المنتدى للقراءة فقط. تم نقل المنتدى إلى حراج السيارات.

يا اخوان استشارة ضرورية في موضوع الزواج و السيارة

تقييم إيجابي 3 تقييم سلبي 8
jemmi07 340
قبل 9 سنه و 9 شهر



السلام عليكم

يا اخوان والله معليش لكن ابي رأي يقنعني

انا من سكان ابها وعملي في الرياض امسك كل نهاية شهر تقريبا خط مع شباب بسيارة واحد منهم
حاليا افكر اتزوج وفكرت ابيع سيارتي ( كرايسلر اكزاكتيف 2013 ) واخذ الكابرس الي عطيتها اخوي
المشكلة اني مجرب الكابرس واتعبني يحتاج عناية واذا تعطل شي صعب صيانته ويصرف بنزين بعد
دورت على بي ام 2003-2007 ولكزس 2004-2006 ولا حصلت النظيف
الفورد شلته من راسي بسبب ان طارته خفيفة وتحتاج تركيز عن المنعطفات
فكرت في تشارجر اوكرايسلر v6 لكني لان قطعها اغلى من الثمانية والقير حساسا

الزبدة بديت اشيل فكرة الزواج من راسي وعلمت الوالد لكنه يقول لي تزوج احسن ومن ذا الكلام
وأخاف اتزوج وتنظلم البنت معي تبي تشوف اهلها ولا تبي شي ما في غيري وغيرها في البيت

يااخوان ضروري شوروا علي











الردود


ابوي مايبي لها تفكير

بيع السياره اللي عندك واشتري بدالها النترا جديد او سوناتا نص فل

وتزوج والله راح يبارك لك في مالك وعيالك

انا يوم عزابي انواع السيارات عندي والسفريات كل ويكند وفله

والحين معي اكسنت حقت العمل وابوس يدي وجه وقفى احسها نعمه



بس يوم تزوجت ركدت وانا اخوك ولي جاك عيال راح تعرف هشئ ومصاريف وشغلههه

تقييم إيجابي 4 تقييم سلبي 4
aboahmed2014 1167
قبل 9 سنه و 9 شهر



احسن حل لك تروح طيران لاهلك من قبل
بع السيارة و تزوج و خذ لك سيارة صغيرة لمشاوير الرياض لو صني جديدة

تقييم إيجابي 0 تقييم سلبي 0
مثقف سيارات 1156
قبل 9 سنه و 9 شهر



الشور طال عمرك تزوج وخلك ساكن في الرياض واذا حصلت نقل لأبها فاطلع لأبها
انا كنت اسافر كل اسبوع الحين والله قدني ااشيل هم التمشيه
السفر تعب وارق تحصل اثرها بعدين الزواج زين واستقرار
الكامري والأوريون التورس كلها خيارات ممتازه

تقييم إيجابي 6 تقييم سلبي 0
واحد من الناس12345 119
قبل 9 سنه و 9 شهر



بالنسبة للسيارة ليس خذلك سيارة اقتصادية لان السيارات اللي ذكرتها
اغلبها تصرف وقطعها غالية .


ليش ما تاخذ تاخذ كامري - كادينزا - افالون هذه سيارات v6 وقوية وعزمهم قوي وما احد يختلف عليهم .

بيجيك واحد بقلك الكوري ما يعيش جرب حنا صرنا ب 2017 وفي ناس ما زالو على هذه العقلية .

المهم الله يخترلك الخير واتمنى لك السعادة والتوفيق في ما اخترته .


تقييم إيجابي 3 تقييم سلبي 0
ahmad akk 561
قبل 9 سنه و 9 شهر



عندك ايضا سوناتا او اوبتيما 2000cc تيربو نسيت ما اذكرها اربعة سلندر ماشاء الله سياراتين حلوات وفخامة وعزم قوي الان بنزين بيرتفع سعره خذ شي اقتصادي تريحك من صرف البنزين .

تقييم إيجابي 1 تقييم سلبي 2
ahmad akk 561
قبل 9 سنه و 9 شهر



انا مادري ليه الناس مستعجله على الزواج حتى عندي واحد من اخواني زيك تقريبا يابن الحلال لاتتزوجو الحين اصبر سنه سنتين جمع وكون نفسك والزواج لاحق عليه هذي حياة ثانية (الزواج) ماهي لك لحالك بتدخل شريكة معاك في حياتك ماني متزوج الا بعد ما أكون نفسي وأامن كل شي أخر الزواج عادي حتى لو عمرك وصل 30 ماهو عيب

تقييم إيجابي 3 تقييم سلبي 6
faris20142015 -20
قبل 9 سنه و 9 شهر



من استطاع منكم الباءه فليتزوج ومن لم يستطع فعليه بالصوم
الزواج حلو. خاصه في البرد.    

تقييم إيجابي 0 تقييم سلبي 3
عبدالله الشفيعي 1440
قبل 9 سنه و 9 شهر



توكل على الله وتزوج وخلي موترك عندك 

تقييم إيجابي 1 تقييم سلبي 0
محسن1990 40
قبل 9 سنه و 9 شهر



والله الي فهمته انك مهتم بالسيارة اكثر من الزواج ياخي خذلك سيارة عمليه وخدومه واقتصاديه اما المصاريف الزايده مالها داعي
وتزوج وسفراتك في الاجازات طيارة او بر الي يريحك واستقر في الرياض الى ربيي ييسرها ونصيحة السيارة فكر في شي
عملي ويوفر بنزين فكر في نفسك وفي مصلحتك

تقييم إيجابي 1 تقييم سلبي 0
shalsh 321 51
قبل 9 سنه و 9 شهر



يارجل خليك راعي مصالح وانسان عنلي وصدقيني بتعيش بسلام وامن وراحة بإذن الله.
يعني سيارة صغيرة جديدة اقتصادية تكفي.... وتراها تودي وتجيب زيها زي الفاخرة ..وترى بحتاج بعدين تجمع حق ارض وفيلا.. وللعيال... والحياة صعبة

تقييم إيجابي 1 تقييم سلبي 0
ابو.نايف999 -9
قبل 9 سنه و 9 شهر



للتصحيح انسان عملي وراعي مصلحة

تقييم إيجابي 0 تقييم سلبي 0
ابو.نايف999 -9
قبل 9 سنه و 9 شهر



الله يجزاكم خير يا اخوان

لكن صعب اخذ سيارة صغيرة وامسك بها خطوط

الله يجزاكم خير ماقصرتم

تقييم إيجابي 0 تقييم سلبي 0
jemmi07 340
قبل 9 سنه و 9 شهر



بديت أشك أنك أبو سعود 
نفس مواضيعه 

تقييم إيجابي 1 تقييم سلبي 2
fahad0401 202
قبل 9 سنه و 9 شهر



يا رجال عساك طيب السياره تتعوض وكل السيارات توديك وتجيب اخوي طلع من تبوك للبحرين بإكسنت لاكن السياره وكاله فهمت علي ؟ 
اهم شيء لك نفس بالزواج مو تجامل ابوك وتقروش بنت الناس بعدين ..
الله يوفقك ويسهل امرك وامر الجميع ..

تقييم إيجابي 1 تقييم سلبي 1
yazeed793 7883
قبل 9 سنه و 9 شهر



اخوي تزوج وخذلك سيارة متوسطة ومو لازم تطلع لأبها كل شهر

الزواج غير عن السيارة لو تجلس عشر سنوات على اكسنت وتغيرها بعد هالمدة بسيارة فخمة من تفس اللحظة راح تنسى السيارة الصغيرة وغثاها عكس الزواج اثر مستمر معاك طول عمرك فكل ماتزوجت بدري كل ماكان افضل  وعسى الله يرزقك بعيال وتعرف معنى هالكلام 

تخيل تأخر الزواج الى عمر ٣٣ سنة وعمرك ٣٤ يجيك اول ولد يعني يوم تدخله المدرسة الا صكيت ٤٠ سنة!!! ترى خاصة هالوقت العيال يحتاجون احد يداريهم ويحتويهم وكل مايكبر الاب يقل نشاطه ويكون فيه اختلاف شاسع بالتفكير بينه وبين عياله وقالوا قديما 

ولد الشارب للحية وولد اللحية للشيب

تقييم إيجابي 1 تقييم سلبي 0
دكتوراه في الحب 165
قبل 9 سنه و 9 شهر



انا معي افالون قديم وبتزوج يابوي اصلا لو تزوج معاد بتسافر بتستقر 

تقييم إيجابي 1 تقييم سلبي 0
maximum speed 578
قبل 9 سنه و 9 شهر



خذلك سيارة اقتصادية إذا أنت على قد حالك وابعد عن الايجار بالتمليك والاقساط لو تدين مبلغ وتشتري سيارة خذلك هيونداي سعرها رخيص وعمليه المستعملات حلوه انا مجربهم وتعيش وتصبر

تقييم إيجابي 0 تقييم سلبي 0
ابن-شلاح 6
قبل 9 سنه و 9 شهر