أضف سؤال أو موضوع جديد          

لاتعتمد على بطاقه الصراف .. للمسافرين .

up 36 down 3
مهراس الزهراني 1338
قبل 5 سنه و 4 شهر



السلام عليكم اخوكم مهراس الزهراني وبعد .. الحمد لله لم يصير لى الموقف ولكن حصلت قصه امامي

في ناس كثير تعرضو لعلميات نصب عند المحطات ونت مسافر يجيك شخص يقول انا جاي من ديره بعيده

وفلوسي ضاعت ولا سيارتي تعطلت ولا يصرفك !! .. المهم صرت اقرا ب المواضيع وصرت ابحث وصرت منتبه منهم

لين ماجاء اليوم الى امسك به خط .. ومعين من الله خير واتقهوى بنص الموتر واسمع ام كلثوم هههههه وشوي اطالع عداد البنزين

قلت نعبي بنزين ونشتري من المحطه خفايف . وكرمكم الله نبغى دوره مياه المهم رحت المحطه عبيت بنزين . صفت الموتر ع جنب رحت دوره المياه حقت المساجد

ودخلت السوبر ماركت الا واشوف ناس يتصايحون قلت لاحول ي جماعه وش فيكم هم اثنين قالى واحد انتبه لاتعطيه شي تراه نصاب .. واسمع الثاني يقول حسبي الله عليك

وطلع الشخص الاول .. واكلم الشخص الثاني قلت وش فيك ياطويل العمر قال والله مسكت خط واهلي معي والصرافه اكلتها المكينه كنت بسحب .. انا هنا اقول بقلبي انه نصاب كبير شوي يوم درى اني ما اهتميت سحب علي ومشى

من زود لقافتي .. ولعلها لاقافه خير .. مسكت يده قلت ياطيب والله ماتهون علي مكسور الخاطر .. افا عليك حنا شعب واحد ومسلمين وش ناقصك قالى حق الطريق .. وشف عيالى بسياره والله انكسر خاطري قلبي يقول لاتعطيه نصاب

كسرت حاجز قلبي ومديت يدي على المحفظه وعطيته الف ريال . يوم عطيته لزم على الا تعطيني رقمك وعطيه .. ومشى الرجال ونا مشيت وافكر شوي دق علي زميلي بدوام والله ونضحك ونفلها ونا ماسك خط ونسيت الموضوع يعني

بعد تقريبا 3 الى 4 ايام والله اني ناسي . يجي اتصال رديت سلام هلا اخبار علوم .. قلت ابد شوي قال عرفتني قلت لا والله من معي

انا الى عطيتني الف ريال قلت حياك الله هلا قالى انت سويت خير قلت عادي ياخوي قال انا ب البنك ارسل لى رقم حسابك قلت لا عادي سوينا خير .. قال ارسلى رقم حسابك قلت سم ابشر واقفل وارسله رقم الحساب شوي الا تجيني رساله ع الجوال

تم تحويل مبلغ الفين ريال .. ياولد انا مصدوم طلع الرجال صادق ودقيت عليه ورد. قلت ليه تحول لى الفين قال ياخوي سويت خير انت قلت وش موضوعك كيف

قال اكبر غلط اني اعتمدت على بطاقه الصراف .. ومسكت خط وبنص الخط قلت بمر المحطه ومريت وجيت بسحب واكلتها المكينه وتوهقت ونزلت ادور فاعلين خير قالى وكلمت واحد وقالى انت نصاب وقلت له عيب عليك

يقول الا تجي انت ونا شرحت لك وضعي واشوفك ما عطيتني اي اهتمام قلت بمشي رزقي ع الله شوي الا تمسكني وماقصرت والله انك كفو .

قلت له ماسوينا الا خير .. وقفل والى يومك .. ونا ناقد على نفسي اني شكيت انه نصاب المشكله في ناس فعلا تمر بظروف .

ولكن يقول المثل شبعان مايدري عن جيعان .. ياخوان مهما كان من المعروف افعله .. اي معروف افعله

الله تعالى ادخل امراه الجنه بسبب كلب .. شربته مويه

والله تعالى ادخل امراه النار بسبب قطه لم تخليها تاكل وحبستها ..

والمحتاج معروف من وجه والى مر بظرف معروف والخسيس معروف ..

وفي قصص كثير تشوف انها بسيطه مثل المراه الى شربت الكلب الماء ودخلت الجنه .. قصه بسيطه لكن الله تعالى عنده كبيره

خلاصه القصه .. افعل من المعروف قد ماتقدر . ياخوان الى معه مرسدس sel
يكلمني لني معي واحد وفيه مشاكل بسيطه ابيه يفهمني فيها








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قصتك حقيقة وواقع معيش ،بس حقيقة كثرة النصب والغش قتلت الهمة والمرؤة في أنفس الكثيرين ،وأصبح المجتمع لا يأبه لصاحب الحاجة ليقينهم أنه نصاب وإن كان صادق ومضطر
،اشتهرت عندنا قصة حقيقية لأسرة تقف على أحد الطرقات الراقية ويركبون سيارة لكزس فارهة يقومون باستيقاف السيارات المارة وطلب مبلغ بسيط من المال لتعبيئة السيارة فقط والوعد برده وانت تشوف مظهر الرجال الذي يحدثك وسيارته تثق في انه مضطر ولكن اتضح لاحقاً أنه نصاب كبير والسيارة مستأجرة...! ،والله المستعان
وجزاك الله خيرا على مرؤتك
(صنائع المعروف تغي نوائب الدهر)
والله أعلم


up 1 down 0
abo_marthad 130
قبل 5 سنه و 4 شهر



فعلاً كما ذكر احد الاخوان النصاب يخرب على المحتاج صدق.

صار لي نفس الموقف كنت موقف في محطة متعطل ولله الحمد كان معي فلوس لكن المشكلة كان البنشري مقفل ويجيني واحد قال أنا مقطوع وباين شكله صادق المهم عطيته المكتوب وسبحان الله ما طلع من المحطة إلا البنشري دخل وسوا موتري بأقل من التكلفة المتوقعة حتى. سوي الخير ولا تنتظر رده من البشر لأنه إذا ما جاء منهم بيجي من ربهم سبحانه وتعالى.

وعلى سيرة راعي التريلة إللي بيبيع الجلكسي ههههههه مرة مسافر لمكة معتمر وصادفت واحد نفس الحركة المصيبة كان قبل مكة على طول ولا هو بعيد عنها ويقول انا محتاج وجوالي جديد قلت هات الجوال وقعدت أفحصه بحكم خبرتي في هذا المجال واكتشفت إنه صيني تقليد وقلت له قال أنت كذاب وأنت تبي تبخس حق الجوال حرام عليك أنا محتاج ههههههههه.

وفعلاً تراها حركة مفيدة إنك تخفي مبلغ في السيارة إذا كنت راعي سفر كثير واشوف 500 طيبة بس انتبهوا تنسونها مثل واحد أعرفه شخصياً أبد أبد مهوب انا.

المعذرة على الاطالة ولكن موضوع الأخ يجبرنا ننقل تجاربنا عشان الكل يستفيد من هذا الموضوع.


up 2 down 0
آبو بندر الحارثي 111
قبل 5 سنه و 4 شهر