أضف سؤال أو موضوع جديد          

نظرتي للسوق خلال الفترة الماضية

up 14 down 1
ابو عزوز8 430
قبل 4 سنه و 5 شهر



الكثير منا سمع عن انخفاض اسعار السيارات والمطلع على موقع حراج يتبين له العكس لايوجد انخفاض


الكم شهر الماضية صرت انزل للسوق بشكل دوري تقريبا كل 3 ايام والحقيقة تفاجات بركود السوق جداً صحيح الجمعه والسبت زحمة شريطية لكن مافيه بيع وشراء مثل مايشاع لنا السوق جدا راكد وللاسف البعض متمسك بسعره عشان الف او الفين المعارض عندها استعداد تنزل لك الي عشرة الاف اذا انت زبون صامل وكاش

سيارات كنت قبل شهر اشوفها محدوده ب270 وثم بعد فتره والله يقولك عليها سوم ب250 والبيع بفرق السوم ويمكن يبيع باقل لا شافك صامل!!

جيب اللكزس من 400 الي 365 ببعض المعارض ولا فيه احد يشتري الشريطية يحاولون بشتى الامورفي حراج انهم يحسسوننا ان السوق مو ركد واكبر مثال شف اغلب المواضيع تجلس بالشهور ولا فيه زبون صامل وبعض السومات الي تطير الموتر يصير اخويا متفقين مع بعض احد المواضيع موتره بالسوق مايجب له 130 بالواقع والسوق وجيبك بحراج يقولك مسيوم ب180 ولا باع؟؟ هههه طبعا ترجع له بعد كم اسبوع يقولك الصامل يجي خاص انه عارف انه مافي احد صامل وعارف ان سعره مبالغ فيه
اجل لكزس 2013 يبي بموتر سعر موديل2016 ومشي حول مية الف!! ومرسيدس 2014 جديد بوقتها ب400 وكادها 3 سنين ويقولك مسيوم ب370!!ولو نزلت للسوق حصلتها ب250 واقل!!
السوق مقبل على نزول ماراح اقول اصبر كم شهر اصبر شهر بس وشف عروض الوكلات عبداللطيف جميل مبيعاته هالسنة قليله ويعاني من ركود توكيلات الجزيرة مستعدين ينزلون لك الي 10000 ريال عرض داخلي بس تعال اشتر

نصيحيتي للبائعين لاتخلين 10 اوو عشرين الف تعوقك عن البيع كلتاخيره تنزل من سعر الموتر ماراح ترفعه محدثكم بعت سياره باقل من سعر السوق ب30 الف بعض ماشفت ان الوضع مزري ولا فيه الزبون الصامل اي شريطي عاقل وصادق راح ياكد على كلامي وكلام كثير من الاعضاء الي نزلوا للسوق الفترة الماضية
واسال الله لي ولكم التوفيق في الدارين ان شاء الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ولد عمي شريطي وصفى حقوقه وطلع من المعارض يقول إيجار المعرض ماحنا قادرين ندفعه
ومن ناحية ركود فعلاً فيه ركود بشكل كبير جداً خصوصاً في الجموس والجيوب والسيارات الغالية
بس مايبيعون ومتمسكين باسعارهم !!
محدثكم قبل قليل جاي من إحدى الصالات وشايف شيفروليه كروز 2017 نص فل أغلى من السوق بـ 7500
ولارضي ينزل لو ريال واحد ! طيب ليه متمسك بربح أكثر من 8000 ريال ع الأقل ؟؟



up 9 down 1
..original 219
قبل 4 سنه و 5 شهر



نصيحة للشريطي وتجار السيارات عموما

دور رأس مالك لا تخليه في حديدة ممكن ينزل سعرها بعد شهر أو شهرين

بيع وأربح القليل وأنت راضي ، خير من أن تبيع مجبراً بعد فترة

لو تبيع 4 سيارات أسبوعيا بربح 12000ريال فيها كلها ، خير لك من أن تبيع سيارة واحدة بـربح 6000 ريال

إذا بعت وأشتريت بسرعة وبربح راح تسلم من تذبذب أسعار السيارات لأنك شهريا راح تنزل سيارات جديدة

كذلك راح توسع من قاعدة العملاء ، العملاء راح يعرفون معرضك ويتواصون عليك

وخير مثال أحد المعارض في الموقع يعرفه الجميع ، يبيع بربح عادة ما يكون أقل من المعارض الثانية أحيانا بـ 500 وأحيانا أقل بـ 2000 ريال
وما شاء الله كون قاعدة عملاء قوية

في الوقت الي يبيع 20 سيارة المعارض الأخرى تبيع سيارة واثنتين

يشترون منه من الشمال والجنوب وحتى أهل الغربية ، يشتري البعض منه بالجوال وحواله من البنوك

وبالتأكيد ربحه ليس قليل ، ولكن الأكيد إنه أقل من بقية المعارض ، عنده نوع من القناعة

وتذكروا أن السيارات ليست كالعقار فهي كل سنة موديلات

وحتى العقار تمسكوا فيه كثير ومع هذا نزل فما بالكم بالسيارات ، حرك فلوسك وبيع سياراتك وتأكد إنك راح تشتري سيارات جديدة وبسعر أقل
نسأل الله لنا ولكم التوفيق


up 8 down 0
anosi 1427
قبل 4 سنه و 5 شهر



ي رجل لي شهر ادور سياره نظيفه من 10 الى 15 من السيارات الصغيره 

السوق ميت والاسعار نفسها 

اكسنتات مديل 2009 على 10 الف معدومه و2013 ع 15 وهي ماتسوا ريال 

اخر شي خذيت سياره مشي حال من التعب والروحه والجيه
كرهت شي اسمه معارض


up 2 down 0
tttt35035 1050
قبل 4 سنه و 5 شهر



^^
الحال من بعضه بس والله رحت استاجرت لين احصل الموتر الي يستاهل

الواحد يستعجل ويندم بعض الاحيان
سياره معروضه بحراج بدون ذكر صاحبها حادها ب١٦٠ وبالخاص سمتها منه ب١٣٠ وباعني بس بعد مافحصتها ماحصلتها مثل ماكنت ابي ولكن بالعام مازال حادها ب١٦٠ ياخي عادي نزل حدك وارضى بالمعقول يجيك الصامل مثلي او غير بس لاشافوك مبالغك بسعرك اين كانت سيارتك صدقني محد يقبل عليك


up 1 down 0
ابو عزوز8 430
قبل 4 سنه و 4 شهر



يجون يسومون سياراتنا ببخس ويقول طاحت واذا جيت اشري منهم القاه زايد 20 الف


up 2 down 0
ابو صالح الشهري 74
قبل 4 سنه و 4 شهر