أضف سؤال أو موضوع جديد          

لازم ادراة موقع حراج تدخل ونبي الكل يشارك واظغط لايك للفايدة

up 21 down 24
كل جديد ٢٠١٥ 135
قبل 4 سنه و 4 شهر



السلام عليكم ورحمة الله وبركاتة وبعد ...
الموضوع وما فيه موجه لادارة الموقع وجميع القائمين عليه

اذا تبغون تطورون الموقع وتحافظون على مستوى المبياعات فيه لازم تشوفون حل للاعلانات الناقصة

90 % من الاعلانات ناقصة

تحصل المعلن منزل صورتين و تصوير ابو كلب بعد

وكاتب اسم السيارة والموديل وكاتب السيارة ما تحتاج اي شيء

عبي بنزيم وامشي
تحاول تسألة عن باقي الموصفات يقول لك تعال شوف بنفسك
ويوم تقابلة عشان تشوف السيارة تحصل العجب !
المساعدات مفقعة وعلبة الدركسون تهرب والبودي مسمكر كامل والممشى فوق 500 الف والفرامل يالله تمسك
ومطوفة 5 سنين

هذي السالفة صارت معاي اكثر من مرررة انا اشوف الحل كتالي

: اول شيء تضاف خانات اضافية اجبارية في جميع اعلانات السيارات تكون بعد ماركت السيارة ونوعها وموديلها

الاضافات مثلا :
عداد المسافات (الممشى)
حالة البودي (مرشوش - مسمكر ..)
الصيانة التي تحتاج لها السيارة (تعبى من قبل المعلن )
اوراق السيارة (مجددة - مطوفة )

هذي الحل صحيح ما راح يحل المشكلة تماما ولاكن راح يحد من المشكلة






مثال توضيحي اكثرر







( عداد المسافات )
[ نرجو وضع مسافة سير المركبة ]
-----------------------------
( حاله البدي )
[ نرجو اختيار حالة بدي المركبة ]
1 2 3 4
غير مرشوش - مرشوش - مسمكر - رش تجميلي
-----------------------------
( الصيانة الى تحتاج لها المركبة )
[ تعبي من قبل المعلن ]
-----------------------------
( اوراق السيارة )
[ نرجو اختيار حالة اوراق المركبة ]
1 2
مجددة ومفحوص - غير مجددة ولامفحوص





اخواني الموضوع منقول من الاخو : ghost1
الله يعطيه العافيه
وانا ماكررت الموضوع الا لاهميته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حتى في هذي يقدر يكذب أنت لازم تروح تشوف السيارة كذا والا كذا


up 8 down 1
mohammed shareef 1074
قبل 4 سنه و 4 شهر



انا افضل او يزيد على كذا يحط صورة للعداد يبين الممشى عشان ما يقدر يكذب
غير كذا ما يمديك تعرف هل هو كذاب او لا ههههه


up 0 down 1
loody_23 363
قبل 4 سنه و 4 شهر



مثل ماقالوا اول رد حتى هذي يقدر يكذب ولازم تفحص بنفسك

لكن الاهم الصور تكون بالنهار ومن جميع الجوانب والعداد


up 0 down 0
المنطق يقول 727
قبل 4 سنه و 3 شهر



يا كل جديد موضوعك سبقك بيه واحد اسمه قوست
انا ماحب ادخل بالنيات يعني هل سرقت موضوعه او حطيته بمجهودك وماكنت تعرف انه في واحد نشره قبلك ب3 ساعات تقريبا


up 1 down 2
moneer.altaefi 123
قبل 4 سنه و 3 شهر



للاسف حتى عداد السيارة صاروا يزورونه ، انا مدري الناس هذي كيف تنام الليل وفي بطنها لقمة حرام


up 0 down 0
آبو بندر الحارثي 111
قبل 4 سنه و 3 شهر