محلات الفحص

اللي اعرفه تعطيك نتائج فحص الكهرباء وقوة المكينه، والقير , اما الباقى يعتمد على خبرة الفنى مثل المساعدات والاقمشه والهوبات
وجلد وكراسي مكينه

وفقك الله

في ورش مختصة لفحص السيارات بالكمبيوتر ويطلعلك نتايج فحص الكهرباء والقير والمكينه فقط .. ومن ناحية العضلات وبطن السياره واي صوت غريب في المكينه وتهريب زيوت يكشفها لك فني

لا تروح المحلات المشهوره

لانها سارت توقف معاك يالمشتري و تسير ضد البايع مثل البريدي وكارتك

لانك انت اللي دافع لهم فلوس

وهم لهم سمعة كبيره فلازم يوقفون بصفك

ويطلعون لك السياره انها خرده ما تسوا ريال
فبكككذا

خربوا عليكك انت لان نفسك راح تطيب منها وتقول ما ابيها

وراح يخربون على البائع في انه ما راح يبيعيك لانك بتقول رخص لي 5 الاف اقل شيء لانهم يطلعون عيوب والله تقول كيف تمشي السياره دام هذا كله فيها ههههههه


فيه واحد اسمه استاذ الصيانه ب 150 شامل

بودي ومحركات وكل شيء

وينصف والله , اتفقت مع واحد معاه اوبتما وفحصتها عندهم و كانوا منصفين ما وقفوا مع اي طرف ذكروا مافي السياره والخيار لك

اما البريدي هذا اللي مايخاف ربه ما اقول الا حسبي الله عليه وعلى امثاله

جيت ابيع سيارة الوالد ورب البيت طلع فيها مية عيب . طلعها خرده !! ويقول تحتاج تغير كذا وكذا والمشكله الفاتوره حقت الصيانه بين يديه , توي مغير كل القطع اللي قاعد يقول لنا انها تحتاج تغير ههههه

وبالاخيريجيك الفني مسوي نفسه هو الخبير اللي معاه شهادات من جامعات اوروبيه ويسير الحكم بيني وبينه ويقول السياره اعطيها نسبة جيد من ممتاز !!

بالله يا ناس وش موقف المشتري بعد كلام الفني هذا !!

بيقول ما ابيها بريال

وبكذا ما استفاد المشتري ولا البائع والمشتري خسر 600 فحص مدري 700 والمستفيد الوحيد هو المركز

اما استاذ الص والمحلات المتواضعه الرخيصه ما يجي يحكم بيينك وبين المشتري , يذكر لك كل مافيها ويقول الله يوفقكم في بينكم

حياك
انصحك تفحص البدي كمبيوتر صراحة مايتعداها شي اي نسبه
معجون وسمكره يطلع
اما المحركات شف لك ميكانيكي يفحصها وهل سبق توضيب المكينه
او القير راح يخبرك
والشاص بعد شف لك سمكري يفحصه
وبخصوص الكامري معي وحدة 2003 تمام التمام
بس موديل 2006 تفرق باالاانوار والااسطبات كا شكل افضل
وباالتوفيق

لاتعتمد على الفحص ونسبة المكينه لو طلعت النسبه 87%

لو تروح تغير البطاريه. او بواجي وترجع له يفحصها 

تطلع النسبه فوق 90%. 

لان الفحص كمبيوتر يفحص الكهربه  حتى لو تمسك خط 200

كيلو وترجع. تتغير نسبه المكينه لان السياره تصفى مع المشي 
الطويل. 

لاكن القير راح يبين معك في المشي. حقين الفحص يطلعون 

يجربون. القير بالمشي بالسياره. 

واما نسبه المكينه فهذا. ماني مقتنع فيها. بالفحص. 

حتى. لو تجيب لهم سياره وكاله. اصفار. مستحيل تطلع النسبه 100%

في عام 2013 طلعت ازيرا اصفار وكاله.وكان بيني 

وبين خويي سالفه عشان الفحص. قلت له الحين 

اودي السياره. للفحص. ويفحصون نسبه المكينه 

اذا طلعت النسبه 100% خذ السياره لك. 

واذا طلعت النسبه اقل منها. عطني الف ريال قال اوك 

طبعاً هذا الكلام بعد ماطلعتها من الوكاله بيوم. 

ورحنا الفحص. وفحصوها. وطلعت النسبه 94%

والسياره والله مامشت 300كيلو توها مشت يمكن 160كيلو 

وبعد يقولي الفحص. سوه. تصفيه مكينه. 

من بعدها عرفت. انهم ماعندهم سالفه ولا اعتمد عليهم. 

اذا بشتري. 

هههههه اذكر مرة كان معي مرسيدس شبح كان فيها راس المكينة وتهرب نص علبة في الشهر المهم فحصتها عند مركز موثوق طلعت لي نسبة المكينة 92
ومن ذلك اليوم عرفت ان ماعندهم سالفة