انتبه انتبه. اذا بتستاجر سياره
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم ورحمه الله وبركاته.
يااخوان الموضوع. واضح من العنوان.
انتبهو يالي تستاجرون سيارات من مكاتب التاجير
حصلت قصه مع خويي امس. ولو ماكنت معه وقتها
ماكان صدقت.
رحنا مكتب تاجير. بيستاجر سياره. وبيسافر بعياله
الجنوب ،،
رحنا لمكتب تاجير دايم يستاجر من عندهم.
المهم استاجر السياره وخلص الاوراق.
السياره النترا 15اخذناها ورحنا البيت. طاح
جوالي تحت المقعده ويوم وقفنا نزلت ادور للجوال
تحت المقعده. دخلت يدي تحت المقعده. واطلع الجوال
وحصلت كيس فيه. ياجماعه الخير (مخدرات) حبوب
اطالع فيها ياولد وش الهرجه. قلت لخويي شف وش حصلت
تحت المرتبه شافها. قالي كيف جت هذي قلت. والله علمي علمك
حصلتها تحت المقعده. كيف جت الله العالم.
قلت له. فتش السياره. لايكون فيها شي. غير هذي.
دورت بالدرجه وتحت المقاعد ولا حصلت شي.
دور هو. بالدرج الي تحت الدركسون. وحصل. 1500وقطعه حشيش
قسم بالله يااخوان. اني انفجعت من الي. شفناه
بالسياره. قلت له. يارجال. الحمدلله. اننا احنا الي
حصلناها. ولا تكون سافرت وطحت بتفتيش. وحصلوها معك. والله
مايصدقون ان مالك دخل فيها ولا تدري عنها.
المهم. اخذنا البلاوي هذي. وكبيناها بالحمام.
وانتم بكرامها ورحنا للمكتب ورجعنا له السياره
وماقلنا له السالفه ولاشي.
ورحنا مكتب ثاني. واستاجر. سياره ثانيه والحمدلله
مافيها شي.
الخلاصه بالموضوع يااخوان. احتمال. الي استاجر السياره. قبلنا
شكله بياع او متعاطي. ونسى. الاغراض بالسياره.
مالها الي هذا التفسير.
فاانتبهو يااخوان. الي يستاجر ينفض ام السياره نفض
لاقدر الله وكان فيها شي وماتدري عنه تطيح بتفتيش ويلقونها.
وتجي براسك. ومحد راح يصدق انك مالك علاقه فيها.
انتبهو يااخوااااااااان تكفووووووووون
هذا الي. عندي اليوم. وحبيت انبهكم. من هذي الحركه
واعتذر ان وجد اخطا الكتابه لاني اكتب من الجوال
وموفقين ان شاء الله
![إبلاغ](https://montada.haraj.com.sa/images/alert.gif)
الردود
بالنسبه لبعض الردود الي يقول كذاب
ومدري ايش. منت مجبور تصدقني. وماني مجبور
احلف عشان تصدق. اعتقد مالي اي مصلحه. واكتب
موضوع من نسج الخيال.
الله المستعان.
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
قبل 7 سنه و 7 شهر