مشورتكم بجيوب الكروس اوفر

اختيار موفق وفعلا هو افضل شي حاليا .. المازدا عندك مشكلة الوكيل والقطع .. الباثفايندر نفس الشي اضافة الى قلة انتشارها


والوالد عنده سنتافي 2015 اي استفسار انا حاضر طبعا فل 6 سلندر

اكثر من سياره ( السنتفيه - الراف فور - الكيا موهافي ) اهم شي ابعد عن cx-9 المازدا الفاسد والا بتكره نفسك

حسب استخدامك ، الكروس اوفر يجي منها 4 سلندر و 6 سلندر ، إذا كنت راعي خطوط أفضل لك سنتافي عن غيره

وإذا استخدامك داخل المدينة يوجد لديك 4 سلندر عندك الراف فور والتوسان أفضلها لك عن غيرها ، والله أعلم .

المازدا cx9 الحالي موديل 2016
صرف البنزين سئ
و الجديد بينزل بعد 20 يوم حسب كلام موظف الوكالة ببريدة
مكينة مازدا 6 لكن معها تيربو اقل صرفيه لكن اقل عزم من مكينة الV6
بس ممكن افضل 
السانتافيه طلعت فيه مشاكل عيوب بالقير و المكيف
و بيتغير شكله 2018 بعد الازيرا
اخوه كيا سورنتو يبدو لي افضل و اقل مشاكل
لكن الافضل برأيي كصرفيه و عزم و تكييف علوي
اللي هو فورد اكسبلور استاندر دبل خليجي ب115

مستغرب من وكالة تويوتا مكتفيه بالراف فور الصغير
في كروس اوفر فخم مبني على اساس الافالون ينزل بالسوق الامريكي
اسمه   هايلاندر  
 لو ينزل  عندنا يغطي على الكوري و مازدا و غيرها

توسان صرف البنزين كويس

هاتف1
الكيا موهافي اس يو في SUV وليس كروس اوفر

فيه عند سنتافي تقريبا هو المناسب بها الفئه من نواحي كثيره
منها ان له 3وكالات وقطع غياره متوفره ومتوفر بخيار 6سرندل و4سرندل
وايضا متوفر بحجمين وايضا سعره تقريبا في متناول اليد

السنتافي اختيار ممتاز بس خذ 6 سلندر

عندك ايضا خيار اخر الي هو فورد ايدج بشكله الجديد موتر ممتاز ووكيل ممتاز

انا اقولك ان السانتا في فعلا هي الافضل في هذه الفئة مجرب لموديل 2015 و 2016

لكن يوجد بها عيب بسيط بالجربكوس المشكلة الوكالة الناغي يقولو طبيعي والمكيف في عز الحر لك عليه شويات
وصرفية البنزين لك عليها للستة سلندر
غير كذا السيارة فعلا قرب موديلها الجديد

ارى انك تصبر الى ابريل وتوضح الصورة اكثر

بالنسبة للبديل ارى افضل المتوفر حاليا هوندا crv 2017
معروفة بخلوها من العيوب وهي تعتبر اكورد بس كروس اوفر
طبعا ايضا اعتمادية جدا وضمانها حلو 5 سنين او 150 الف وصيانتها في الوكالة ممتازة
واهم نقطة صرفية البنزين جدا جدا جميلة
عيبها سعرها اغلى من المنافسين لكن دور في المعارض ممكن تلقى فرق ملاحظ

بالتوفيق

عندك نيسان اكستريل
مكينتها نفس مكينة الالتيما 2.5 ونفس القير cvt وصرفيتها ممتاز
سعرها ف بحر الـ60 الف

الله يعطيكم العافيه على الردود

بالنسبه لمشكله المكيف بعتبرها محلوله ركب كمبروسر اوبتيما 2009 وانتهى

صرفيه البنزين لا اعلم .. ودام ان الشكل يتغير فالافضل اصبر لين اشوف الشكل الجديد ونحكم عليه .. وايضا المازدا CX9 مازال من ضمن الخيارات مع مكينه التوين تيربو وممكن اضيف الباثفيندر الشكل الجديد كخيار ثالث

اما الايدج مااعرف الا الشكل القديم واشوفه صغير ومايصلح لا هو ولا الاكسبلورر .. باقي السيارات 4 سلندر مثل التوسان ماتصلحلي ومشكورين ماقصرتو

عندك الراف فور تويوتا & الاكس تريل نيسان ,

بعد البحث الكثير في هذه الفئة , هالسيارتين هم اللي دخلوا مزاجي ,

الشركة , الشكل , صرفية البنزين , فئات الدفع الرباعي , المكيف , السعر