نقاش لزيادة العزل الارضي

العزل الارضي لها ثلاث عوامل هي السبب الرئيسي في ترديه
1-التلميع وغسيل الارضيات والفرشه في مكانه . وهالشي يسبب ترسب للعزل الماء على العزل وبعدها تاكل القطن
2-قدم السياره يعني العزل معروف مدته5سنوات واقل .. العزل مثل اي شي له مده ويستهكل ويبداء بالتاكل
3- العزل من النوع الرخيص .. معروف افضل العزل هو الي فالمرسيدس والبي ام الالماني

افضل حل لك
1- االتاكد ممن دعسة الكفرات رياضيه ناعمة او خشنة
2- تبديل العزل بعزل الماني اصلي ويكون سميك .. ويفضل انك تشتري النايلون وتلبسه الارضيه قبل لاتركب العزل

انت جالس تتكلم عن سيارة لها فترة طويلة

سيارتي جديدة مالها شهرين

شيء طبيعي اذا كان سعر سيارتك تحت ٨٠ الف 

لان الغزل الجيد يبتدي مع الفئات الفخمه شوي يعني بالتويوتا 

تلقى الافلون عزله ممتاز مقارنة بالكامري بس مو مثل عزل المرسدس 

وبالهونداي تلقى الازيرا والجنسس عزلهم افضل من الالنترا والسوناتا

بختصار على قد ما تدفع تاخذ. 

بما ان موترك جديد .. احياننا تكون المشكله خارج السياره خصوصا الكفرات اذا كان مؤشر الازعاج فيها عالي .. طبعا يقاس بالديسبل

من 67 الى 69 هذا الكفر هادئ جدا

من 70 الى 72 يعتبر متوسط الازعاج

من 73 فما فوق يعتبر مزززعج جدا وانصحك تغيره حتى لو كان من شركه عالميه كبرى لها اسمها بالسوق

كفرات النيكسن والكومهو مشهوررره انها مزعجه على عكس الهانكوك مع ان اثنينهم كوري

وعليكم السلام ورحمة الله وبركاته

ضغط الهواء في الكفرات يلعب دور من تجربه
نوع الكفر كذلك

من وسائل زيادة العزل تركيب طبقات العزل الصوتي و تباع في الانترنت ولا أدري إن كانت تباع هنا

تشبه طبقات اللباد و تلصق على أرضية السيارة مع البودي مباشرة و كذلك داخل الأبواب

شوف اعطيك العلم 
امس رحت عند حقون المفارش واشتريت لباد او العازل الي ينحط تحت الموكيت 
اخذت متر ب10 ريال  سمكه 10 مللي
ورحت البيت وفكيت المقعدة الخلفية ومقعدة السواق وفكيت ارضية السيارة حتى وصلت للبودي وحطيت العازل 
طبقت جهة وحدة عشان اشوف الفرق 
بعد التركيب اخذت لي لفة 
صوت الشارع خف بنسبة ممكن 30% والفرق واضح لان جهة الراكب ما عليها العازل والصوت جهة الشنطة تقريبا في صوت واضح يعني حاول تعزل معاك حتى الشنطة
فجرب وركب العازل حق المفارش على جهه وحدة اذا حسيت بالفرق طقم للسيارة كلها 

وكمان عندك الابواب نفسها فك الديكور بالكامل ولصق عليها اللباد احرص لان ترى الصوت الشارع يجيك عن طريق الباب 

والله انا جربت امشي ع زفلت خشن وزفلت ناعم

وزفلت ناعم مافيه صوووت ماتسمع الا صوت الهواء خفيييييف 

وزفلت خشن مرررررة كانك منزل القزاز

عرفت ان المشكلة بالعزل جهة الكفرات

وبشوف المواقع الباقي ان كان حصلت حلول ممتازة

عطيتكم خبر 

امسيكم بالخير جميعا

انا سيارتي مثلك العزل الارضي فقع راسي ولقيت هذا الفيديو في اليوتوب
https://www.youtube.com/watch?v=oaLWryK_Xbk

الان قاعد ابحث عن ارخص وافضل طريقه للعزل واذا لقيت برجع اعلمك