مخالفات على السيارات الغير مؤمنة

هذا المفروض عشان مايجي واحد يصدمك وينحاش 
والمفروض بعد غرامات لشركات التأمين الي ترفع السعر أكثر من 500 ريال

وش عليهم مني انا ما اامن ضد الغير الا عند تجديد الاستماره.   وراكد وحذر.            اعوذ بالله مايشبعون
علما بانني اوؤمو لأخواني والصغار.  الذين اتوقع حدوث دقشه منهم.             انا اعرف اغلب شركات التأمين لمتنفذين
لكن يتعقبون السيارات الغير مؤمنه.  يعقبون.    

الهدف انتشال شركات التأمين من خسايرها على ظهورنا

لو التامين باقل من 500 ريال ممكن نمشيها
اما راتبي ما يعدي 3500 وياخوذن 1000
والله لو اعرف اني انسجن ما امنت
سلامااات اقعد اصرف عليهم انا !

تخيل تسوي حادث ب 20 الف تقول ياليت أني مؤمن بألف ريال

واااااااااضح انه اشاااااااااااعه
اجل كاميرات مخفيه ههههههه
هذا غير كلمة كشفت مصادر
طيب اي مصادر؟!
المهم ريلاكس ي اخواني
المعلقين فوق
وانت ي صاحب الموضع
ماهو اي شئ تشوفه
نسخ لصق وارسل ي قميل

ذي جباية عيني عينك 

بدل ما يكون فيه نظام لمراجعة اسعار التامين 
يجون بذا 
يعني ما كفاهم تدبيل المخالفات  راحو وجعلوها بشكل مبالغ فيه 
وفوق ذا تدبيل .. مع تعمد تاخيرها حتى تنزل مدبله 
الحين يطاردون السيارات الغير مؤمنة لاجل مخالفتها 

التامين بسعره القديم مغطي وزياده لتبعات الحادث 
لكن جشع تجار الله يحرقهم .. وللاسف هناك من المسؤلين من يقف 
ضد مصلحة المواطن 

هذي اشاعه مثل اول مانزلت كمرات ساهر كانو يقولون ان في لوحات السيارات شرائح تقدر كمرت ساهر تجيب رقم اللوحه من الشريحه ومايفيد طمس الحروف و كله كلام فاضي من نسج الخيال والاشاعات

ما اتوقع

عندي الاوبتما امنها قبل سنتين ب 800 ريال والسنه الماضيه 1050 ريال و هالسنه يبغون 1250 وقلت على خير ان شاء الله !!!

انت شف الكلام الي مايدخل العقل 

55-60% غير مؤمنة 

يعني اكثر من نص السيارات 

طارت فلوسك ياصابر
هذا هم يبثون اشاعة يشوفون وش يقولون الناس 
وبعدين تصير حقيقة

الى الأمام
اللى فيكم مايؤيد الفكرة
ماقد انصدم من واحد ماهو مؤمن واتبهدل وراه في القسم
يوقفونه ويطلع مامعاه فلوس ويتحول للسجن
وانت حالك واقف بسبب ان المعلم اللى صدمك مامعاه تامين ولا معاه فلوس يدفع لك حقك
انا مريت بتجربتين سيئتين .. الاولى اللى صدمني مامعاه تأمين وتضطر تجري وراه عشان حقك
والثانية انا صدمت وكنت غلطان ودخلوني التوقيف واقول لهم معايا فلوس .. قالوا كان تروح تأمن فيها
وقعدت يومين في التوقيف بسبب طال عمره يقدر القطع .. اما الحين .. انا اخويا الصغير ادفع فيه ٣٠٠٠ ريال تامين سنويا ولا اتبهدل وياه .. وانا حريص قبل لاينتهي تاميني اني اسوي تأمين
ماذاق المرار من يتهاون في التأمين .. لاسمح الله تطب في حادث جامد تدفع فيه ٤٠ ألف وانت مامعك حق مصروفك .. ولا حتى بتقدر تجمعها لزواجك .. وتدفعها في حديد ؟
وحتى لو قلنا معاك فلوس .. روح سوي تأمين يكفيك الله شر التوقيف الوسخ والله كله بق وحشرات وقذاره وانتو بكرامه ..

الله يعين في هذي الحياه

كل الاخبار حاليا تنزل على انها إشاعة كجس نبض الشعب, علشان ما ينصدم وبعدها ينزل الخبر رسمي. الأهم من هم ملاك شركات التأمين الحقيقيين في الدولة؟ راح تعرف ان الموضوع له علاقة بالاقتصاد وليس حرص و اهتمام بالمواطن في حالات الحوادث

أنا معاهم بقوة اذا تم تخفيض أسعار التأمين زي زمان 400 ريال ضد للغير 

ياجماعه واضح انها اشاعه مثل اول مانزلت كمرات ساهر كانو يقولون
ان في لوحات السيارات شرائح تقدر كمرت ساهر تجيب رقم اللوحه من
الشريحه ومايفيد طمس الحروف و كله كلام فاضي
انا سيارتي منتهي تأمينها من سنه ولا اخد مخالفه لا شي

لا ما توقع صحيح فيه ناس رواتبهم قليله ولا يقدرون يامنون 

انا اعرف واحد عمره ٢٠ وتوه متوضف راتبه اقل من ٣٠٠٠ 

راح يبي يأمن طلبو منه ٢٨٠٠ غير معقول بالمره 

اتمنى ان مايطبق ذلك في ظل الاسعار الحالية 
واتمنى ان يكون سعر التأمين على حسب سجل الحوادث للشخص
وترجع بست مئة بها الحدود 
لان نزلت الاسعار بكل شي الا التأمين مانزل

بخصوص الموضوع 
هذا الموضوع متداول حاليا وليس هناك خبر رسمي وأتأسف اذا الموضوع ضايق الكثير 

الصراحه

بأمن على سيارتي سواء صار علي حادث او لا

ماتدري الايام اش تخبي لك

ادفع الف ريال ضد الغير

ولا ادفع عشرين الف تكلفة تصليح سيارة الطرف الاخر