أضف سؤال أو موضوع جديد          

صدا في سيارة جديدة من الوكالة؟

up 4 down 0
aldaham 44
قبل سنه و 11 شهر



السلام عليكم 

الموضوع بإختصار ، اليوم جيت استلم سيارة جديد من الوكالة على الزيرو ، وتفاجئت ان السيارة متسخة وعليها تراب  ومادة زيتيه ريحتها كإنها زيت قلي ، موب تلميع ، المهم اتفت مع مدير المعرض انهم يرسلوها الى 
الورشة للتنظيف والتحهيز ، حيت ثاني يوم ولقيت السيارة اسوأ من اول ، كلها زيت ، اتكرات السيارك الي في الحوض مافي ، البودي مافيه اي لمعة ، مبهت ،واسفل السيارة صدا ،؟ 

هل هذا طبيعي ، لاني اول مرك اشوف زي كذا ، بالعادي استلم السيارة تبرق ،، طبعا رفضت استلم السيارة ، هل طبيعي الصدا ،ولا لا ؟
من خبراتكم وش العمل ؟؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصدأ ينتج طول مدة ركون السيارة كم مديل سيارتك ؟اذا 2015 وتحت فعادي يكون ناتج مثل ماذكرت عن طول مدة الركون اما زيت القلي اللي تقول فمدري وشهو هههههههه والصدأ ترا يروح مع الاستخدام .. واكثر ماينتج الصدأ بالمناطق البحرية مثل جدة والدمام بسبب الرطوبة


up 0 down 0
برق الحيا 88 594
قبل سنه و 11 شهر



اهم شي انك رفضت استلامها
انت دافع حقها ولالهم منة عليك
لاتاخذ شي الا مقتنع فيه وهذا أبسط حقوقك


up 4 down 0
سند10 1158
قبل سنه و 11 شهر



لا تاخذها . خلهم يبدلونها . 


up 1 down 0
amer ahmed 393
قبل سنه و 11 شهر



اللي تسويه التالي 
تكتب ورقه رسميه ان السياره اللي شريتها نوعها وموديلها
ارغب منكم عمل النالي 1 2 3.....
ولكم الشكر 
سووها بها ونعمت ما سووها اتصل برقم وزارة التجاره 
اتوقع 1900 وقدم بلاغ لان من حقك تستلمها نظيييفه 


up 0 down 0
لا للغلاء 585
قبل سنه و 11 شهر



اللي تسويه التالي 
تكتب ورقه رسميه ان السياره اللي شريتها نوعها وموديلها
ارغب منكم عمل النالي 1 2 3.....
ولكم الشكر 
سووها بها ونعمت ما سووها اتصل برقم وزارة التجاره 
اتوقع 1900 وقدم بلاغ لان من حقك تستلمها نظيييفه 


up 1 down 0
لا للغلاء 585
قبل سنه و 11 شهر



اللي تسويه التالي 
تكتب ورقه رسميه ان السياره اللي شريتها نوعها وموديلها
ارغب منكم عمل النالي 1 2 3.....
ولكم الشكر 
سووها بها ونعمت ما سووها اتصل برقم وزارة التجاره 
اتوقع 1900 وقدم بلاغ لان من حقك تستلمها نظيييفه 


up 1 down 1
لا للغلاء 585
قبل سنه و 11 شهر



الصداء غالبه بسبب الشحن البحري . تلقى السياره مشحونة على سطح السفينة


up 1 down 0
صاحب سموه 535
قبل سنه و 11 شهر



اذا في إمكانية استبدلها الي اشوف الصدأ هذا يكون بالسيارات القديمة 


up 0 down 0
العضو المتميز -78
قبل سنه و 11 شهر



معقوله ذَا دفرنس سياره زيرو زي كذا موسخ
كذا مره نطلع سياره زيرو تجيك تلمع من تحت هاذي واضح الصدا علا الدفرنس
دايم اغلب السيارات تجيك الهوب مصدّي بسسس


up 2 down 0
عادل الانصار 103
قبل سنه و 11 شهر



الفورد اغلبه كذا ما ادري وش السبب حتى الاسبديشن وكاله شفتها فيها صدا


up 1 down 0
معالم التقنية 156
قبل سنه و 11 شهر



قل لهم بطلت وهونت عن السيارة بسبب عيوب في السيارة
السيارة لازم تكون جديدة وبدون عيوب
وسلامتكم


up 1 down 0
نواف1420 255
قبل سنه و 11 شهر



للعلم اغلب الفوردات يجي فيها صدأ منذ خروجها من الوكالة تجده ايضاً في الديكور الامامي  تحت دعسة البنزين لكن الصدأ سطحي ولا يؤثر على الاداء بناء على تجربتي في فورد اكسلبورر وفورد اكسبديشن
لكن الصدا اللي ينتج عنه تآكل في اجزاء السيارة عامة ابعد عنه لانه يؤثر في السياره على المدى البعيد
واذا لك رغبه في السياره اطلب من الوكاله عمل حمايه اسفل السياره.ودمتم


up 1 down 0
bo reem 20
قبل سنه و 11 شهر



اليوم رحت الوكالة ، قالو في سيارات كثيرة متضررة عاصفة رملية ، والظاهر كانو بيبيعوني سيارة من المتضررة وعليها ملاحظات
طلب تغير السيارة ، وتمت الموافقة من مدير المعرض ، اهم شي يا شباب الي بيشتري سيارة يتأكد من كل شي قبل لا يوقع اي اوراق استلام ، بعض الوكلات يقولك وقع ورقة اصدار اللوحات ، وهذا طريقة عشان يقولك انك وافقت وان السيارك بإسمك ما يمديك تبدلها
الحمدلله ان ربك الهمني وشيكت على السيارة من جميع الجهات ونزلت تحت السيارة .

مازات بإنتظار الردود منكم ، وشكرا على الردود


up 3 down 0
aldaham 44
قبل سنه و 11 شهر



المجدوعي مايخليك توقع على الورقه ولا يركبون اللوحات الا بعد ماتشيك عليها بنفسك وتقتنع فيها 


up 3 down 0
7amood1930 305
قبل سنه و 11 شهر



والله الصدا الي في الصوره واجد
انتبه الله يعينك على الوكاله


up 1 down 0
البراق15 1689
قبل سنه و 11 شهر



الافضل. تخليهم يغيرونها لك. 

ياخي. انت دافع فيها مبلغ وقدره. عشان تاخذ سياره 

وكاله. جديد نظيفه وتلمع. لمعان من النظافه  

حتى لو الصداء. ماراح يئثر. عليها ويقدرن يزيلونه 

ويلمعون السياره.  صدقني مابترتاح معها نفسياً كذا. 

بتكرها. لاكن مثل قالت  خلهم يعطونك غيرها افضل. 

وتكون. نظيفه من الصدا والاوساخ الزيوت والأشياء الي مثل كذا 

انت تدفع عشان. تشتري حاجه. وكاله اسم على مسمى 

ترتاح معها. اما الصدا. والزيوت وهذي الاشياء. والسياره 

وكاله. فبكذا. راحت. فرحت شريت سياره وكاله 

يمكن الصدا يسبب مشاكل. ثانيه. 

او حتى عند البيع. مستقبلاًًًًًًً ًًًًًًًً.  الي يشوف الصدا. ماراح يشتريها 

زي المدن الي فيها رطوبه. مثل الدمام. وجده.  

يعانون. من  الصدا بالسيارات 

قبل فتره اذكر واحد من الاعضاء. نزل موضوع. 

عن سياره. في. الدمام. في الوكاله مدري الصالات. الي تجي  من برا

حصل فيها صدا. من تحت. بطن السياره  

خلاصة الكلام  الافضل. يغيرونها لك. حتى لو الصدا 

ماهو مئثر. فيها. لاكن. انت دفعت. ذاك المبلغ عشان شي 

يستاااااااااااااااهل. 


up 0 down 0
سبحان الرازق سبحانه 2476
قبل سنه و 11 شهر



الفورد دائما يجي بطبقة صدأ في أماكن مختلفة 
حتى داخل السيارة تحت الطبلون 


up 1 down 0
أبو راشد 33 917
قبل سنه و 11 شهر



شكرا للجميع عبى الردود ، الغريب انه اذا جو بيعرضونرالسيارة
في المعرض ، مشاءالله تبرق ووضعها يكون من احسن ما يكون ، تيجي
وتشتري ، يطلعون السيارات التعبانة عندهم ، الصراحة ، انا عشان ارتاح 
من وجه الراس والمعارض ومشاكلها ، رحت الوكالة ، بس للأسف 
صارو اسوأ من الشريطية ، اذا جات السيارة الثانية بنفس الملاحظات 
ببطل البيعة ، وبعتبرها خيرة من الله ، وانشالله الله يكتبلي خير في سيارة او 
اي شي ثاني .

هم يلعبون على وتر ان الزبون متحمس ويبي السيارة يستلمها وينبسط فيها ، ولكن الكل لازم يكون
مصحصحلهم ويفحص السيارة بالملي ، 


up 2 down 0
aldaham 44
قبل سنه و 11 شهر



ياخي مشكله بعض شركات السياره وهم يرسلون السياره لدول اخرى عبر البحر على باخرات مايتم رش اسفل الموتر ب مانع صدى وبعض الشركات اجباري يتم رش بطنها مضاد لصدى لن الرحله عبر الباخره تستغرق شهرين مع الرطوبه .والحر بس صراحه اعجبني تصدير سيارت مازدا او اليابان شوف المقطع وكيف ترتيب الميناء https://www.youtube.com/watch?v=YKnQK-AjYz4


up 0 down 0
مهراس الزهراني 1322
قبل سنه و 10 شهر



انا طلعت هايلكس ٢٠١٥
وبعد ممشى ٨٠كيلو فكيت الكبوت و الصدا لاعب فيها لعب

وسيدا للمعرض و ماقصرو بدلوها لي على طول بدون اي كلام 


up 0 down 1
وائل ..... 304
قبل سنه و 10 شهر