هل جربت قيادة سيارة مصدومة

يعتمد على مكان الصدمة

اذا واجهة اتركها لانها بتتعبك مشاكل كل شوي

عليكم السلام
سيارتي شريتها مصدومة صراحة تواجه اصوات وقربعة مافي احسن من الجديد

عليكم السلام

سيارتي الباثفايندر تعرضت لصدمة في الرفرف الخلفي يمين انبعج الرفرف و طبقتين مع ذلك اتصلح و ورجع مثل البلد (المصنع)

و البوية مطابقة و السيارة ماشاء الله تقول كأنه ماصار لها شي.  الشاصي الحمد لله سليم بس اضرار في الرفرف و رش مع الصدام

تعتمد على موقع الصدمه.
على قطع الغيار الاصليه.
والشغل النظيف والممتاز.

اذا وجهيه او القوائم او الابواب ما انصحك لي تجربه صدمه رفرف وباب
يدخل اصوات الهواء والروائج مافي مثل الوكاله

الله يعطيكم العافية مشكورين على الرد
والسبب الي يخليني اسال بعض السيارات سعرها ممتاز لكن يعيبها صدمة رفرف او شنطة او دقش مع الباب فالواحد يحتار

اي سياره جاها رفرف يمين او يسار او من قدام مهما كانت خفيفه ودخلت الرديترات فيها اتركها ولا تفكر تشتريها 
لان الصدمه بالامام دايما تطلع عيوبها بعد شهر واكثر تطلع لك خرابات ماتتوقعها ولا تدري عنها
فدايما اشتري النظيف ولو زاد 10الاف ادفع وانت مبسوط اهم شئ واجهتها كامله مايصير لها اي شئ

حتى لو سلمت السياره من الناحيه الميكانيكيه راح تﻻحظ ضعف في العزم

على حسب الشغل وانا اخوك
الافضل اذا تبي تشتري مصدوم وتصلحه بنفسك
تعرف وش حاط وورشة شغل نظيف وتطلع كسبان بفرق سعر عن السوق

شوف اذا ماكانت وجهيه يعني ابواب رفارف اهم شي الخلفيه مافيها قص 

عادي بس اذا وجهيه وماتصلحت وكاله انحش 

واحد شريطي غشني في اول سيارة اشتريتها واكتشفت انها مقلوبة لما جيت ابيع
طبعا عزل ضايع العضلات كلها منتهية

هو زي ما قالو الأخوان على حسب مكان الصدمة و طريقة و جودة التصليح
الوالد حفظه الله قبل سنة خشت عليه تريلا القمامة الله يكرم السامعين و ما أحكيكم وش صار
الجهة اليمين راحت تالف مشقوقة شق غير البيبان...الخ و راح ورشة محترمة لكن مع ذلك في الخطوط فوق 85 كلم/ساعة تبدأ تسمع صوت الهواء ولو فيه رياح تسمعها بشكل واضح