عينك ما تغشك .......

هاذا طال عمرك يعتبرونه البعض ذكاء
وهو للاسف غباء + غش = دعاوي

كلامك صحيح اخوي ،حتى على الطبيعة اللي مالو خبرة زي حالتي ممكن يتم خداعه بالتلميع الداخلي والخارجي ،الله يصلح الجميع

حياك
المشكله كيف يكذب ويخليك تقطع هالمسافة 
اقل شي قالك الموتر مرشوش 
لاحول ولاقوة الاباالله

حسبي الله ونعم الوكيل على هالعينات وعلى كل غشاش
والله ياصاحبي ذكرتني براعي افالون حرامي ولسانه عسل
معه افالون لمتيد وانا في الباحه وهو في ابها
الله لايوفقه
منزل موترة في الموقع وداقه بتلميعه
المهم الموتر علية وقفه في الصور تهستر معه
قالي كل شي وكالة وعينك ماتغشك والموتر كفو
وفل الفل ومنوة المستخدم موتر العمر
وادق سلف على ابها
طبعا اتفقت معه ابادلة بموتري راس براس
يوم وصلته هنا الكارثة
اولها بطانات الرفارف منتوفه نتف
وضربة في الرفرف ومخفيها في الصور
والمكينه فيها بلا ترجف
ولمبة التشيك والفرامل مولعه
الدعسة ثقيلة بالحيل دعسة الحراثه اخف منها
المهم مسكت اعصابي وقلت الله لايوفقك يالحرامي
وارجع الباحه
فكثير فية ناس الغش عندها شي طبيعي

الشريطيه اغلبهم من قطاع واحد سيئ السمعه ولا يخافون الله ولا يهتم بك ولا تقدر تشتكيه لان له في كل مكان من يساعده بالاضافه الى انهم يشهدون مع بعض يعتبرونها فزعه
لذالك انا منذ مبطي ما اشتري الا جديد حتى لو اكسنت او من احد اعرفه شخصيا
+1 لايك للجميع

كلامك صحيح اخوي ... صارت معي حولت المبلغ لصاحب السيارة و ارسلها لي بس
كلامه+الصور غير الحقيقه... طلع فيها بلاوي ... اشتريتها 28000 وبعتها 11700.

قبل شهر من الان بالظبط كنت أدوى على موتر دفع رباعي للبر

ولفيت السوق اكثر من إسبوع وطبعا ابي موتر بس الشتاء وأبيعة

طبعا لقيت فورتشنر فيه واحد راكب والسواق هندي والموتر ما شاء الله يلمع

والله وجيت عنده كم سيم قال بالسعر الفلاني بياع لاني مستعجل وعندي زواج بمكة


ولازم الحق الزواج اذا تبيه فتراه جاك بس اخلص خلنا نروح المعرض ونخلص ابي الحق الزواج

قلت طيب الموتر فيه رش فيه شئ قال أبدا مافيه لارش ولا يشكو من شئ وكالة وعلى يد السواق يوصل


الحرمه للمدرسة ويجيبها فقط ولا يسوقة الا السواق من يوم طلع من وكالته والحين جبنا له جمس نبيه يرتاح

ولا مانفرط في الموتر ذا والله يا اخوان سقت الموتر من يوم ركبت قال يالله وقف عند المعرض ابي الحق الزواج خلنا نتكاتب قلت ابي

افحص قال انت شكلك منت بشراي وتبي تاخرنا المهم قال خلاص سق وجرب مشيت وقفت عند محل فحص قال وش فيك قلت افحص

قال انت ما تبي تشتري وتبي تاخرنا خلاص مو للبيع خلنا نلحق الزواج بس والله يا جماعة حسبته صادق وفي نفس الوقت عندي شك لانه يوم اجيب طاري الفحص يراوغ

المهم تركته وبعد 40دقيقة او اكثر وانا افر في السوق والاقيه قدامي المهم واقطع الشك باليقين عرفت انه كذاب لازواج ولاشئ بس الموتر فيه عيب ويبي يخفيه وجايب معه الهندي يبي يوهم

الناس الله اللي يعلم ما ابي اخش بالنوايا ولكن ما اقول الا حسبنا الله ونعم الوكيل ..

غالب مافيه واحد بيبيع سيارة الا فيها بلى
ولو فيها خير ما عافها الطير
و لو كان واثق منها اكيد بيبيعا لقريب ولا جار
لذالك عليكم بالجديد حتى ولو صيني
تجنبا للغش والخساير الفادحة
اهم شيء تتوفر قطعها والله لتخدمك
اكثر بكثير من المستخدم

وبصراحة الموقع ما عد فيه جدية
الاغلبية يستعرضون بس
واسعار فلكية على خردة

اكبر غلط تسافر الي مدينه اخري عشان تشتري سياره
لان ل الاسف لما تضرب مشوار تكتشف ان صاحب السياره ما يرد عليك او لما يجي تشوف سياره شي ثاني

ياخوان دخلنا 2017 وللان أسعار فلكية متى بتنزل الأسعار ملينا ننتظر اف جي 2017 ب 142 
وال16 وال15 للآن صاملين بالأسعار حقها 

السلام عليكم
اخوني احذروا احذروا احذروا من
1- الي مغطي اللوحه
2- الي مقفل التعليقات
3- الي مصور بالليل

شكرا لجميع المشاركين
والحمد لله اولا واخيرا
المستفيد من هذي القصة
الخطوط السعودية والكداد اللي وصلني المعارض
ما فيه الا قوة سلخ بالاسعار الله يعين اللي اوضاعهم المادية تعبانة.....

فعلا الغش عند البعض يعتبره صقاره انه خدعك صارتلي قبل سنين شفت فورد فكتوريا للبيع وقفته تلفت النظر المهم اتصلت
على الرقم الي عليه وقابلت راعيه وطول الوقت يمدح فيه ونظيف ومافيه اي مشاكل وانا امانتا وقتها جاهل بالسيارات
وعلى النيه وماخذ بكلام الرجال ما شكيت حتى وشغل السيارة واشم ريحه خياااس تطلع ورا قلتله السيارة فيها مشكله
قولي من البدايه قال لا قلتله ابي افحصها هو انا قلتها بس وكأنه انمغص وقام يصرف ويقول افحصها بالنظر ومن ذا الكلام
المهم نشبت له ورحنا فحصنا والله ياطلع فيها بلاوي مبوشة وحاط مادة عشان يخفي الدخان وفاصل لمبة التشك انجن
وفيها مشكله في الكهرب وواحد من البساتم مايشتغل او انه ضعيف وقتها سوا نفسه زعلان تركني عند الفني
حتى ما رجعني معه لسيارتي المشكله كبير بالسن مو صغير
عموما الحذر واجب جدا في ناس لاذمه ولا ضمير والله يحمي الجميع

والله ما أنسى نفس الموقف ، ويوم وصلت تعبان من السفر وجدت سيارة مختلفة تماما
يقول نظيفة وكل شيء شد بلد
ودت رشات وسيارة معدومة

والله ما أنسى نفس الموقف ، ويوم وصلت تعبان من السفر وجدت سيارة مختلفة تماما
يقول نظيفة وكل شيء شد بلد
وجدت رشات وسيارة معدومة

الصدق و الأمانة نعمة من الله ,

من رزق بها فليحمد الله و من حرم منها فليسأل الله العفاف و الغنى ,


كما أن هناك ناس لا يريدون الخسائر المادية لأنفسهم مقابل ذممهم , هناك خير كثير و هناك من يبيع بذمة و أمانة و ضمير