين. 

ومانختلف مع الصامل. واذكر لهم العيوب 

الي فيها. وقول لهم اذا طلع بالفحص غيرها. 

انا اتحمل. قيمة الفحص.  

ماعدا. القطع الاستهلاكيه.  لان الفحص. يطلعها 

حتى لو كانت السياره. وكاله اصفار. مستحيل. 

تفحص سياره. ومايقولك سوي تصفيه. مكينه 

والتصفيه معروفه قطع استهلاكيه بواجي فلاتر ........،،

الله يرزقك البيعه الي تسرگ. 


up 0 down 0
سبحان الرازق سبحانه 2513
قبل 5 سنه و 4 شهر



وين السياره لها اعلان بحراج؟
ابي اشوفها


up 1 down 0
miz00 207
قبل 5 سنه و 4 شهر



الله يعينك

يعني لا علمتهم قالوا غشاش وليا اخفيتها قالوا شريطي

والله عاد مالك غير ترفع السعر


up 0 down 0
jemmi07 340
قبل 5 سنه و 4 شهر



هذا مايدل على انه فيه مشكله بالحد السعر المشكلة ان الي شافوها شريطية بس يبي يعرف سعرها اذا ماعجبه يعذرب بالسلعه ويمشي

اوغشيم واول مره يشتري الصامل مايرده الا الفحص


up 0 down 0
296
قبل 5 سنه و 4 شهر



يارجل . فيه اعلان لكزس 2009 . الموتر بين انه ورده ونظيف . وحتى راعيه مسوي له جميع صياناته
الرجل طالب فيه 33 ولحد اشتراه . والسبب سعره رخيص جدآ عن الموديل


up 0 down 0
صاحب سموه 533
قبل 5 سنه و 4 شهر



غلط انك تحدد السعر قولهه سومم واذا عجبك السعر بيعها لاتحدد سعر اذا هو اقل من سومتك لسيارتك 

يعني لاتقوله ببيعها 40 وهي تسوى 50 او 60 يمكن تجيب لك سعر اعلى 


up 1 down 0
7amood1930 182
قبل 5 سنه و 4 شهر



نهائيا لاتقول سعر سيارتك او المبلغ المطلوب انت قل ع السوم يمكن السوم يعجبك ويجيب لك المبلغ اللي براسك
عموما 45 الف لسيارتك سعرها حلو اذا السياره نظيفه بالتوفيق والله يرزقك


up 0 down 0
موووت احبك 1625
قبل 5 سنه و 4 شهر



اخوي انا افضل

انك على اقل تقدير دام موترك مافيه غير رفرف وماجاء الشاص اي شي شوري عليك انك تصلح الايرباج

في ناس تصلح الايرباج تلاقي عندهم القطع يغيرك حق الدركسون ويغير الجهاز واتوقع الاحزمه ويبرمجها لك وترجع وكاله

وتجيب لك سعر طيب



up 1 down 0
ibrahime 1196
قبل 5 سنه و 4 شهر



الله يبارك لك في رزقك ومالك يكفي أنك ما غشيت الناس و حطيت سعر معقول
بكل بساطة حتى تريح نفسك وضح لهم كل شيء ولو سألك عن سعر البيع قله للسوم و الباب مفتوح


up 1 down 0
عبدالله خالد 19 367
قبل 5 سنه و 4 شهر



miz
هذا رقم الاعلان 18980331


up 0 down 0
a v a l o n 2184
قبل 5 سنه و 4 شهر